Kewalilu 27:3 - Alla la Kitabu Seniman

³ Wo lon duusa gbɛ, an sera Sidɔn. Ka an lɔni to ye, Juliyusi kininkininda Pɔli ma ka sɔn a ye wa bɔ a duɲɔɔnilu fɛ, sa ii ri a makoilu ɲanabɔ.

Kewalilu 27:3 ပူးပေါင်းရင်းမြစ်များ

A Damira 10:15

Kanaan dencɛ fɔlɔ le tɛrɛ Sidɔn di, ka Hɛti tuun wo la.

A Damira 49:13

Sabulɔn di i sii kɔɔji da la. Kulunbailu lɔ diya ri kɛ a wara ri. A la duu ri wa fɔɔ Sidɔn so fan fɛ.

Matiyu 11:21

Isa ka a fɔ ikɔ ko: «Korasɛnkailu, gbalo ye ai yɛ. Bɛtisayidakailu, gbalo ye ai fanan yɛ. Kabannako ba mɛnilu kɛra ai rɔ, ni woilu tun kɛra Tiri so kɔndɔ, wala Sidɔn so kɔndɔ, ye mɔɔilu tun di kojuu kɛ boloka kɛbi waati jan. Ii tun di buurigbɛ kɛ ii kun dɔ, ka kasanbɔrɔ faanin bila ii kan na, ii la tubi tɔɔmasere ri.

Kewalilu 12:20

Herodi mɔnɛni tɛrɛ kojuuya Tirikailu ni Sidɔnkailu kanma. A lɔɔ tɛrɛ ye ii la ka kɛlɛ wo ban, ka a masɔrɔn ii la jamana balo ye bɔla mansa Herodi la jamana le rɔ. Wo rɔ, ii ka i ɲɔɔn yen ka mɔɔilu lɔ Herodi madiyala. Kɔni ii ka teriya don ii ni Bilasitusi tɛma fɔlɔ. Bilasitusi wo le Herodi la ɲɛmɔɔba ri. Wo bolo ma, ii wara Herodi tɛrɛn, ka a madiya ko a ye kɛlɛ ban.

Kewalilu 24:23

A ka a fɔ kɛlɛden kuntii do yɛ ko a ye Pɔli mara kaso la fɔlɔ kɔni a ye a rabila dɔɔni. Ko a kana a duɲɔɔ si bali a dɛmɛnna.

Kewalilu 27:1

Faamailu ka a latɛɛ ko ii ri an nadon kulunba kɔndɔ ka wa Itali jamana rɔ. Wo rɔ, ii ka Pɔli ni kasoden gbɛrɛilu don kɛlɛden kuntii do bolo, mɛn tɔɔ ko Juliyusi.

Kewalilu 27:43

Kɔni kɛlɛden kuntii tun tɛ a fɛ Pɔli ye faa. Wo le kosɔn, a ma sɔn kɛlɛdenilu ye kasodenilu faa. A ka a fɔ ko mɛnilu kusan ii namunna, ko woilu fɔlɔ ye ii be ji kan, ka ii namun ka wa gbelema.

Kewalilu 28:16

An sera Rɔmu tuma mɛn na, Rɔmu ɲɛmɔɔilu sɔnda Pɔli ye wa a sii a jɛrɛ ma. Ii ka kɛlɛden kelen lɔ a kɔnɔgbɛnna.