1 Yohanese 5:16 - Janji beluke

¹⁶ Sepo imi selu kwalimi pise betami sae pine iono dosa rebe eono irue lau bei Alla mo, hoko suke imi kotie loko Alla etei, leke Alla Iono isupu hlamate kai irue mise eti pela. Imi ono mere ete sie rebe esi ono dosa rebe elikusi kena matale more. Po dosa me pine tamata ionoe hoko irue lau bei Alla. Dosa mere, au beteke mo be suke imi kotie loko Alla lele.

1 Yohanese 5:16 ပူးပေါင်းရင်းမြစ်များ

Lukase 12:10

Sire pine ilepae tiae ete Au, Tamata Eni Nanae meije, hoko Alla Iampune tamata mere sa, po sire pine ilepae tiae ete Ro Misete hoko eti pelare eni dosaru supu ampune moneka.

Yohanese 17:9

Ama, Au kotie etesi. Au kotie ete nusa meije mo, po batuke Au kotie ete sie rebe Ama Arilukesi ete Aure le sie meru AmaKu Amu tamataya.

2 Timotiuse 4:14

Aleksandere, tamata maka ono tanei bei tembagare, iono susate elake ete au peneka. Namake iteki Tuhane Ihukumeni lulu eni neune rebe ionoe ete aure.

1 Yohanese 5:17

Pusue nsalalaru mere dosa, po dosa leini me supu ampunele leke supu rue kai Alla eti pela.