Matiyu 5:22 - Alla la Kitabu Seniman

²² Kɔni n ye a fɔla ai yɛ ko ni mɔɔ mɔɔ mɔnɛra a badenma kanma, wo bɛnnin de ka a makiti. Ni mɔɔ mɛn ka a badenma nani ko a mɔɔ koron, mɔɔilu ka kan ka wa wo tii ri Yahudiya la kititɛɛ dɛkuru tɛma. Ni mɔɔ mɔɔ ka a fɔ a badenma ma ko a nalonma, wo tii bɛnnin jahanama ta le rɔ.

Matiyu 5:22 ပူးပေါင်းရင်းမြစ်များ

A Damira 37:4

Yusufu kɔrɔcɛilu ka a yen ko a duman ii fa yɛ ka tamin ii tɔ bɛɛ la. Wo rɔ, Yusufu gboyara ii yɛ fɔɔ ii ka ii ban kuma ɲuma fɔla a yɛ.

A Damira 37:8

A kɔrɔcɛilu ka a jabi: «A ye di? A lɔɔ ye i la ka i sii an kun na ka kɛ an na mansa ri wa?» A gboyara ii yɛ ikɔ tuunni ka tamin fɔlɔman na a la sibo ni a la kumailu kosɔn.

Matiyu 10:17

Ai ye ai janto ai jɛrɛ rɔ mɔɔilu kanma. Ii ri ai mira ka wa ai ri kititɛɛ diya. Ii ri ai gbasi gbiɲɛ la ii la salibonilu kɔndɔ.

Matiyu 10:28

Ai kana silan mɛn di se mɔɔ farikolo halakila kɔni ti se foyi kɛla mɔɔ nii na. Ai ye silan yɛ mɛn di se mɔɔ nii ni a faribanku bɛɛ halakila jahanama kɔndɔ.

Matiyu 12:24

Farisilu ka wo mɛn tuma mɛn na, ii ka a fɔ ko: «Jinailu la kuntiiba Ibulusa le ye se dila cɛɛ ɲin ma ka jinailu gbɛn ka bɔ mɔɔilu fɛ.»

Matiyu 17:5

Ka Piyɛri to kuma wo la, duru yelen nara ka birin ii kun na. Kumakan do bɔra duru rɔ ko: «N diyana dencɛ le ten. N sɛwani ale la kosɛbɛ. Ai ye ai tolo malɔ a la.»

Matiyu 18:21

Nba, Piyɛri ka a madon Isa la, ka a maɲininka ko: «Maari, ni n badenma ye kojuu kɛla n na, n ka kan ka a makoto fɔɔ siɲa yɛli? Siɲa wɔrɔnwula wa?»

Matiyu 18:35

«N Fa mɛn ye sankolo rɔ, wo fanan di wo ɲɔɔn kɛ ai kelen kelenna bɛɛ la ni ai ma ai badenmailu makoto ai jusukun bɛɛ la.»

Matiyu 23:15

«Gbalo ye ai sariya karanmɔɔilu ni Farisilu yɛ! Ai jɛrɛmayuwailu! Baa ai ye wala fan bɛɛ rɔ duukolo kan, ai ye kɔɔji fanan tɛɛla, sa ai ri mɔɔ ɲinin, mɔɔ mɛn di sɔn ka don ai la dina rɔ. Kɔni ai wa a ladon, ai ye a kɛla jahanamaden di ka tamin ai jɛrɛ kan fɔɔ siɲa fila.

Matiyu 23:33

Ai duuma sailu! Ai, fɔnfɔnni la munuɲailu! Alla ri kiti labe ai kan ka ai lafili jahanama kɔndɔ! Ai ri bɔ kiti wo kɔrɔ di?

Matiyu 25:41

«Wo kɔ rɔ, mansa ri a fɔ bolomarannatailu yɛ ko: ‹Ai dankadenilu, ai ye bɔ n ɲakɔrɔ ka wa ta sabali rɔ, mɛn dabɛnni Ibulusa ni a la mɛlɛkailu yɛ,

Matiyu 26:59

Sarakalasela kuntiilu ni Yahudiya la kititɛɛla dɛkuru mɔɔilu bɛɛ tɛrɛ ye wuya kuma do ɲininna Isa kanma, mɛn di se ka kɛ a faa sababu ri.

