Matiyu 22:5 - Alla la Kitabu Seniman

⁵ Kɔni mɔɔ mɛnilu kilini, woilu si ma mansa la kilikan jate. Do bɔra ka wa a la sɛnɛ rɔ. Do bɔra ka wa a la julaya kɛ diya.

Matiyu 22:5 ပူးပေါင်းရင်းမြစ်များ

A Damira 19:14

Nba, Luti bɔra ka wa kuma a biranilu yɛ, mɛnilu ka a denmusoilu mamira. A ka a fɔ ii yɛ ko: «Ai ye wuli. An ye an bori ka bɔ so kɔndɔ. Allabatala kɛtɔ so halakila le!» Kɔni, Luti biranilu ka a kuma jate yɛlɛmako le ri.

A Damira 25:34

Wo rɔ Yakuba ka a sɔ sɔsɔ ni buru rɔ. Esawu ka a dɔɔn ka ji min ka a wuli ka wa. Nba, a kɛra ten de. Esawu ma a la kɔrɔmamɔɔya jate foyi ri.

Matiyu 13:22

Si mɛn bera bin wɔninma yɔrɔ rɔ, wo le mɔɔilu mɛn ka Alla la kuma lamɛn, kɔni dunuɲa koilu hamin da don ii jusukun dɔ. Nanfulu lɔɔ ri ii mira ka ii magbɛrɛnkɛ. Ko woilu bɛɛ kosɔn, Alla la kuma ri mabali ii jusukun dɔ, ka kɛ ikomin sɛnɛfen ɲatɔntan, mɛn ma den.

Matiyu 22:4

Mansacɛ ka jɔn gbɛrɛilu lawa ikɔ tuun. A ka a fɔ ko: ‹Ai ye a fɔ mɔɔ kilini woilu yɛ ko «n da dɔɔnninba rabɛn. Ko torailu ra faa, a ni nisi tɔlɔninilu. Ko a bɛɛ ra mɔ. Ko ai ye na dɔɔnnin diya.»›

Matiyu 22:6

Tɔilu ka mansacɛ la jɔnilu mira, ka ii tɔrɔ kosɛbɛ, ka ii faa.

Yuhana 2:16

A ka a fɔ kanba majiralailu fanan yɛ ko: «Ai ye kanbailu labɔ yan! Ai kana n Fa la bon kɛ julaya bon de.»

Kewalilu 2:13

Kɔni doilu ka lemɛniya mɔɔilu mayɛlɛ ko ii ra dɔlɔ min kojuuya.

Kewalilu 24:25

Pɔli kumara dunuɲaratɛɛ telenbaya kan a ni jɛrɛramira ko kan. A kumara kiti ko kan fanan, kiti mɛn natɔ. A tɛrɛ ye kumala woilu kan tuma mɛn na, Felisi silanda. A ka a fɔ Pɔli yɛ ko: «A ka ɲi ten. I ye wa fɔlɔ. N wa fɛrɛ sɔrɔn lon mɛn, n di i kili ikɔ.»

Piyɛri Filana 2:3

Karanmɔɔ ɲinilu ri ai labaara majuwaya rɔ ii la kuma rabɛniilu fɛ ii la wasabaliya rɔ. Kɔni ii kiti ko ra damira bi tɛ wo ri, ii halaki ko tɛ mɛnna butun.