Luka 18:12 - Alla la Kitabu Seniman

¹² N ye sun donna siɲa fila lɔɔkun kelen kɔrɔ. Ka la wo kan, n wa fen fen sɔrɔn, n di wo ja bɔ.›

Luka 18:12 ပူးပေါင်းရင်းမြစ်များ

Matiyu 5:20

N di tuɲa fɔ ai yɛ ko ni ai la telenbaya ma tamin Farisilu ni sariya karanmɔɔilu ta kan, ai tɛ don Harijeene Mansaya rɔ fewu.

Matiyu 6:1

«Ai ye ai janto ai jɛrɛ rɔ. Ai kana ai la telenbaya kɛwaliilu kɛ mɔɔilu ɲana sa ii ri woilu kɛni yen ai bolo. Ni ai ka wo kɛ, ai Fa mɛn ye sankolo rɔ, wo tɛna barayi foyi di ai ma.

Matiyu 6:16

«Ai wa kɛ sun donna lon mɛn na, ai kana ai ɲakɔrɔ sidi ikomin jɛrɛmayuwailu ye a kɛla ɲa mɛn ma. Woilu ye ii ɲakɔrɔ sidila sa mɔɔilu ri a lɔn ko ii ye sun dɔ. N di tuɲa fɔ ai yɛ: ii la barayi dan de mɔɔilu la tandoli ri.

Matiyu 6:5

«Ai wa kɛ Alla tarala, ai kana wo kɛ ikomin jɛrɛmayuwailu ye a kɛla ɲa mɛn ma. Baa a duman ii yɛ ka ii lɔ salibonilu kɔndɔ, a ni sila dailu la, ka Alla tara, sa mɔɔilu ri ii yen. N di tuɲa fɔ ai yɛ: ii la barayi dan de mɔɔilu la tandoli wo ri.

Matiyu 9:14

Wo kɔ, Yaya la karandenilu nara Isa tɛrɛn, ka a maɲininka ko: «Andeilu ni Farisilu darini sun donna. Nfenna i la karandenilu tɛ wo kɛla?»

Luka 11:42

«Gbalo ye ai Farisilu yɛ! Ai ye i rajala ka jaka bɔ, hali ai la suma fira kelen kelenna bɛɛ rɔ. Ai ra telenbaya a ni Alla la kaninteya la bilani to. Ai ka kan ka wo kɛ fɔlɔ ka a tɔ bɛɛ ladɛnnin kɛ.

Luka 17:10

A ye wo ɲa kelen de ma ai fanan fan fɛ. Baara mɛn fɔni ai yɛ, fɔɔ wo ye kɛ. Bonya ko tɛ a rɔ. Ni ai banda baara wo bɛɛ la, ai ye a fɔ ko: ‹An tara mɛn kanma, an da wo dɔrɔn de kɛ. Bonya tɛ an yɛ.›»

Kalatikailu 1:14

N jɛrɛ siya mɔɔilu tɛma, n tɛrɛ ye wala ɲɛfɛ Yahudiyailu la dina sila kan ka tamin n kanyaɲɔɔ ma fan ba kan, baa n benbailu la landailu tun ka gbɛlɛn n ma kosɛbɛ.

Efɛsikailu 2:9

Ai la karan tɔnɔ tɛ a ri, wo rɔ mɔɔ si ti se a jɛrɛ matɔɔla.