Matiyu 3:17

Kumakan do bɔra sankolo rɔ ko: «N diyana dencɛ le ten. N sɛwani ale rɔ kosɛbɛ.»

Matiyu 5:34

Kɔni n ye a fɔla ai yɛ ko ai kana ai kali muumɛ. Ai kana ai kali sankolo la, baa Alla la Mansaya siifen de wo ri.

Matiyu 5:44

Kɔni n ye a fɔla ai yɛ ko ai ye ai juuilu kanin, ka Alla tara ai tɔrɔbailu yɛ.

Luka 12:5

Ai ye silan mɛn yɛ, n di wo yiraka ai la. Mɛn di se ka mɔɔ faa, ka ban ka a fili jahanama kɔndɔ, ai ye silan wo yɛ.

Luka 22:66

Banda ka nin, sɔɔma da la, Yahudiyailu la mɔɔbailu ka ladɛn kɛ, sarakalasela kuntiilu ni sariya karanmɔɔilu kɔnin. Isa marabailu nara a ri kiti diya.

Yuhana 11:47

Awa, sarakalasela kuntiilu a ni Farisilu ka kiti tɛɛ dɛkuru ladɛn ka a fɔ ko: «An di nfen de kɛ? Cɛɛ ɲin da tɔɔmasere kabannako siyaman kɛ.

Yuhana 15:25

Wo rɔ, kumakan mɛn sɛbɛni ii la sariya la, wo ri a dafa: ‹N gboyara ii yɛ, kun ti a la.›

Yuhana 7:20

Jama ka Isa jabi: «Jina le i fɛ. Yon de ye i laɲininna ko ka i faa?»

Yuhana 8:48

Yahudiyailu ka Isa jabi: «An jɔ ye a rɔ ka a fɔ ko ile ye Samarika le ri wa? Ko jina ye i fɛ wa?»

Kewalilu 17:18

Karanmɔɔ doilu tɛrɛ ye, mɛnilu tɔɔ ko Epikuri a ni Sitoyiki la mɔɔilu. Woilu wulira ka Pɔli sɔsɔ. Doilu ka a fɔ ko: «Kuma siyaman ba tii ɲin kan di?» Dogbɛrɛilu ka a fɔ ko: «A kɛni ikɔ a ye batofen do le la ko lasela, an ma mɛn lɔn.» Ii ka wo le fɔ ka a masɔrɔn Pɔli tɛrɛ ye Isa la kibaro ɲuma lasela ka a lawuli ko fɔ ka a bɔ saya rɔ.

Kewalilu 22:30

Wo duusa gbɛ, kɛlɛden kuntiiba ka Pɔli la ko rabila dɔɔni ka Alla la sarakalasela kuntiilu ni kititɛɛ dɛkuru bɛɛ kili ka ii ladɛn, baa Yahudiyailu ye Pɔli jalakila kun mɛn na, kɛlɛden kuntiiba tɛrɛ ye a fɛ ka wo lɔn. Wo rɔ, a ka Pɔli lalɔ ii ɲakɔrɔ.

Kewalilu 23:1

Pɔli ka a ɲa lɔ kititɛɛ dɛkuru rɔ kosɛbɛ, ka a fɔ ii yɛ ko: «N badenmailu, n da n taama kɔnɔgbɛya rɔ Alla ɲana haan sisen.»

Kewalilu 24:20

Ni wo tɛ, mɔɔilu ye yan, mɛnilu ka n lɔni yen kititɛɛ dɛkuru ɲɛ. Ni ii ka jalaki yɔrɔ do tɛrɛn n na, woilu ye wo fɔ.

Kewalilu 4:15

Wo rɔ, kititɛɛ dɛkuru wo ka Piyɛri ni Yuhana labɔ kɛnɛ ma, ka ban ka i ɲɔɔn yen.

Kewalilu 5:21

Ii ka mɛlɛka kan mira. Kɛnɛ bɔra tuma mɛn na, ii wara Allabatobonba jin kɔndɔ ka mɔɔilu karan. Alla la sarakalasela kuntiiba ni a la fɛ mɔɔilu ka Isirayɛlikailu la ɲɛmɔɔilu bɛɛ kili ko kititɛɛ dɛkuru ye ii ladɛn. Ii ka kɛlɛdenilu lawa kaso bon na ko ii ye na talibidenbailu ri.

