Kewalilu 4:32 - Alla la Kitabu Seniman

³² Lemɛniya mɔɔilu bɛɛ bɛnni tɛrɛ ko kelen ma. Ii jusu fanan tɛrɛ kelen de ri. Wo rɔ, mɔɔ si tun tɛ a bolofenilu kɛla a kelen ta ri. Ii tɛrɛ ye ii bolofenilu bɛɛ ratala ii ni i ɲɔɔn tɛ.

Kewalilu 4:32 ပူးပေါင်းရင်းမြစ်များ

Yuhana 17:11

N tɛ dunuɲa rɔ butun, kɔni ii ye dunuɲa rɔ, nde natɔ i ma. Fa Sɛniman, i ye ii lamara i tɔɔ sɛniman na, i ka tɔɔ mɛn di n ma, sa ii ye kɛ kelen de ikomin an ye kelen di ɲa mɛn ma.

Kewalilu 1:14

Ii tɛrɛ ye ii ladɛnna Alla matara kanma miriya kelen de la. Muso doilu fanan tɛrɛ ye ii rɔ, a ni Isa na Mariyamu a ni Isa dɔɔcɛilu.

Kewalilu 2:1

Pentekoli lon sera ka ii bɛɛ ladɛnnin tɛrɛn yɔrɔ kelen dɔ.

Kewalilu 5:12

Kabannako ni tɔɔmasere siyaman tɛrɛ ye kɛla mɔɔilu tɛma talibidenbailu bolo. Lemɛniya mɔɔilu bɛɛ tɛrɛ ye i ɲɔɔn nadɛnna mansa Sulemani la bolon na.

Filipikailu 1:27

Kɔni, ai taama ɲa ye bɛn Ɲenematɔmɔnin na Kibaro Ɲuma ma, kosa ni n di na ai tɔrɔfɛ, wala ni n ye jan, n ye a mɛn de ko ai ye to hankili kelen dɔ, ko ai ye ai bolo don ai ɲɔɔn bolo ka Kibaro Ɲuma lase lemɛniya rɔ.

Piyɛri Fɔlɔ 3:8

Nba, aile bɛɛ ye to hankili kelen dɔ, ka kininkinin, ka ai ɲɔɔn kanin nakelenɲɔɔya la, ka ɲumaya ai ɲɔɔn na, ka ai jɛrɛ majii.

Piyɛri Fɔlɔ 4:11

Ni mɛn di kuma ta, wo ye kuma ikomin a ye Alla la kumailu le jɛrɛ fɔla. Ni mɔɔ do ye walila doilu yɛ, a ye wali ikomin Alla ye a sɔla fanka la ɲa mɛn ma, kosa gbiliya ye di Alla ma ko bɛɛ rɔ Isa Ɲenematɔmɔnin baraka rɔ. Gbiliya ni fanka ye di ale le ma habadan haan habadan. Amina.