Luka 5:21 - Alla la Kitabu Seniman

²¹ Sariya karanmɔɔilu ni Farisi mɛnilu tɛrɛ ye ye, woilu ka imiri ko: «Yon de ɲin di mɛn ye Alla tanama kuma fɔla ten? Yon di se mɔɔ makotola a julumunna ten, fo Alla kelen pe?»

Luka 5:21 ပူးပေါင်းရင်းမြစ်များ

Matiyu 26:65

Wo rɔ, sarakalasela kuntiiba ka a jɛrɛ la durukiba mira ka a rafara. A ka a fɔ ko: «A ra Alla tanama ko kɛ. An mako tɛ mɔɔilu la sereya la butun. Ai jɛrɛ ka a la Alla tanama kumailu mɛn.

Matiyu 9:3

Sariya karanmɔɔ doilu ka wo mɛn ka a fɔ ii jɛrɛ kɔndɔ ko: «Cɛɛ ɲin ye Alla lafɛya ko kɛla.»

Luka 3:8

Ai ye kɛwali kɛ ikomin jiri den mɛn da yiraka ko ai tubini. Ai kana a fɔ ai jɛrɛ yɛ ko ‹Iburahima ye an fa le ri.› Baa n ye fɔla ai yɛ ko Alla ri se kaba ɲin kɛla Iburahima denilu di.

Luka 5:17

Lon do rɔ, Isa tɛrɛ ye mɔɔilu karanna bon do la. Farisilu ni sariya karanmɔɔilu siini tɛrɛ ye. Woilu nani ka bɔ Kalile mara ni Jude mara so siyaman na, a ni Jerusalɛmu so kɔndɔ. Wo tuma, Maari Alla la sebaya ye Isa kan ka mɔɔilu lakɛndɛya.

Luka 5:22

Isa ka ii la miriya lɔn. Wo rɔ, a ka a fɔ ii yɛ ko: «Nfenna miriya su wo ye ai jusu rɔ?

Luka 7:49

Mɛnilu siini tɛrɛ ye, woilu ka a fɔ ii jɛrɛ kɔndɔ ko: «Ɛɛ! Yon ye ɲin di, mɛn di mɔɔ makoto a la kojuu la?»

Yuhana 10:33

Yahudiyailu ka a jabi: «An ti i bonna kaba la ka i faa i la baara ɲuma rɔ, kɔni ikomin i ye Alla lafɛya kɛla. I ye adamaden de ri, kɔni ye a fɔla ko ile le Alla ri!»