Kewalilu 5:27

Ii nara talibidenbailu ri ka ii lalɔ kititɛɛ dɛkuru ɲakɔrɔ. Alla la sarakalasela kuntiiba ka a fɔ ii yɛ ko:

Kewalilu 6:12

Wo rɔ, salibon mɔɔ woilu ka so kɔndɔ mɔɔilu ni mɔɔbakɔrɔilu ni sariya karanmɔɔilu lawuli Etiyɛn kanma. Ii ka Etiyɛn mira fanka la ka wa a ri Yahudiya la kititɛɛ dɛkuru rɔ.

Kewalilu 6:15

Kititɛɛ mɔɔilu ka Etiyɛn mafɛnɛ. A ɲakɔrɔla ra kɛ ikomin mɛlɛka ɲakɔrɔla.

Kewalilu 7:37

«Wo Musa kelen de ka a fɔ Isirayɛlikailu yɛ ko: ‹Alla ri nabi gbɛrɛ bɔ Isirayɛlikailu tɛma ikomin nde.›

Yakuba 2:20

Mɔɔkuntan! I ye a fɛ n ye a yiraka i la wa ko lemɛniya tɛ foyi ɲala ni a ma mɔɔ lɔ kɛwaliɲumailu kɛla?

Yakuba 3:6

Mɔɔ nɛn fanan ye ikomin ta. Foyi tɛ a la ni kojuu gbansan tɛ! A ye mɔɔ faribanku yɔrɔ do le ri, mɛn di mɔɔ faribanku yɔrɔ tɔilu bɛɛ lanɔɔ. A ye ikomin jahanama ta le ye a rɔ. A ri se mɔɔ la dunuɲaratɛɛ bɛɛ ratiɲanna.

Piyɛri Fɔlɔ 2:23

Ii ka a nani waati mɛn na, ale ma nanili kɛ. A tɔrɔra waati mɛn na, a ma yaman ii ma kɔni ka a jɛrɛ to kitilala telenni Alla le bolo.

Piyɛri Fɔlɔ 3:9

Ai kana kojuu sara kojuu la, ka nanili sara nanili la, kɔni ai ye duwawu kɛ, ka a masɔrɔn Alla ka ai kili wo le ma kosa ai ye baraka sɔrɔn ai cɛɛya la.

Yuhana Fɔlɔ 2:9

Ni mɔɔ mɛn ka a fɔ ko a ye taamala kɛnɛ rɔ, ka a tɛrɛn a ye a badenma ɲenematɔmɔnin kɔnna, wo tii ye dibi le rɔ butun.

Yuhana Fɔlɔ 3:10

Alla denilu ni Kojuu Tii la denilu ye faranfaasila ɲa mɛn ma ka bɔ i ɲɔɔn na, wo le ɲin. Mɔɔ mɛn tɛ telenbaya sila taamala, wo tii tɛ Alla ta ri. Mɔɔ mɛn tɛ a badenma ɲenematɔmɔnin kaninna, wo tii tɛ Alla ta ri.

Yuhana Fɔlɔ 5:16

Hakɛ do ye ye, mɛn tɛ mɔɔ lawala saya ma. Ni ai do ka a badenma ɲenematɔmɔnin yen hakɛ su wo kɛla, a ye Alla tara wo yɛ. Alla ri tarali wo mira ka ɲenemaya jɛrɛ jɛrɛ di a ma. Mɛnilu la julumun ti nala ii lawala saya ma, n kan ye woilu le ma. Kɔni julumun do ye ye, mɛn di mɔɔ lawa saya ma. N ma a fɔ ko ai ye Alla tara wo tii yɛ.

Judi 1:9

Baa, hali mɛlɛka kuntii Mikayɛli ma susu Ibulusa jalaki nanili kɛla. Ii tɛrɛ ye ko masɔsɔla waati mɛn na ka bɛn Musa su la ko ma, a ka a fɔ ko, «Maari Alla ye kuma i kanma.»