Luka 17:30 - Alla la Kitabu Seniman

³⁰ «A ri kɛ wo ɲa ma Mɔɔ Dencɛ bɔtɔ gbɛ ma lon mɛn.

Luka 17:30 ပူးပေါင်းရင်းမြစ်များ

Matiyu 16:27

Nde Mɔɔ Dencɛ ri na n Fa nɔɔrɔ rɔ, n ni a la mɛlɛkailu. Wo lon, n di bɛɛ sara ka a bɛn a tii kɛwaliilu ma.

Matiyu 24:3

Ka Isa siini to Olibiye Koyinkɛ kan, a la karandenilu ka ii madon a la, ka a maɲininka ii dan na ko: «I kan ye ko mɛnilu ma, woilu ri kɛ waati ɲuman? Tɔɔmasere su ɲuman de ri a yiraka ko i natɔ, a ni ko waati laban wo ra se?»

Matiyu 24:37

Ko mɛnilu kɛra Nuhan tele rɔ, Mɔɔ Dencɛ ri na ka ko woilu kɛni tɛrɛn.

Matiyu 24:39

Ii ma sobi foyi ma, fɔɔ sanci ba nara ka ii bɛɛ halaki. Mɔɔ Dencɛ na lon fanan di kɛ wo ɲa.

Matiyu 26:64

Isa ka a jabi: «I jɛrɛ le kan ten. Kɔni n di a fɔ ai yɛ ko ai ri Mɔɔ Dencɛ siini yen Sebɛɛtii Alla bolokinin fɛ. Wo kɔ rɔ, ai ri a natɔla yen duruilu tɛma ka bɔ sankolo rɔ.»

Luka 17:24

I ɲa lɔ! Sanmɛlɛnin ye bɔla sankolo fan kelen na ka wa fan do fɛ ɲa ma, Mɔɔ Dencɛ wa kɛ nala lon mɛn, a natɔla ri kɛ wo ɲa kelen ma.

Luka 17:29

A tɛrɛ ye wo ɲa haan Luti bɔra Sɔdɔmu so kɔndɔ lon mɛn. Wo lon kelen, ta ni tinbiriki bɔra sankolo rɔ ka jii Sɔdɔmu so kɔndɔ ikomin sanci. Wo ka Sɔdɔmu mɔɔilu bɛɛ halaki.

Luka 21:22

ka a masɔrɔn, wo lon di kɛ Alla la jahadi lon di, sa fen fen sɛbɛni Alla la kitabu rɔ, wo bɛɛ ri dafa.

Luka 21:27

Wo tuma, ii ri Mɔɔ Dencɛ natɔla yen banda sisi rɔ, sebaya ba ni nɔɔrɔ ba rɔ.

Kɔlɔsikailu 3:4

Mɔɔ Ɲenematɔmɔnin wa bɔ kɛnɛma, ale mɛn ye ai la dunuɲa ratɛɛ ri, ai fanan di bɔ a tɔrɔfɛ a la gbiliya rɔ.

Piyɛri Fɔlɔ 1:13

Wo le rɔ, ai ye ai hankili rabɛn baara la ko rɔ, ka ai jɛrɛ mira, ka ai jii la wo sɔli rɔ ai ye mɛn sɔrɔnna Isa Ɲenematɔmɔnin di bɔ waati rɔ kɛnɛma.

Piyɛri Fɔlɔ 1:7

kosa ai la lemɛniya ye sɛnsɛn. Hali sanin mɛn di se tiɲanna, wo ye lalenna ta le la, ka lasɛnsɛn. Wo rɔ, ai la lemɛniya mɛn tɔnɔ ka bon sanin di, wo fanan ka kan ka lasɛnsɛn kɔrɔbɔli rɔ, ka tandoli ni gbiliya ni kunnafulen sɔrɔn Isa Ɲenematɔmɔnin di bɔ waati rɔ kɛnɛma.

Piyɛri Fɔlɔ 4:13

Kɔni ni ai ni Ɲenematɔmɔnin tɔrɔra an ɲɔɔn fɛ, ai ye sɛwa wo rɔ, kosa a gbiliya ri bɔ kɛnɛma tuma mɛn na, a ni aile ye sɛwa haan.

Yuhana Fɔlɔ 2:28

N denilu, ai fasani ye to Ɲenematɔmɔnin ma, sa an di landaɲa ba sɔrɔn, a ye nala lon mɛn, a ni an kana maloya a ɲana.

Yuhana Fɔlɔ 3:2

N kanintenilu, an ye Alla denilu le ri sisen! Kɔni an di kɛ ɲa mɛn ma, wo ma gbɛ fɔlɔ. Kɔni an ka a lɔn ko Isa Ɲenematɔmɔnin na ko wa lɛnkɛnɛmaya, an bɛɛ ri kɛ ikomin a jɛrɛ ye ɲa mɛn ma, baa a ye ɲa mɛn ma, an di a yen ten.