1 Korintuse 7:30 - Janji beluke

³⁰ Kai sie rebe esi ranire esi susa kuate yake eti esi nete loko Tuhane mo yake, sie rebe esi malire lalesi ndina kuate yake eti esi nete loko Tuhane Eni makerike mo yake. Sie rebe esi sabe sasaisa pende esi nete loko esi taneia meru kuate yake eti esi nete loko Tuhane Eni makerike mo yake, le taneia meru urue eti pela mo.

1 Korintuse 7:30 ပူးပေါင်းရင်းမြစ်များ

Lukase 16:25

Po Abrahame iombe, ‘Kuanae anete, kena amata mosare asupu pusue taneia rebe miseta, yo Lasaruse isupu rebe tiaru kai susate neka. Hoko meije isupu misete yo asupu susate.

Lukase 6:21

Kwetela imi! Kena meije imi tiami sene, po lalemi ndina neka le namake Alla Iono imi kane pila. Kai imia rebe kena meije imi ranire, lalemi ndina neka le namake Alla Iono imi mali.

Lukase 6:25

Tamata rebe kena meije imi pilare, namake imi supu susate tia senete. Tatama rebe kena meije imi malire, namake imi susa kai imi rani.

Yohanese 16:22

Ete imi lekwe sakesa neka. Kena meije imi susa loko Au po Au leu suike leke ite tetue lomai, hoko lalemi ndina titinai. Sae makete iono imi susa suike moneka. Lalemi ndina rame.

1 Korintuse 7:29

Kwali betaya, suke imi rekwa be, lau moneka nusare atiare reneka hoko kena petu lesina meiju sie rebe esi kai pende suke esi kerike loko yelu makete pentine lesi bei saisa rebe suke esi kerikele ete esi luma takare.

1 Korintuse 7:31

Kai saisa rebe tamata esi noakele yake, esi makerike kai pusue yelu mei nusa meije esi hlalekeule yake. Le takwali moneka nusa meije kai yelu rebe ite selure, namake sae moneka.

Tatike pine Uonore 18:7

Babele esupu hukumane elake saka esi kwakwale kai saka epake libuke taneiaya bokalaru. Le bina neune Babele mere inoake be ile tamata elake. Namake iono bina balu moneka kai irani moneka.

Tatike pine Uonore 7:17

Le Domba Anai rebe me otoi maka rue mere esi leine Irakasi lupe maka raka dombare iraka dombaru, Ikerisi loko kwele bolai rebe eriluke hlamate. Kai Alla Isebeie esi supu susate sasaisa moneka hoko esi rani kwale moneka.