Matiyu 10:27 - Alla la Kitabu Seniman

²⁷ N wa mɛnilu fɔ ai yɛ dibi rɔ, ai ye wo fɔ tele rɔ. N wa mɛnilu fɔ ai tolo kɔrɔ kan majii rɔ, ai ye ai lɔ bon kun bilinin kan ka wo fɔ.

Matiyu 10:27 ပူးပေါင်းရင်းမြစ်များ

Matiyu 24:17

Ni waati wo ka mɔɔ mɛn tɛrɛn bon kun bilinin kan, wo tii kana jii fenilu ta kanma bon kɔndɔ.

Luka 12:3

Ai wa idoon ka fen fen fɔ mɔɔilu yɛ dibi rɔ, woilu bɛɛ ri lamɛn kɛnɛ ma. Ai wa fen fen fɔ mɔɔilu tolo kɔrɔ kan majii rɔ, hali ni a kɛra bon kɔndɔ sutura rɔ, woilu bɛɛ ri fɔ gbɛ rɔ, ka kɛ ikomin mɔɔ ra i lɔ bon kun na ka wo bɛɛ lase fan bɛɛ rɔ.

Luka 8:10

Isa ka a fɔ ii yɛ ko: «Alla la Mansaya koilu suturani, aile ra famunyali do sɔrɔn ii rɔ. Kɔni wo koilu ye fɔla mɔɔ tɔilu yɛ kuma kɔrɔlamailu le rɔ. Wo rɔ, ‹ii ɲa ye ii la, kɔni ii kana fen yen; ii tolo ye ii la, kɔni ii kana fen famun.›

Yuhana 16:1

Isa ka a fɔ ko: «N da wo bɛɛ ɲafɔ ai yɛ sa ai kana lafili.

Yuhana 16:13

Nii Sɛnimanna Tuɲa wa na tuma mɛn na wo ye ai taala tuɲa le rɔ, baa a sa kumala a jɛrɛ yɛ ɲa wo ma, kɔni a wa fen fen mɛn a ri wo fɔ. Ko mɛn ye nala a ri wo ɲafɔ ai yɛ.

Yuhana 16:25

«N ka ɲin bɛɛ fɔ ai yɛ kuma kɔrɔlama le rɔ. Waati natɔ sela n ti sɔn kuma kɔrɔlama si fɔla ai yɛ butun, kɔni n di n Fa la ko bɛɛ fɔ ai yɛ gbɛ rɔ.

Yuhana 16:29

A la karandenilu ka a fɔ a yɛ ko: «A mafɛnɛ, sisen i ye kumala gbɛ rɔ, i ti foyi fɔla kuma kɔrɔlama rɔ.

Kewalilu 17:17

A tɛrɛ ye wala Yahudiyailu la salibon na ka Yahudiyailu ni Alla batobailu kawandi. Lon lon a tɛrɛ ye wala lɔfɛ rɔ fanan. A wa mɔɔ mɛnilu sɔrɔn ye, a ri woilu fanan kawandi.

Kewalilu 5:20

«Ai ye wa Allabatobonba jin kɔndɔ, ka ai lɔ ka ɲenemaya kura ɲin ko bɛɛ lase mɔɔilu ma.»

Kewalilu 5:28

«An ma a fɔ ai yɛ ka a magbɛlɛya ko ai kana karan si kɛ wo tɔɔ rɔ butun wa? Kɔni ai ra ai la karan nase Jerusalɛmukailu bɛɛ ma! Ai ye a fɛ ka a fɔ le ko andeilu le ka Isa faa.»