Kewalilu 9:31 - Alla la Kitabu Seniman

³¹ Nba, wo tuma lemɛniya jama tɛrɛ ye jususuma rɔ Jude, a ni Kalile ni Samari. Maari tɛrɛ ye ii la lemɛniya sabatila. Ii tɛrɛ ye ii taamala Maari ɲɛsilanɲɛ le rɔ. Alla la Nii Sɛniman tɛrɛ ye ii sɛɛbɛ donna. Wo rɔ, mɔɔilu tɛrɛ ye donna ka la lemɛniya mɔɔilu kan.

Kewalilu 9:31 ပူးပေါင်းရင်းမြစ်များ

Kewalilu 12:24

Nba, mɔɔ mɛnilu ka Alla la kuma mɛn ka lemɛniya a ma, woilu tɛrɛ ye siyayala kosɛbɛ kosɛbɛ.

Kewalilu 16:5

Wo bolo ma, lemɛniya jamailu la lemɛniya tɛrɛ ye sabatila. Lon lon mɔɔilu tɛrɛ ye donna ka la ii kan.

Kewalilu 2:47

Ii tɛrɛ ye Alla tandola waati bɛɛ. Ii diyara so kɔndɔ mɔɔilu bɛɛ yɛ. Lon lon, Allabatala tɛrɛ ye mɔɔilu kisila ka woilu la lemɛniya mɔɔilu la dɛkuru kan.

Kewalilu 20:32

«Nba, n ye ai karifala Alla la sisen, a ni a la kuma la, mɛn kɔnin ye a la ɲumaya ko fɔla. Ale le ri se ai la lemɛniya sabatila kuma wo la. A ni a ri cɛ wo di ai ma, a ni mɛn bɛɛ bilani a dan na.

Kewalilu 5:11

Silan ba ka lemɛniya jama bɛɛ mira, a ni wo lamɛnbailu bɛɛ.

Kewalilu 6:7

Alla la kuma tɛrɛ ye jɛnsɛnna fan bɛɛ rɔ. Karanden tɛrɛ ye siyayala bɛrɛbɛrɛ kɛ Jerusalɛmu. Alla la sarakalasela siyaman fanan donda ka lemɛniya sila ta.

Kewalilu 8:1

Sawuli sɔnda Etiyɛn faa ko ma. Wo lon kelen, mɔɔilu wulira ka lemɛniya jama tɔrɔya kojuuya Jerusalɛmu. Wo rɔ, lemɛniya mɔɔilu bɛɛ ka ibori ka wa Jude mara ni Samari mara fan bɛɛ rɔ. Talibidenbailu dɔrɔn de ma bɔ Jerusalɛmu.

Efɛsikailu 4:12

A ka an sɔ wo ɲa le ma kosa mɔɔ sɛnimanilu bɛɛ ye kusanya baara kɛla, kosa a la jama ye sabati mɛn kɛni Ɲenematɔmɔnin faribanku ri.

Efɛsikailu 4:16

Ale le ka a kɛ lemɛniya jama ye kɛ faribanku kelen di, ka a la mɔɔilu to ii ɲɔɔn fɛ ikomin faribanku yɔrɔilu tuunnin ii ɲɔɔn na fasailu fɛ. Wo rɔ, ni fari yɔrɔilu bɛɛ ka a baara kɛ, a ri wara ten, ka kɔɔ kaninteya rɔ.

Efɛsikailu 4:29

Ai kana kuma koron si fɔ fɔɔ kuma ɲuma dɔrɔn mɛn di mɔɔilu dɛmɛn mɛn mako ye a la, kosa wo ye kɛ hina ri a lamɛn mɔɔilu yɛ.

Efɛsikailu 5:21

Ai ye kolo ai ɲɔɔn ma Ɲenematɔmɔnin ɲakɔrɔsilan dɔ.

Filipikailu 2:1

Wo rɔ, ni Ɲenematɔmɔnin ye fanka si dila ai ma, wala ni a la kaninteya ye masabarili si dila ai ma, wala ni bɛn si ye ai ni Alla la Nii Sɛniman tɛma, wala ni kaninteya ni kininkinin si ye ai rɔ,

Kɔlɔsikailu 1:10

Wo rɔ, ai ri se taamala ikomin Maari ye a fɛ ɲa mɛn ma, ka a hɛnɛn ɲa bɛɛ ma. A ye jiri ai kɛwali ɲumailu rɔ ka jiriwa Alla lɔn dɔ.

Yosuwe 21:44

Allabatala ka hɛrɛ kɛ ii yɛ ii laminin dandeilu bɛɛ rɔ, ikomin a ka lahidi ta ii benbailu yɛ ɲa mɛn ma. A ka sebaya di ii ma ii juuilu bɛɛ kan. Woilu si ma se ii lɔla ii ɲɛ.

Judi 1:20

Kɔni aile, n kanintenilu, ai ye to sabatila ai la lemɛniya sɛniman dɔ, ka Alla matara Nii Sɛniman dɔ.