Luka 2:25 - Alla la Kitabu Seniman

²⁵ Wo tuma, cɛɛ do tɛrɛ ye Jerusalɛmu ye, mɛn tɔɔ ko Simeyɔn. Mɔɔ ɲuma le tɛrɛ; a silanni Alla yɛ a ɲa jɛrɛ jɛrɛ ma. Alla tun ka kisiba lahidi mɛn ta Isirayɛlikailu yɛ, Simeyɔn tɛrɛ ye wo dafa makɔnɔla. Alla la Nii Sɛniman tɛrɛ ye Simeyɔn kan.

Luka 2:25 ပူးပေါင်းရင်းမြစ်များ

A Damira 6:9

Nuhan bɔnsɔn de ɲin di. Nuhan de tɛrɛ mɔɔ telenni ri. A kelen de ma kojuu kɛ a la waati rɔ. A mɛnda Alla la dɛn dɔ.

Luka 1:41

Elisabɛti ka Mariyamu tuwali kan mɛn tuma mɛn na, a den ka a lamaa bakɛ a kɔnɔ rɔ. Wo tuma, Alla la Nii Sɛniman jiira Elisabɛti rɔ.

Luka 1:6

Sakariya ni a muso, ii fila tɛrɛ ye mɔɔ telennin de ri Alla ɲakɔrɔ. Ii tɛrɛ ye Maari Alla la sariyailu ni jamari bɛɛ bonyala.

Luka 1:67

Alla la Nii Sɛniman jiira Sakariya rɔ, ka kelaya ko:

Luka 2:38

Ana nara se Yusufu ni Mariyamu kɔfɛ. A ka baraka bila Alla yɛ kosɛbɛ, ka ban ka wo den na ko fɔ mɔɔilu yɛ, mɛnilu jii lani Alla ka a fɔ ko a ri Jerusalɛmukailu hɔrɔya ka bɔ ii la tɔrɔya rɔ.

Kewalilu 10:2

Kɔrinɛli ni a la denbaya bɛɛ sɛɛbɛ donni tɛrɛ ye Alla batola. Ii silanni Alla ɲɛ. A tɛrɛ ye fantanilu sɔla kosɛbɛ, ka Alla matara tuma bɛɛ.

Kewalilu 10:22

Woilu ka Piyɛri jabi: «An bɔni Kɔrinɛli wara le. Kɛlɛden kuntii do le a ri. Mɔɔ telenni de, a silanni Alla ɲɛ. Yahudiyailu bɛɛ ye a tɔɔɲuma fɔla. Nba, Alla la mɛlɛka sɛniman ka a fɔ a yɛ ko a ye i kili ka wa a wara, sa a ri a tolo malɔ i la kuma la.»

Kewalilu 2:5

Wo ka Yahudiya siyaman jiyani tɛrɛn Jerusalɛmu, mɛnilu ye Alla ɲɛsilanɲɛbailu ri. Ii bɔni dunuɲa jamana bɛɛ rɔ.

Kewalilu 24:16

Wo le rɔ, n ye n dajala tuma bɛɛ sa n kɔnɔgbɛyani ri to. Kojuu si kana to n ni Alla tɛma, wala n ni mɔɔilu tɛma.

Piyɛri Filana 1:21

Ka a masɔrɔn nabiya kuma si tɛrɛ tɛ bɔla adamadenilu sawo rɔ, kɔni Alla la Nii Sɛniman de tɛrɛ ye adamadenilu dɛmɛnna, ka kuma ka fara Alla la.