1 Petruse 4:15 - Janji beluke

¹⁵ Po imi supu susate le imi bunu yake pise ndea yake pise ono neu yake pise lupu kai tamata makete kena hoha yake.

1 Petruse 4:15 ပူးပေါင်းရင်းမြစ်များ

Matiuse 5:11

Kena imi supu lepate tiae, supu susate kai lepae imi tiae po mere tinai mo le imi hlaleke loko Aure, kena mere Alla Iono lalemi ndina.

1 Tesalonika 4:11

Imi keu keholi kena lepa ktili kai lomai yake, po kerike ktili loko ruami makerike mimise. Imi kerike kena supu manane ete imi ruami lupe akmena ami rue kai imire, ami pletae imi kerike.

2 Tesalonika 3:11

Ami beteke ete imi ele meije le ami lene be bei imia meru leini me esi noso kai esi suka kerike moneka, po batuke esi kwale tamata maketa esi makerike.

1 Timotiuse 5:13

Rebai suike, esi noso. Esi keu hole me tamata makete esi luma. Kai tia lesi lekwe, esi lepae tamata makete kai tamata makete eni sasaisare suke esi ono lokole. Esi lepa loko saisa rebe lepaele mise more.

2 Timotiuse 2:9

Bei au lepae Sou Misete meije eti au supu susate, kusu bui kai supu lo kena rante pesi saka tamata neune. Po atahane le masike au supu lo kena rante po esi lake rua au mo kena lepae Sou Misete bei Allare.

1 Petruse 3:14

Po sepo imi ono misete pine imi supu susate, namake imi supu untune elake. Rilami le sae yake kai imi kaplalemi yake.

1 Petruse 3:17

Sepo Alla Iature kena imi supu susate peneka le imi ono misete, hoko mere mise. Mahabe ite supu susate bei ite ono tiare yake.