Luka 8:10 - Alla la Kitabu Seniman

¹⁰ Isa ka a fɔ ii yɛ ko: «Alla la Mansaya koilu suturani, aile ra famunyali do sɔrɔn ii rɔ. Kɔni wo koilu ye fɔla mɔɔ tɔilu yɛ kuma kɔrɔlamailu le rɔ. Wo rɔ, ‹ii ɲa ye ii la, kɔni ii kana fen yen; ii tolo ye ii la, kɔni ii kana fen famun.›

Luka 8:10 ပူးပေါင်းရင်းမြစ်များ

Matiyu 11:25

Wo tuma, Isa ka a fɔ ko: «N Fa Alla, sankolo ni duukolo Maari, n ye baraka bilala i yɛ, i ka lɔnnin yiraka denninilu la, i ka wo doon mɔɔ famunyanilu ni hankilimailu ma.

Matiyu 16:17

Isa ka a jabi: «Junusa dencɛ Simɔn, i ye barakaden de ri, baa i ka mɛn fɔ ɲin di, adamaden si ma wo fɔ i yɛ. N Fa Alla mɛn ye sankolo rɔ, wo le ka a yiraka i la.

Yuhana 12:40

«A ka ii ɲa lasidi, ka ii jusu gbɛlɛya, wo rɔ ii ɲa kana fen yen, ii jusu kun kana a ɲayen, ii kana ii kosɛ n ma, sa n di se ii lakɛndɛyala ɲa mɛn ma.»

Kɔlɔsikailu 2:2

N di kɛlɛ kɛ ii yɛ kosa ii jusu ye sɛɛbɛ don, ka kɛ faribanku kelen di kaninteya rɔ, ka lɔnnin dafani sɔrɔn hankilimaya rɔ kosa ii ye Alla la gbundu ko lɔn, Mɔɔ Ɲenematɔmɔnin,