Luka 19:17 - Alla la Kitabu Seniman

¹⁷ Mansa ka a fɔ wo yɛ ko: ‹I ka wo bɛn! Jɔn ɲuma le ile ri. Fen fitini le dira i ma, kɔni i ka a mira ɲa lɔn. Wo rɔ, n di i lasii so tan kun na.›

Luka 19:17 ပူးပေါင်းရင်းမြစ်များ

A Damira 39:4

Yusufu diyara a tii yɛ. Wo rɔ, a ka Yusufu kɛ a jɛrɛ dɛmɛnba ri, ka a lasii a la mɔɔilu bɛɛ kun na, ka a kɛ a la nanfulu kunnasiiba ri.

Matiyu 25:21

A la kuntii ka a fɔ ko: ‹Wo ra bɛn. Jɔn ɲuma le i ri, a ni landaɲa mɔɔ. Fen fitini le dira i ma, kɔni i ka wo mira koɲuma. Sisen n di fen siyaman karifa i la. Na, i ni i la kuntii ye sɛwa kelen di.›

Luka 16:10

«Ni mɔɔ mɛn ye a telenna ka fen fitini lamara wo tii ri se a telenna ka fen kunba ba lamara fanan. Kɔni ni mɔɔ mɛn ma se a telenna ka fen fitini lamara, wo ti se a telenna ka fen siyaman lamara fanan.

Luka 19:16

A fɔlɔman nara ka a fɔ a yɛ ko: ‹Mansa, n da baara kɛ i la wodi rɔ ka a ɲɔɔn tan sɔrɔn ka la a kan.›

Luka 19:18

Wo kɔ, a filana nara ka a fɔ mansa yɛ ko: ‹Mansa, n da baara kɛ i la wodi rɔ ka a ɲɔɔn loolu sɔrɔn ka la a kan.›

Luka 22:30

sa ai ri dɔɔnnin kɛ ka imin n dafɛ n na mansaya rɔ. Ai ri i sii mansaya siifenilu rɔ ka Isirayɛlika tan ni fila la kiti tɛɛ.»

Piyɛri Fɔlɔ 1:7

kosa ai la lemɛniya ye sɛnsɛn. Hali sanin mɛn di se tiɲanna, wo ye lalenna ta le la, ka lasɛnsɛn. Wo rɔ, ai la lemɛniya mɛn tɔnɔ ka bon sanin di, wo fanan ka kan ka lasɛnsɛn kɔrɔbɔli rɔ, ka tandoli ni gbiliya ni kunnafulen sɔrɔn Isa Ɲenematɔmɔnin di bɔ waati rɔ kɛnɛma.

Piyɛri Fɔlɔ 5:4

Kolofen Gbɛngbɛnna Kuntii wa bɔ kɛnɛma waati mɛn na, ai ri mansaya tɔɔmasere fula sɔrɔn gbiliya rɔ mɛn tɛ tiɲanna muumɛ.