Matiyu 11:30 - Alla la Kitabu Seniman

³⁰ Ka a masɔrɔn, n na donin ta gbeleke tɛ gbiliya, n na donin de fɛya.»

Matiyu 11:30 ပူးပေါင်းရင်းမြစ်များ

Matiyu 12:1

A ma mɛn ba kɛ wo kɔ, Isa ni a la karandenilu tɛrɛ ye taminna sɛnɛ do tɛma Ɲɔɲɔ lon do rɔ. Kɔnkɔ tɛrɛ ye karandenilu la. Wo rɔ, ii ka sɛnɛsuman ɲɔrɔn doilu kadi ka woilu ɲuun.

Yuhana 16:33

N da ko ɲinilu fɔ ai yɛ, sa ai jusu ri suma sɔrɔn n na ko rɔ. Ai ri tɔrɔya sɔrɔn dunuɲa rɔ, kɔni ai ye sɛɛbɛ don, baa nde ra se dunuɲa la.»

Kewalilu 15:10

Nba, nfenna ai ye a fɛ ka Alla kɔrɔbɔ? Andeilu ni an benbailu ma se donin mɛn kɔrɔ, ii ye wo siila karandenilu kunma nfenna?

Kewalilu 15:28

An ni Alla la Nii Sɛniman da bɛn ko an kana donin si sii ai kun ma fo mɛn ka kan. Wo rɔ, ai kana mɛn kɛ, wo le ɲin di.

Kalatikailu 5:1

Ɲenematɔmɔnin ka an hɔrɔya, sa an di kɛ mɔɔ hɔrɔyani jɛrɛ jɛrɛ ri. Wo le rɔ, ai ye ai rajala. Ai kana sɔn mɔɔilu ye ai bila sariya jɔnya rɔ kokura.

Kalatikailu 5:18

Kɔni ni ai ye taamala ka a bɛn Nii Sɛniman na sila ma, ai tɛ Nabi Musa la sariya fanka kɔrɔ butun.

Filipikailu 4:13

n di se ko bɛɛ kɛla Isa baraka rɔ mɛn ye fanka dila n ma.

Yuhana Fɔlɔ 5:3

Wo rɔ, Alla kanin ye le; i ye a la jamarili bɛɛ labato. Woilu kɛ fanan ma gbɛlɛn an ma.