1 Yohanese 5:3 - Janji beluke

³ Le sepo ite lalema titinai loko Alla, suke lulu Eni pletaru. Kai Eni pletaru susa kena ite lulu mo.

1 Yohanese 5:3 ပူးပေါင်းရင်းမြစ်များ

Matiuse 23:4

Esi ono atata ktilina kai pletae imi kena lulu atata meru, eleyo esi tapa imi toto kena ono lulu moneka.

Yohanese 14:15

Yesuse Ibeteke lekwe be, “Sepo imi oki Au titinai hoko imi lulu Auku pletaru pusulu.

Yohanese 15:10

Sepo imi lulu Auku pletaru hoko imi nete rame loko Au oki imire, lupe AmaKu Ioki Au rame le Au lulu AmaKu Eni pletaru.

Yohanese 15:14

Auku ebe kena imi sepo imi lulu Auku pletaru ete imire.

Roma 7:12

Hoko kwali betaya, hukume mere emise titinai le ebei Alla kai saisa rebe ebetekele, emise titinai kai enkena.

Roma 7:22

Le laleku titinai kena lulu Alla Eni pletare,

Ibrani 8:10

Po namake Au ono janji esa kai pusue Israelaru esi anubuaru. Au tolae Auku aturane me lalesi kai Au lekie me esi maka noake leke esi rekwae eleki esi lulue. Au ono Tuhane etesi kai esi ono Auku tamata.

1 Yohanese 2:3

Suke ite lulu Alla Eni lepataru rame, mere tanda be ite rekwaI titinai.

2 Yohanese 1:6

Oki lomaije elere: suke ite hidupe lulu Eni hnaunaru. Hnauna rebe imi lene kena imi hlaleke menai sare eombe imi ruere suke oki lomai.