Luka 17:20 - Alla la Kitabu Seniman

²⁰ Farisi doilu ka Isa maɲininka, lon do rɔ, ko: «Alla la Mansaya ri na waati ɲuman?» Isa ka ii jabi: «Alla la Mansaya ti nala yenna ɲa la.

Luka 17:20 ပူးပေါင်းရင်းမြစ်များ

Luka 10:11

‹Hali ai la so gbangban, mɛn tɛrɛ ye an sen ma, an da wo bɔ an sen ma. Wo ri kɛ tɔɔmasere ri ai kan yan, kɔni ai ye a lɔn ko Alla la Mansaya ra i madon ai la.›

Luka 14:1

Ɲɔɲɔ lon do rɔ, Isa wara dɔɔnnin diya Farisilu la ɲɛmɔɔ do wara. Mɛnilu siini tɛrɛ dɔɔnnin na ye, woilu bɛɛ tɛrɛ ye a lakɔrɔsila kojuuya.

Luka 16:16

«Ka a tɛrɛn Yaya ma kawandili kɛ waati mɛn na fɔlɔ, mɔɔilu tɛrɛ ye Alla la sariya lataamala, a ni nabiilu la kuma. Kɛbi Yaya nara ka kawandili kɛ, Alla la Mansaya kibaro ɲuma ye lasela mɔɔilu ma. Bɛɛ ye i rajala ka don wo mansaya rɔ.

Luka 19:11

Iko Isa sudunyani tɛrɛ Jerusalɛmu so la, mɔɔilu hankili bilara Alla la Mansaya ko rɔ. Ii lani a la ko mansaya wo ri bɔ gbɛ rɔ sisen sisen. Wo rɔ, Isa ka kuma kɔrɔlama do fɔ ii yɛ.

Yuhana 18:36

Isa ka a jabi: «N na mansaya bɔni yɔrɔ gbɛrɛ le ka na. A ma bɔ dunuɲa rɔ yan. Ni wo tɛ, n kɔmɔɔilu tun di Yahudiyailu la ɲɛmɔɔilu kɛlɛ, sa n kana don woilu bolo. N na mansaya ma bɔ dunuɲa ɲin dɔ, fo yɔrɔ gbɛrɛ.»