Matiyu 10:5 - Alla la Kitabu Seniman

⁵ Isa ka mɔɔ tan ni fila woilu kelaya. A ka a fɔ ko: «Ai kana wa siya gbɛrɛilu fɛ, ai kana don Samarikailu la so si kɔndɔ.

Matiyu 10:5 ပူးပေါင်းရင်းမြစ်များ

Matiyu 22:3

Mansacɛ tun ka dɔɔnnin ko fɔ mɔɔ mɛnilu yɛ, a ka a la jɔncɛilu lɔ woilu kilila dɔɔnnin diya. Kɔni mɔɔ woilu tun tɛ a fɛ ka na.

Matiyu 4:15

«Sabulɔn mara ni Nafitali mara, mɛnilu ye Kalile dalaba fan fɛ Juridɛn Ba telebe rɔ, Kalile mara kɔnin, siya gbɛrɛ mɔɔ siini yɔrɔ mɛn.

Luka 10:1

Wo kɔ rɔ, Isa ka mɔɔ biwɔrɔnwula ni mɔɔ fila gbɛrɛ kili ka ii kelaya. A ka ii mɔɔ fila fila lawa a kɔrɔ. A jɛrɛ watɔ yɔrɔ mɛnilu rɔ, a ka ii lawa a kɔrɔ, yɔrɔ woilu bɛɛ rɔ.

Luka 10:33

Wo kɔfɛ, Samarika do fanan nara sila wo kan. A nara madunbatɔ lani tɛrɛn sila tɛma. A ka a ragbɛ, a kininkinin donda a rɔ.

Luka 17:16

A ka a ɲakɔrɔ bɛn duu ma Isa sen kɔrɔ ka baraka bila a yɛ. Samarika le tɛrɛ.

Luka 9:1

Wo kɔ, Isa ka a la talibidenba tan ni fila kili. A ka se ni sebaya di ii ma, kosa ii ri jinailu gbɛn ka bɔ mɔɔilu fɛ, ka jankarɔtoilu lakɛndɛya.

Luka 9:2

A ka ii kelaya ko ii ye wa Alla la Mansaya ko lase mɔɔilu ma, ka jankarɔtoilu fanan lakɛndɛya.

Yuhana 17:18

Ikomin i ka n kelaya dunuɲa rɔ, nde fanan da ii kelaya dunuɲa rɔ.

Yuhana 20:21

Isa ka a fɔ ii yɛ fanan ko: «Alla ye jususuma di ii ma! Ikomin n Fa le ka n kelaya, nde fanan di aile kelaya.»

Yuhana 4:20

Ande Samarikailu, an burujuilu ka Alla bato koyinkɛ ɲin kan. Kɔni aile Yahudiyailu ka a fɔ ko a fɛrɛ tɛ fo mɔɔilu ye Alla bato Jerusalɛmu le. A ye di wo rɔ?»

Yuhana 4:5

A sera Samari so do kɔndɔ, so wo tɔɔ le Sikari. A tɛrɛ ye Yakuba la sɛnɛ tɔrɔfɛ, a ka mɛn di a dencɛ Yusufu ma.

Yuhana 4:9

Samarika muso ka a fɔ Isa yɛ ko: «Nfenna ile, Yahudiya cɛɛ, ri n maɲininka ko n ye i sɔ ji rɔ, nde mɛn ye Samarika muso ri?» A damira ye mɛn di Yahudiyailu ni Samarikailu mako tɛ i ɲɔɔn na.

Yuhana 7:35

Wo rɔ, Yahudiyailu ka a maɲininka ko: «A watɔ mi? A watɔ yɔrɔ mɛn dɔ, an tɛ a tɛrɛnna yɔrɔ mɛn dɔ? A ye wala Yahudiyailu wara le mɛn ni Kirɛkikailu basannin i ɲɔɔnna wa? A ye di? A ri Kirɛkikailu karan wa?

Yuhana 8:48

Yahudiyailu ka Isa jabi: «An jɔ ye a rɔ ka a fɔ ko ile ye Samarika le ri wa? Ko jina ye i fɛ wa?»

Kewalilu 1:8

Kɔni Alla la Nii Sɛniman wa jii ai kan, ai ri sebaya sɔrɔn. Ai ri kɛ n sereilu ri Jerusalɛmu, a ni Jude fan bɛɛ a ni Samari mara fan bɛɛ a ni dunuɲa duukolo fan bɛɛ rɔ.»

Kewalilu 10:45

Wo ka Yahudiya lemɛniya mɔɔ mɛnilu tɛrɛn ye, mɛnilu nani Piyɛri malɔ diya kɔnin, woilu kabannakoyara ka a masɔrɔn Alla ka a la Nii Sɛniman di siya gbɛrɛilu fanan ma,

Kewalilu 8:1

Sawuli sɔnda Etiyɛn faa ko ma. Wo lon kelen, mɔɔilu wulira ka lemɛniya jama tɔrɔya kojuuya Jerusalɛmu. Wo rɔ, lemɛniya mɔɔilu bɛɛ ka ibori ka wa Jude mara ni Samari mara fan bɛɛ rɔ. Talibidenbailu dɔrɔn de ma bɔ Jerusalɛmu.