Kewalilu 28:20 - Alla la Kitabu Seniman

²⁰ Wo le rɔ, n ka ai kili ka kuma wo di ai ma, baa Isirayɛlikailu jii ye mɛn kan, wo ra kɛ sababu ri n sidini jɔlɔkɔ ɲin na bi.»

Kewalilu 28:20 ပူးပေါင်းရင်းမြစ်များ

Kewalilu 10:29

Wo le rɔ, n kilira tuma mɛn na, n ka n wuli ka na. N ma sɔsɔli si bila a rɔ. Awa, n ye ai maɲininkala sisen, ai ka n kili nfenna?»

Kewalilu 10:33

Wo rɔ, n ka mɔɔilu lawa i kɔ i kɔrɔ. I na ko ra diya an yɛ sisen. Nba, Maari ka ko mɛnilu fɔ i yɛ, an bɛɛ ye yan Alla ɲakɔrɔ ka an tolo malɔ woilu bɛɛ la.»

Kewalilu 21:33

Kɛlɛden kuntiiba nara ka Pɔli mira. A ka a fɔ kɛlɛdenilu yɛ ko ii ye Pɔli sidi nɛɛ jɔlɔkɔ fila la. A ka jama maɲininka ko cɛɛ ɲin ye yon di, a ka nfen kɛ?

Kewalilu 23:6

Nba, Pɔli ka a yen ko kititɛɛ dɛkuru farani. A fan kelen ye Sadusiilu ri. A fan kelen ye Farisilu ri. Wo le kosɔn, Pɔli ka a kan nabɔ ka a fɔ ko: «N badenmailu, n ye Farisi le ri. N fa fanan ye Farisi le ri. Kiti ye kɛla n kanma bi ka a masɔrɔn n jii lani su lawuli ko rɔ, ka bɔ saya rɔ.»

Kewalilu 24:15

N ni ii bɛɛ jii lani Alla ka a fɔ ko mɔɔ ɲumailu ni mɔɔ juuilu bɛɛ su ri wuli ka bɔ saya rɔ.

Kewalilu 26:29

Pɔli ka a jabi: «Ni a kɛra sisen wala lon gbɛrɛ, n ye Alla madiyala ko wo ye kɛ. Kɔni i kelen tɛ. Mɛn bɛɛ ye n kan namɛnna yan bi, n ye Alla madiyala ko woilu ye la i kan ka kɛ n ɲɔɔn di, mɛn ni jɔlɔkɔ labila tɛ kelen di.»

Kewalilu 28:17

Nba, tele sawa a naaninna, Pɔli ka Yahudiyailu la ɲɛmɔɔilu kili. Ii nara ii ladɛn tuma mɛn na, a ka a fɔ ii yɛ ko: «N badenmailu, n ma kojuu si kɛ an na mɔɔilu la. N ma an benbailu la landa si mafɔ. Hali wo, n mirara Jerusalɛmu ka don Rɔmukailu bolo.

Efɛsikailu 3:1

Wo le rɔ, nde Pɔli, Isa Ɲenematɔmɔnin na kasoden, aile siya gbɛrɛilu la ko rɔ.

Efɛsikailu 4:1

Wo rɔ, nde mɛn kɛni kasolamɔɔ ri Maari la ko rɔ, n ye ai madiyala, Alla ra ai kili mɛn kɛ ko ma, ai taama ɲa ye bɛn wo ma.

Efɛsikailu 6:20

n kɛni lasiiden di mɛn na ko rɔ hali n sidini jɔlɔkɔ la sisen. Ai ye Alla matara, kosa n ye n wakila kuma fɔla ikomin n dahani ɲa mɛn ma.

Filipikailu 1:13

Ka a masɔrɔn a ra yiraka mansa la bɔlɔn kɔnɔgbɛnna bɛɛ ni mɔɔilu bɛɛ la, ko n ye kaso la Ɲenematɔmɔnin de la ko rɔ,

Kɔlɔsikailu 4:18

Nde Pɔli le ka foli laban ɲin sɛbɛ n bolo la: Ai ye ai hankili to n na kaso labila ko. Alla la sɔli ye to ai fɛ.