Kewalilu 9:15 - Alla la Kitabu Seniman

¹⁵ Kɔni Maari ka a jabi: «Wa! N da cɛɛ ɲin suwandi, sa a ri baara kɛ n yɛ. A ri n na ko lase siya gbɛrɛilu mɔɔilu ma, a ni mansailu ni Isirayɛlikailu.

Kewalilu 9:15 ပူးပေါင်းရင်းမြစ်များ

Matiyu 10:18

Ii ri ai mira ka wa ai ri faamailu ni mansailu ma, ka a masɔrɔn ai ye n na karandenilu ri. Ai ri kɛ n sere ri wo rɔ, ka n na ko fɔ ii yɛ, ka n na ko fɔ siya gbɛrɛilu fanan yɛ.

Yuhana 15:16

Aile ma n suwandi, kɔni nde ka ai suwandi. N da aile lɔ kelala ka wa a den, den mɛn di mɛn a la, kosa n Fa ri sɔn ai ma a wa foyi maɲininka n tɔɔ rɔ.

Kewalilu 13:2

Lon do rɔ, lemɛniya mɔɔilu tɛrɛ ye Maari batola ka sun don tuma mɛn na, Alla la Nii Sɛniman kumara ii yɛ. A ka a fɔ ko: «N ye Barinabasi ni Sawuli lɔla baara mɛn na, ai ye ii bila a dan na n yɛ ka baara wo kɛ.»

Kewalilu 21:19

Pɔli banda folila tuma mɛn na, a kumara ii yɛ. Alla tun ka ko mɛnilu kɛ siya gbɛrɛilu tɛma ka fara Pɔli la baara la, a ka wo bɛɛ lase ii ma kelen kelen.

Kewalilu 22:14

A ka a fɔ ko: ‹An benbailu Maari Alla ra i ɲenematɔmɔn, sa i ri a sawo lɔn, ka a la Mɔɔ Telenni yen, ka a la kuma mɛn ka bɔ a jɛrɛ da rɔ.

Kewalilu 22:21

Kɔni Maari ka a fɔ n yɛ ko: ‹Wa! N kɛtɔ i lawala siya gbɛrɛilu ma, mɛnilu siini yɔrɔ jan.›»

Kewalilu 25:22

Akiripa ka a fɔ Fɛsitusi yɛ ko: «N ye a fɛ ka n tolo malɔ cɛɛ wo la.» Fɛsitusi ka a fɔ ko: «Ale le wo ri. I ri a lamɛn sini.»

Kewalilu 26:1

Nba, Akiripa ka a fɔ Pɔli yɛ ko: «Kuma ye i bolo. I ye i ta fɔ.» Wo rɔ, Pɔli ka tɔɔmasere kɛ a bolo la ka a ta fɔ damira.

Kewalilu 26:32

Mansa Akiripa ka a fɔ Fɛsitusi yɛ ko: «Ni cɛɛ ɲin tun ma a la ko to Rɔmu mansaba ma, an tun di se a bilala sisen.»

Kewalilu 27:24

Wo ka a fɔ ko: ‹Pɔli, i kana silan. I ri i lɔ Rɔmu mansaba ɲakɔrɔ ka i la ko ɲafɔ a yɛ. Mɔɔ mɛn bɛɛ ye i fɛ kulunba kɔndɔ, wo bɛɛ ri kisi Alla la kininkinin kosɔn.›

Kewalilu 28:17

Nba, tele sawa a naaninna, Pɔli ka Yahudiyailu la ɲɛmɔɔilu kili. Ii nara ii ladɛn tuma mɛn na, a ka a fɔ ii yɛ ko: «N badenmailu, n ma kojuu si kɛ an na mɔɔilu la. N ma an benbailu la landa si mafɔ. Hali wo, n mirara Jerusalɛmu ka don Rɔmukailu bolo.

Kewalilu 28:28

Pɔli ka do la kuma wo ka a fɔ ko: «Ai ye a lɔn ko Alla la kisi ko ra lɔ siya gbɛrɛilu fanan ma. Woilu don di ii tolo malɔ a la!»

Kalatikailu 1:1

Sɛbɛ ɲin farani nde Pɔli le la, nde mɛn ye talibidenba ri. Mɔɔilu ma n suwandi baara wo kanma. Mɔɔ si ma n kelaya. Ɛɛn, n kɛra talibidenba le ri ka fara Isa Ɲenematɔmɔnin de la, a ni an Fa Alla mɛn ka a lawuli ka a bɔ saya rɔ.

Efɛsikailu 3:1

Wo le rɔ, nde Pɔli, Isa Ɲenematɔmɔnin na kasoden, aile siya gbɛrɛilu la ko rɔ.