Matiyu 9:13 - Alla la Kitabu Seniman

¹³ Kuma mɛn sɛbɛni Alla la kitabu kɔndɔ ɲin, ai ye wa ai miri wo kɔrɔ ma. A sɛbɛni ko: ‹N ye a fɛ mɔɔ ye hina mɔɔ la. Wo duman n yɛ ka tamin saraka bɔli kan.› Nba, n ma na ka mɔɔ telenbailu kili fɔɔ kojuukɛlailu.»

Matiyu 9:13 ပူးပေါင်းရင်းမြစ်များ

Matiyu 12:3

Isa ka ii jabi: «A ye di? Mansa Dawuda ka mɛn kɛ kɔrɔman, ai ma wo karan wa? Kɔnkɔ tɛrɛ ye a ni a taamaɲɔɔnilu la.

Matiyu 12:5

Ai ma a karan Musa la sariya rɔ ko sarakalaselailu ye baara kɛla Allabatobonba kɔndɔ Ɲɔɲɔ lon wa? Ii ye Ɲɔɲɔ lon sariya tiɲanna ten, kɔni wo tɛ jatela kojuu ri.

Matiyu 12:7

Alla ye a fɔla a la kitabu kɔndɔ ko: ‹N ye a fɛ mɔɔ ye hina mɔɔ la. Wo duman n yɛ ka tamin saraka bɔ kan.› Ni ai tun ka kuma wo kɔrɔ lɔn, ai tun tɛ kiti labe mɔɔilu kan, mɛnilu ma kojuu kɛ,

Matiyu 19:4

Isa ka ii jabi: «Mɛn sɛbɛni kitabu kɔndɔ, ai ma wo karan wa? A sɛbɛni ko Danni Maari ka dunuɲa dan tuma mɛn na, a ka cɛɛ ni muso le dan.

Matiyu 21:42

Isa ka a fɔ ii yɛ ko: «Mɛn sɛbɛni Alla la kitabu kɔndɔ, ai ma wo karan fɔlɔ wa? A sɛbɛni ko: ‹Bon lɔlailu ka ii ban kabakurun mɛn dɔ, wo le kɛra bon jusii kabakurun di. Maari nɔ le wo ri. A kɛra an ɲana kabannako ri.›»

Matiyu 3:2

«Ai ye tubi, baa Harijeene Mansaya waati ra se.»

Matiyu 3:8

Ai ye kɛwaliilu kɛ, mɛnilu ri a yiraka ko ai ra tubi.

Matiyu 4:17

Awa, kɛbi waati wo la, Isa ka kawandili damira ka a fɔ ko: «Ai ye tubi, baa Harijeene Mansaya ra se.»

Luka 10:26

Isa ka a jabi: «Nfen de sɛbɛni Alla la sariya rɔ? I ra nfen de famun wo rɔ?»

Luka 19:10

Mɔɔ Dencɛ ra na, mɔɔ tununnilu ɲininna ko ii ri kisi.»

Luka 24:47

A ri fɔ mɔɔilu bɛɛ yɛ Mɔɔ Ɲenematɔmɔnin tɔɔ rɔ ko ii ye tubi, kosa Alla ri ii makoto. A kibaro ri bɔ Jerusalɛmu yan ka jɛnsɛn jamana bɛɛ rɔ.

Luka 5:31

Isa ka ii jabi: «Mɔɔ mɛnilu kɛndɛ, woilu mako tɛ dandalila la. Jankarɔtoilu mako ye dandalila la.

Luka 5:32

N ma na mɔɔ telenninilu kili kanma. N nani kojuukɛlailu le kili kanma, sa ii ri tubi.»

Yuhana 10:34

Isa ka a jabi: «A sɛbɛni Alla sariya kɔndɔ ko: ‹Nde Alla ka a fɔ ko ai ye maariilu le ri.›

Kewalilu 11:18

Ii ka Piyɛri la kuma mɛn tuma mɛn na, ii ka a jalaki boloka. Ii ka Alla tando ko: «Nba, Alla ra se di siya gbɛrɛilu fanan ma ka tubi ka na Alla ma sa ii ri ɲenemaya jɛrɛ jɛrɛ sɔrɔn.»

Kewalilu 2:38

Piyɛri ka ii jabi: «Ai bɛɛ ye tubi ka na Alla ma ka sun ji rɔ Isa Ɲenematɔmɔnin tɔɔ rɔ, wo rɔ, ai la kojuu ri makoto. Wo wa kɛ, Alla ri a la Nii Sɛniman di ai ma.

Kewalilu 20:21

N da a fɔ Yahudiyailu ni siya gbɛrɛ tɔilu yɛ ka a magbɛlɛya ko ii ye kojuu kɛ boloka ka na Alla ma, ka lemɛniya an na Maari Isa ma.

Kewalilu 3:19

Wo rɔ, ai ye tubi ka na Alla ma, sa ai la kojuuilu ri bɔ ai kun ma ka ban.

Kewalilu 5:31

Alla ka a gbiliya ka a kɔrɔta fo a bolokinin na, ka a kɛ Mansa ni Kisiba ri, sani Alla ye fɛrɛ di Isirayɛlikailu ma waati mɛnna ka a kɔsɛ ka tubi a ni ii ri makotoli sɔrɔn ii julumun na.

Piyɛri Filana 3:9

Maari tɛ mɛnna a la lahidi kanbali diya, ikomin mɔɔ doilu ye a mirila mɛnna ɲa mɛn ma. Kɔni a diɲani ai yɛ le ka a masɔrɔn a tɛ a fɛ mɔɔ si ye halaki, kɔni fɔɔ mɔɔilu bɛɛ ye ii kɔnkɔ don ii hakɛilu la.