Kewalilu 8:30 - Alla la Kitabu Seniman

³⁰ Wo rɔ, Filipe ka ibori ka wa se sowontoro ma. A ka cɛɛ wo karankan mɛn, a ye Nabi Esayi la kitabu karanna. Filipe ka a maɲininka ko: «I ye kuma mɛn karanna ɲin, i ka wo kɔrɔ lɔn wa?»

Kewalilu 8:30 ပူးပေါင်းရင်းမြစ်များ

Matiyu 13:19

Mɛnilu wa Harijeene Mansaya kuma lamɛn, kɔni ii tɛ a famun, Ko Juu Tii nala wo rɔ, ka a bɔ ii jusu rɔ. Woilu kɛni le ikomin si mɛnilu bila sila kɔfɛ.

Matiyu 13:23

Nba, si mɛn bera duu duman dɔ, wo le mɔɔ ri mɛn ye Alla la kuma mɛnna ka a famun. Kuma wo ri sabati a jusukun dɔ, ka kɛ ikomin suman si mɛn ye ɲala ka i ɲɔɔn kɛmɛ kɛ, wala i ɲɔɔn biwɔɔrɔ, wala i ɲɔɔn bisawa.»

Matiyu 13:51

Isa ka karandenilu maɲininka ko: «Ai ka kuma ɲin bɛɛ famun wa?» Ii ka a fɔ ko: «Ɔɔn.»

Matiyu 15:10

Wo kɔ rɔ, Isa ka jama kili, ka a fɔ ii yɛ ko: «Ai bɛɛ ye ai tolo malɔ n na kuma la ka a famun.

Matiyu 24:15

«Ai wa Fen Haramunnin yen lɔnin yɔrɔ sɛninman dɔ mɛn ye halaki kɛla, Nabi Daniyɛli ka mɛn na ko fɔ, (Mɔɔ mɛn ye ɲin karanna, wo ri a kɔrɔ lɔn.)

Yuhana 4:34

Isa ka a fɔ ii yɛ ko: «N balo ye mɛn di: mɛn ka n nana n ye wo sawo kɛ, fo n ye wo kɛ ka a ban.

Yuhana 5:39

Ai ye kitabu sɛniman karanna ka ai miri ko ai ri ɲenemaya banbali sɔrɔn kuma wo rɔ. Kitabu sɛniman de ye n na sereya ri,

Kewalilu 8:27

Filipe wulira ka sila wo mira ka wa. Nba, a ka i ɲɔɔn bɛn Etiyopika kibaten do la sila la. Ɲɛmɔɔ ba le. Ale le siini Etiyopi mansa muso Kandasi la nanfulu bɛɛ kun na. Wo wani tɛrɛ Alla bato diya Jerusalɛmu.

Kewalilu 8:29

Alla la Nii Sɛniman ka a fɔ Filipe yɛ ko: «I madon sowontoro ɲin na ka itaama a tɔrɔfɛ.»

Kewalilu 8:31

A ka Filipe jabi: «Ni mɔɔ ma wo kɔrɔ fɔ n yɛ, n di se wo lɔnna di?» A ka Filipe kili ko a ye yɛlɛ ka a sii a tɔrɔfɛ sowontoro kɔndɔ.

Kewalilu 8:5

Filipe borini wara Samari so ba la. A ka Mɔɔ Ɲenematɔmɔnin na ko lase ye mɔɔilu ma.

Efɛsikailu 5:17

Wo le rɔ, ai kana kɛ hankilidɔɔilu ri, kɔni ai ye ai lɔn mɛn ye Maari sawo ri.