Kewalilu 7:8 - Alla la Kitabu Seniman

⁸ Alla ka teriya sidi Iburahima yɛ, ka faaninta kɛ wo tɔɔmasere ri. Wo rɔ, Iburahima ka Isiyaka sɔrɔn ka a la faaninta kɛ a sɔrɔn tele seyin. Isiyaka ka Yakuba sɔrɔn ka a kɛ ɲa wo le ma. Yakuba ka an benba tan ni fila sɔrɔn ka woilu fanan kɛ wo ɲa kelen wo le ma.

Kewalilu 7:8 ပူးပေါင်းရင်းမြစ်များ

A Damira 29:31

Allabatala ka a yen ko Leya ma duman Yakuba yɛ kosɛbɛ, tuma mɛn na, a ka den sɔrɔn nɔɔya Leya yɛ, kɔni Rasɛli tɛrɛ ye densɔrɔnbali le ri.

A Damira 30:5

Bilaha ka kɔnɔ ta Yakuba la, ka dencɛ sɔrɔn a yɛ.

A Damira 35:16

Ii bɔra Bɛtɛli ka wa. Ii tun ma sudunya Efirata la tuma mɛn na, Rasɛli moyi lon sera. A la tin gbɛlɛyara kosɛbɛ.

A Damira 35:18

Kɔni Rasɛli ma bɔ a rɔ. A satɔla ka a den tɔɔ la ko Bɛnoni. A sanin kɔrɔ, Yakuba ka den tɔɔ la ko Bɛniyaminu.

Matiyu 1:2

Iburahima ka Isiyaka sɔrɔn. Isiyaka ka Yakuba sɔrɔn. Yakuba ka Yahuda sɔrɔn, a ni wo kɔrɔcɛilu ni dɔɔcɛilu.

Yuhana 7:22

Ai ɲa lɔ. Musa ka faaninta sariya fɔ ai yɛ. (Kɔni faaninta ko ma bɔ Musa rɔ. A bɔra an benbailu le rɔ.) Wo bɛɛ ni a ta, hali Ɲɔɲɔ lon ai ri ai dencɛilu la faaninta kɛ.

Kewalilu 2:29

Piyɛri ka a fɔ ko: «N badenmailu, n di a fɔ ai yɛ ko an benba Dawuda ra sa. Sika tɛ wo rɔ: a su donda. Hali bi a kaburu ye yan.

Kalatikailu 3:15

N badenmailu, n di misali di ka a bɛn an na landailu le ma. Ni mɔɔ do ka teriya sidi ka ban, mɔɔ si kana teriya wo lasa, mɔɔ si kana do la teriya wo kan.

Kalatikailu 3:17

N ye a fɛ ka mɛn fɔ, wo le ɲin di: Sariya mɛn nara san kɛmɛ naanin ni san bisawa Alla la teriya kɔman ti se ka Alla la lahidi ban. Kɔni sariya wo ti se ka Alla la teriya lasa ka Alla la lahidi bɔ a nɔ rɔ.