Kewalilu 4:36 - Alla la Kitabu Seniman

³⁶ Nba, cɛɛ do tɛrɛ ye, mɛn tɔɔ ko Yusufu. Lebi bɔnsɔn do le tɛrɛ a ri ka bɔ Sipere. Talibidenbailu ka a tɔɔ la ko Barinabasi, mɛn kɔrɔ ye ko dencɛ mɛn ye mɔɔ sɛɛbɛ donna.

Kewalilu 4:36 ပူးပေါင်းရင်းမြစ်များ

Kewalilu 11:30

Ii ka wo bɛɛ ladɛn ka a don Barinabasi ni Sawuli bolo, ko ii ye wa a ri Jude lemɛniya mɔɔ mɔɔbakɔrɔilu ma.

Kewalilu 12:25

Barinabasi ni Sawuli banda ii la baara la tuma mɛn na, ii ka Yuhana ta ka ii kɔsɛ Jerusalɛmu. Mɔɔilu ye a fɔla Yuhana wo ma ko Marika.

Kewalilu 13:1

Nba Alla la nabi doilu ni karanmɔɔ doilu tɛrɛ ye lemɛniya jamailu rɔ Antiyɔki. Woilu le tɛrɛ: Barinabasi ni Simɛyon, mɛn mɔɔilu a fɔla fanan Nisɛrika, a ni Lusiyusi Sirɛnika, ni Manahɛni, mɛn da mansa Herodi lamɔra i ɲɔɔn fɛ, a ni Sawuli.

Kewalilu 13:15

Ii banda Tawurata a ni nabiilu la kitabu yɔrɔ do karanna, salibon kuntiilu ka kela di Pɔli ni Barinabasi ma ko: «An badenmailu, ni kuma do kɛra ai bolo, mɛn di jama lali, ai ye wo fɔ.»

Kewalilu 13:2

Lon do rɔ, lemɛniya mɔɔilu tɛrɛ ye Maari batola ka sun don tuma mɛn na, Alla la Nii Sɛniman kumara ii yɛ. A ka a fɔ ko: «N ye Barinabasi ni Sawuli lɔla baara mɛn na, ai ye ii bila a dan na n yɛ ka baara wo kɛ.»

Kewalilu 13:4

Alla la Nii Sɛniman ka Barinabasi ni Sawuli kelaya ɲa wo le ma. Wo rɔ, ii wara so do la, mɛn tɔɔ ko Selesi. Ii seni ye, ii donda kulunba kɔndɔ ka wa Sipere jamana rɔ.

Kewalilu 15:12

Jama bɛɛ ka ii sabari ka ii tolo malɔ Barinabasi ni Pɔli fanan na. Ii tun ka kabannako ni tɔɔmasere mɛnilu kɛ ka fara Alla la siya gbɛrɛilu tɛma, ii ka wo bɛɛ lase jama ma.

Kewalilu 15:2

Pɔli ni Barinabasi ma sɔn wo kuma ma. Wo le rɔ, mankan ba wulira ii ni mɔɔ woilu tɛma. Ii ka i ɲɔɔn sɔsɔ kosɛbɛ. Wo le kosɔn, lemɛniya mɔɔilu ka Pɔli ni Barinabasi suwandi, ka lemɛniya mɔɔ gbɛrɛilu la ii kan, ka ii bɛɛ lawa Jerusalɛmu. Ko ii ye wa talibidenbailu ni lemɛniya mɔɔilu la ɲɛmɔɔilu tɛrɛn ye, ka ko ɲin ɲafɔ ii yɛ.

Kewalilu 15:37

Barinabasi tɛrɛ ye a fɛ Yuhana ye wa ii kɔfɛ, Yuhana mɛn ye kilila ko Marika.

Kewalilu 15:39

A la wali ko kɛra sɔsɔli ba ri Pɔli ni Barinabasi tɛma, fɔɔ ii farara. Barinabasi ka Marika ta ka don kulun dɔ ka wa Sipere.

Kewalilu 21:16

Sesare karanden doilu nara an malɔ, ka an nana an jiya diya Minasɔn wara. Minasɔn ye Sipereka le ri. A kɛni Isa la karanden di kɛbi waati jan.

Kewalilu 21:3

An sudunyara Sipere ka a yen, kɔni an taminda a la a tele kankan bolo kinin fan fɛ. An wara Siri jamana rɔ ka an lɔ Tiri, baa donin mɛn tɛrɛ ye kulun kɔndɔ, wo tun ka kan ka lajii so wo le la.

Kewalilu 27:4

An bɔra Sidɔn kulunba kɔndɔ tuma mɛn na, fɔɲɔ tɛrɛ ye an tɔrɔla kosɛbɛ. Wo le kosɔn, an taminda Sipere kɔɔji tin fan kelen fɛ, fɔɲɔ tun tɛ tɛɛla kosɛbɛ fan mɛn.

Kewalilu 9:27

Kɔni Barinabasi ka Sawuli ramira ka wa a ri talibidenbailu ma ka a lase ii ma ikomin Sawuli ka Maari Isa yen Damasi sila la ɲa mɛn ma, a ni Maari kumara a yɛ ɲa mɛn ma, a ni Sawuli ma silan ɲa mɛn ma ka Isa la ko lase mɔɔilu ma Damasi so kɔndɔ.

Kalatikailu 2:1

Nba, san tan ni naanin taminni kɔ, nde ni Barinabasi wara Jerusalɛmu ikɔ tuun. N wara Tite fanan di.

Kalatikailu 2:13

Badenma ɲɔɔn ma mɛnilu tɛrɛ ye Yahudiyailu ri, wo tɔilu ka ii bila Piyɛri kɔ a la filanfilanteya rɔ. Wo kɛra sababu ri hali Barinabasi ka a bila ii kɔ.

Kalatikailu 2:9

Yakuba ni Sefasi ni Yuhana mɛnilu tɛrɛ ye jatela ɲɛmɔɔbailu ri, woilu jɛrɛ ka a ɲayen ko Alla le ka ɲumaya kɛ n yɛ ka n kelaya. Wo le rɔ, ii ka ii bolo don Barinabasi ni nde bolo, ka a yiraka an na ko an bɛɛ ye baarakɛɲɔɔnilu le ri. An bɛnda a ma ko andeilu ye wa kibaro ɲuma lase siya gbɛrɛilu ma, woilu fanan ye wa wo lase faanintakɛlailu ma.

Kɔlɔsikailu 4:10

N kasolabila ɲɔɔn Arisitariki ye ai fola a ni Marika, Barinabasi dɔɔni. Ai tɛrɛ ra jamariilu mɛn mɛn na ko rɔ, ni a nara ai wara, ai ye a lasɛnɛ ɲa ɲumala.