Luka 11:22 - Alla la Kitabu Seniman

²² Kɔni ni fankama dogbɛrɛ bera a kan, mɛn fanka ka bon a ta ri, wo ri se a la. Wo ri a la kɛlɛkɛ fen bɛɛ ta, a jii lani tɛrɛ mɛnilu kan kɔnin, ka ban ka a bolofen bɛɛ rafara mɔɔilu tɛma.»

Luka 11:22 ပူးပေါင်းရင်းမြစ်များ

A Damira 3:15

N di juuya ladon i ni muso tɛ, ka a ladon i bɔnsɔn ni a bɔnsɔn tɛ. A ri i kun gbasi. I fanan di a sen tintiri cin.»

Hɔrɔya 15:9

An juuilu ka a fɔ ko: ‹n di ii kɔsaran fɔɔ ka ii mira. Ko n di ii bolofenilu rafara an ɲɔɔn tɛma. Ko fen fen lɔɔ ye n na, ko n di wo bɛɛ ta. Ko n ni n na fanilu sɔmɔn n laa wo rɔ ka ii halaki.›

Luka 11:21

«Ai ɲa lɔ! Fankama wa a rabɛn kɛlɛ kɛ muranilu la, ko ka a la bon kanda, wo bolofenilu kandani a ɲuma la.

Luka 11:23

Isa banda misali yirakala ka a fɔ ii yɛ ko: «Mɔɔ mɛn tɛ n fɛ, wo ye n juu le ri. Mɔɔ mɛn tɛ n dɛmɛnna ka mɔɔilu ladɛn, wo ye baarala ka mɔɔilu lajɛnsɛn.»

Efɛsikailu 6:11

Ai ye ai masidi Alla la kɛlɛkɛ fenilu bɛɛ rɔ kosa ai ye se lɔla Ibulusa la kewuyailu bɛɛ ɲɛrɔ.

Efɛsikailu 6:13

Wo le rɔ, sisen ai ye ai masidi Alla la kɛlɛkɛ fenilu bɛɛ rɔ kosa waati juu wa se, ai ye se lɔla wo juuilu ɲɛrɔ, Ai wa ban a bɛɛ kɛla waati mɛn na, ai ye to ai nɔ rɔ gben!

Kɔlɔsikailu 2:15

Wo ɲa ma, a ra fankatiilu ni faamailu la kɛlɛkɛ fenilu bɔ ii bolo, ka lɔ ii ɲɛrɔ dunuɲa ɲakɔrɔ ikomin mɔɔ miranilu kɛlɛ rɔ, ka fanka sɔrɔn ii ma a la saya baraka rɔ a faa jiri kan.

Yuhana Fɔlɔ 3:8

Mɔɔ mɛn ye kojuu kɛla, wo ye Kojuu Tii la mɔɔ le ri, baa kɛbi fɔlɔfɔlɔ Kojuu Tii ye kojuu kɛla. Alla Dencɛ nani le ka Kojuu Tii la kɛwaliilu tiɲan fewu.

Yuhana Fɔlɔ 4:4

N denmisɛnilu, ai ye Alla ta le ri. Ai ra se wuya kelailu la, baa Alla Nii ye ai fɛ. Wo fanka ka bon Kojuu Tii ta ri, wo mɛn ye dunuɲa mɔɔilu fɛ.