Matiyu 2:15 - Alla la Kitabu Seniman

¹⁵ A tora Misiran fɔɔ ka Herodi sa. Wo kɛra ka Maari la kuma kanbali, a tun ka mɛn don a la nabi da rɔ ko: «N ka n dencɛ kili ko a ye bɔ Misiran.»

Matiyu 2:15 ပူးပေါင်းရင်းမြစ်များ

Hɔrɔya 4:22

I ye a fɔ Ferawuna yɛ ko: ‹Nde Allabatala ka a fɔ ko: «Isirayɛlikailu ye n dencɛ fɔlɔ le ri.

Matiyu 1:22

Awa, ko woilu bɛɛ kɛni sa Maari la kuma ri kanbali, a ka mɛn don a la nabi da rɔ ko:

Matiyu 2:14

Wo rɔ, Yusufu wulira su rɔ, ka den ni a na ta ka wa Misiran.

Matiyu 2:17

Wo rɔ, Nabi Jeremiya tun ka mɛn fɔ, wo kanbalira ko:

Matiyu 2:19

Herodi sani kɔrɔ, Maari la mɛlɛka do ka a jɛrɛ yiraka Yusufu la sibo rɔ Misiran.

Matiyu 2:23

A wara a sii Nasarɛti so kɔndɔ. Wo kɛni sa Alla la kuma ri kanbali, a ka mɛn don a la nabiilu da rɔ ko mɔɔilu ri a fɔ Isa ma ko Nasarɛtika.

Matiyu 21:4

Awa, ko woilu bɛɛ kɛni sa Maari la kuma ri kanbali, a ka mɛn don a la nabi da rɔ. Wo ka a fɔ ko:

Matiyu 26:54

Kɔni ni n ka n Fa tara ten, mɛn sɛbɛni Alla la kitabu kɔndɔ, wo ri se kanbalila di? Baa a sɛbɛni ko ko ɲinilu ka kan ka kɛ ten.»

Matiyu 26:56

Kɔni nabiilu ka mɛnilu sɛbɛ Alla la kitabu kɔndɔ, sa woilu ye kanbali: wo le ka a kɛ, ko ɲinilu bɛɛ kɛni ten.» Isa la karandenilu bɛɛ ka a to ye ka ii bori ka wa.

Matiyu 27:35

Ii ka Isa gbɔngbɔn jiri kan tuma mɛn na, ii ka matɛɛli kɛ a la faaninilu ratala kanma ii tɛma.

Matiyu 8:17

Wo kɛra sa Alla la kuma ri kanbali, a ka mɛn don Nabi Esayi da rɔ ko: «Fen mɛnilu tɛrɛ ye an sɛɛla, a ka woilu ta. Jankarɔ mɛnilu tɛrɛ ye an kan, a ka woilu bɔ an kan.»

Luka 24:44

Wo kɔ, a ka a fɔ ii yɛ ko: «Waati taminni, n tɛrɛ ye a fɔla ai yɛ ko fen fen sɛbɛni n na ko rɔ, wo bɛɛ ri dafa. Mɛnilu sɛbɛni Nabi Musa la sariya rɔ, a ni mɛnilu sɛbɛni nabi tɔilu la kuma rɔ, a ni mɛnilu sɛbɛni Jaburi kitabu rɔ, woilu bɛɛ ri dafa fewu.»

Yuhana 19:28

Wo taminnin kɔ rɔ, Isa ka a lɔn ko ko bɛɛ ra dafa, a ka a fɔ sani sɛbɛli kuma wo ye dafa, ko: «Ji lɔɔ ye n na.»

Yuhana 19:36

Wo bɛɛ kɛra le ri sa sɛbɛli kuma ri dafa ko: «A kolo si kana kadi.»

Kewalilu 1:16

Piyɛri ka a fɔ ko: «N badenmailu, mɛn sɛbɛni Alla la kitabu kɔndɔ ka fara Alla la Nii Sɛniman na, mansa Dawuda ka mɛn fɔ Judasi la ko rɔ (Judasi mɛn ka Isa yiraka a mirabailu la) wo sɛbɛ ka kan ka dafa.