Matiyu 11:21 - Alla la Kitabu Seniman

²¹ Isa ka a fɔ ikɔ ko: «Korasɛnkailu, gbalo ye ai yɛ. Bɛtisayidakailu, gbalo ye ai fanan yɛ. Kabannako ba mɛnilu kɛra ai rɔ, ni woilu tun kɛra Tiri so kɔndɔ, wala Sidɔn so kɔndɔ, ye mɔɔilu tun di kojuu kɛ boloka kɛbi waati jan. Ii tun di buurigbɛ kɛ ii kun dɔ, ka kasanbɔrɔ faanin bila ii kan na, ii la tubi tɔɔmasere ri.

Matiyu 11:21 ပူးပေါင်းရင်းမြစ်များ

Matiyu 11:22

Wo le kosɔn, n di a fɔ ai yɛ ko kiti lon wa se, ai la kiti ri gbɛlɛya ka tamin Tirikailu ni Sidɔnkailu ta kan.

Matiyu 15:21

Wo kɔ rɔ, Isa bɔra yɔrɔ wo rɔ ka wa Tiri ni Sidɔn mara rɔ.

Matiyu 18:7

Gbalo ye dunuɲa mɔɔilu yɛ ka a masɔrɔn ko mɛnilu ye mɔɔilu bilala juulumun dɔ a fɛrɛ ti ye fɔɔ wo ko suilu ye kɛ le kɔni ii ye farala mɔɔ mɛnilu la, gbalo ye wo tiilu yɛ!

Matiyu 26:24

Mɔɔ Dencɛ ri faa ikomin a sɛbɛni a la ko rɔ ɲa mɛn ma. Kɔni mɔɔ mɛn di a don mɔɔ juuilu bolo, gbalo ye wo tii yɛ. Hali ni wo tii sɔrɔnbali tun tora, wo tun ka fisa a ma paaɔn.»

Luka 4:26

Kɔni Alla ma Nabi Eli lawa wo si dɛmɛnna. Alla ka Nabi Eli lawa cɛsamuso do wara Sarɛpita so kɔndɔ, mɛn ye Sidɔn mara rɔ.

Luka 6:17

Nba, Isa ni talibidenba woilu jiira koyinkɛ la ka wa se gbɛkula do rɔ. Ii bɛnda karanden siyaman di ye. Jama ba fanan tɛrɛ ye ka bɔ yɔrɔ siyaman. Doilu bɔni Jerusalɛmu, doilu bɔni Jude mara rɔ. Doilu fanan bɔni kɔɔji da la, so mɛnilu tɔɔ ko Tiri ni Sidɔn. Ii bɛɛ nani ka ii tolo malɔ Isa la, ka lakɛndɛya.

Luka 9:10

Isa la talibidenbailu bɔra taama rɔ ka na dantɛɛli kɛ Isa yɛ. Ii tun da ko ko kɛ, ii ka wo bɛɛ fɔ a yɛ. Wo banni, Isa ka ii ta, ko ka wa ɲɔɲɔ diya Bɛtisayida so fan dɔ.

Yuhana 1:44

Filipe wo ye Bɛtisayidaka le ri. Bɛtisayida fanan ye Andere ni Simɔn na so le ri.

Yuhana 12:21

Woilu nara Filipe madon, Filipe mɛn nani ka bɔ Bɛtisayida so kɔndɔ Kalile mara rɔ. Woilu ka a fɔ a yɛ ko: «An fa, an ye a fɛ ka Isa yen.»

Kewalilu 12:20

Herodi mɔnɛni tɛrɛ kojuuya Tirikailu ni Sidɔnkailu kanma. A lɔɔ tɛrɛ ye ii la ka kɛlɛ wo ban, ka a masɔrɔn ii la jamana balo ye bɔla mansa Herodi la jamana le rɔ. Wo rɔ, ii ka i ɲɔɔn yen ka mɔɔilu lɔ Herodi madiyala. Kɔni ii ka teriya don ii ni Bilasitusi tɛma fɔlɔ. Bilasitusi wo le Herodi la ɲɛmɔɔba ri. Wo bolo ma, ii wara Herodi tɛrɛn, ka a madiya ko a ye kɛlɛ ban.

Kewalilu 27:3

Wo lon duusa gbɛ, an sera Sidɔn. Ka an lɔni to ye, Juliyusi kininkininda Pɔli ma ka sɔn a ye wa bɔ a duɲɔɔnilu fɛ, sa ii ri a makoilu ɲanabɔ.

Judi 1:11

Gbalo ye ii yɛ baa ii ra bila Kabila misali kɔfɛ. Ii ra ii bori tɔnɔilu kɔfɛ fili rɔ ikomin Balami. Ii ra halaki ka a masɔrɔn ii ra murunti ikomin Kora.