1 Petruse 3:11 - Janji beluke

¹¹ Suke ihleke sifate neune kai iono misete. Kai iatula titinai leke nasuke tamata makete mo.

1 Petruse 3:11 ပူးပေါင်းရင်းမြစ်များ

Matiuse 5:45

leke tamata esi kotie imire Ama ndete surgare Eni nanae. Le Alla Iono lemataije ete tamata misetaru kai ete tamata neunaru lekwe, kai Iono ulane ete tamata rebe esi ono nkenale kai ete tamata rebe esi ono nsalalaru lekwe.

Matiuse 5:9

Tamata rebe esi ono tamata esi laleisu mise kai lomaije, Alla Iono laleisu ndina le esi kotiNe Alla Eni nanae.

Matiuse 6:13

Kai kena ro tiaru esi elake eteheke amire, Asebeie ami hlaleke ktili loko Ale mo yake, po tie ami bei ro tiaru esi elake esi kbasare leke ami ono dosa yake. [Le Ale Kamale rebe Akbasa kai hita titinai eti pela. Amine.]’

Markuse 14:7

Le tamata susataru erisi rue kai imi rame sa kai imi li lokosi sa, po Au rue sakesa kai imi rame mo.

Lukase 1:79

Tuhane Iluake kena Ihita tamata rebe esi rue me otoi melene, rebe rilasi le matale. Ikeri ite loko lalane rebe tiluke ite kena rue mise kai Alla.”

Lukase 6:35

Suke imi ono misete ete tamata rebe laleisu tiake imire. Imi sebeie esi pinjame sasaisa neka, masike esi leuke ete imi mo, po imi ono misete etesi rame neka. Sepo lalemi mise etesi rame ele mere, hoko imi supu tanei elake bei Alla, kai esi selu imire, Alla eni nanae. Alla mere Eni kbasare ela titinai. Le tamata rebe esi suka beteke trima kasi eteI mo kai tamata neunaru lekwe Alla laleI noaise neka.

Lukase 6:9

Eleki Yesuse Ibeteke lokosi be, “Au suka tneu imi mina. Ite rekwa saisa rebe Musa eni hnaunaru esuka ite lulue kena petu pleije? Suke ite ono misete, ono tiae yake moyo? Ite ono tamata imise, ite bunui yake moyo?”

Yohanese 17:15

Au kotie leke Ama Aranasi bei mei nusa meije mo, po Au kotie leke Arakasi bei ro tiaru esi elake rebe eono tiare.

Roma 12:18

Imi atula titinai leke imi hidupe mise kai pusue tamata.

Roma 14:17

Le sepo Alla Ikbasa saka kamale kena iteki hidupe hoko Isukare ite ono nkenale. Kai leke ite ono misete kai lomai kai ite lalemaru ndina le Alla Eni Rore Ikbasae itere. Kai saisa rebe kanele kai kinure epentine mo.

Roma 14:19

Ele mere hoko ite atula leke iteki hidupe esa kai ite aktilie lomai leke iteki maka hlaleke ektili,

Roma 5:1

Kwali betaya, pamuli meije ite ono nkena me Alla oaI peneka le ite hlaleke loko Yesuse. Ele mere hoko ite ono mise suike kai Allare baue iteki Tuhane Yesuse Kristuse.

Roma 7:19

Au ono yelu miseta rebe au suka onore mo. Po au hali kena ono yelu tiae rebe au suka ono more.

Roma 7:21

Hoko auku hidupe eono ele mere. Laleku kena ono misete, po rebe au onore batuke tiae.

Roma 8:6

Sepo tamata eni sifate kbasae lalemi hoko imi ono dosa, hoko namake imi rue lau bei Alla. Po sepo imi noake saisa rebe Alla Eni Rore Isukare rame, namake lalemi ndene kai imi rue kai Alla eti pela.

Galatia 5:22

Eleyo sie rebe Ro Misete Ikbasaise esi oki lomai, lalesi ndina, esi rue mise kai lomai, esi tahane lale, esi suka tapa tamata makete, esi ono misete ete lomai, esi lene loko pleta rame,

Galatia 6:10

Hoko kena ite rue mei nusa sare ite ono misete ete pusue tamata kai lesi lekwe ete sie rebe esi hlaleke sakesa kai itere.

Kolose 3:15

Kristuse pine Iono imi lalemi mise kai lomai. Hoko suke imi lalemi mise kai lomai, le Alla Ikoti imire kena imi esa saka nanakwala esa. Kai suke imi kotie trima kasi bei Alla.

1 Timotiuse 6:18

Apletaesi leke esi ono misete rame ete tamata makete. Kai apletaesi leke lalesi mise kai suka kena pake poli taneia kai tamata makete.

Ibrani 12:14

Atula leke imi hidupe mise kai pusue tamata. Kai atula leke imi hidupe mise titinai le dosa sae mo. Le sepo hidupe ele mere mo, hoko sae isupu selu Tuhane mo.

Ibrani 13:16

Imi nete! Suke imi ono misete rame kai tapa lomai kena larake saisa neka ete tamata makete, le mere saka tanei rebe rilukele ete Alla rebe eono laleIje ndinare.

Yakobuse 4:17

Hoko tamata rebe irekwa nkenale rebe suke onore, po iono mo hoko iono dosa.

1 Petruse 3:12

Le tamata rebe esi ono nkenale, Tuhane Ili lokosi. Kai Ilene lokosi kena esi kotie lokoIje. Po Imusu kai tamata rebe esi ono neune.”

3 Yohanese 1:11

Kwaliku Gayuse ale! Au okimu. Alulu atate tiare yake po lulu atate misete. Tamata rebe eni atate misere, Alla Eni nanae. Po tamata rebe iono yelu tiare, mere tiluke be esi rekwa Alla mosa.