Kewalilu 26:10 - Alla la Kitabu Seniman

¹⁰ N ka wo le kɛ Jerusalɛmu. Alla la sarakalasela kuntiibailu ka se di n ma. Wo rɔ, n ka Alla la mɔɔ sɛnimanbailu siyaman mira ka ii bila kaso la. Ii faa ko fɔra tuma mɛn na, n wotɛra wo ko ma.

Kewalilu 26:10 ပူးပေါင်းရင်းမြစ်များ

Kewalilu 7:58

Ii ka a mira ka a sɔmɔn ka wa a ri so kɔkan, ka a bon damira kabakurun na. Sereya wo ka ii la duruki bɔ ii kanna ka a bila kanberen do sen kɔrɔ, mɛn tɔɔ ko Sawuli.

Kewalilu 8:1

Sawuli sɔnda Etiyɛn faa ko ma. Wo lon kelen, mɔɔilu wulira ka lemɛniya jama tɔrɔya kojuuya Jerusalɛmu. Wo rɔ, lemɛniya mɔɔilu bɛɛ ka ibori ka wa Jude mara ni Samari mara fan bɛɛ rɔ. Talibidenbailu dɔrɔn de ma bɔ Jerusalɛmu.

Kewalilu 8:3

Kɔni Sawuli tɛrɛ ye lemɛniya jama tɔrɔla kojuuya. A tɛrɛ ye donna ii la bonilu la ka ii mira, cɛɛ ni musoilu. A tɛrɛ ye woilu bɛɛ mirala fanka la ka ii bila kaso la.

Kewalilu 9:21

Mɛnilu tolo tɛrɛ ye a la kuma la, woilu bɛɛ kabannakoyara. Ii ka a fɔ ko: «Cɛɛ ɲin de ma mɔɔilu tɔrɔya kojuuya Jerusalɛmu wa, mɛnilu ye Isa tɔɔ kilila? A ma na yan ko ka woilu mira ka wa ii ri sarakalasela kuntiilu ma Jerusalɛmu wa?»

Kewalilu 9:26

Sawuli wara Jerusalɛmu. A seni ye, a lɔɔ tɛrɛ ye a la ka i madon karandenilu la. Kɔni woilu bɛɛ silanni tɛrɛ a ɲɛ. Ii ma la a la ko Sawuli ra kɛ Isa la karanden di.

Kewalilu 9:32

Nba, Piyɛri tɛrɛ ye jamana bɛɛ rataamala. Lon do rɔ, a wara bɔ Alla la mɔɔ sɛnimanbailu tɔrɔfɛ Lida so kɔndɔ.

Kewalilu 9:41

Piyɛri ka a mira a bolo ma, ka a lawuli. A ka Alla la mɔɔ sɛnimanbailu ni cɛsamusoilu kili, ka Tabita kɛndɛ yiraka ii la.

Kalatikailu 1:13

N tɛrɛ ye taamala Yahudiyailu la dina sila kan ɲa mɛn ma fɔlɔfɔlɔ, ai ra wo mɛn. N tɛrɛ ye Alla la lemɛniya jama tɔrɔla fɔɔ ka a dan natamin kojuuya. N tɛrɛ ye a ɲininna ka a ratiɲan fewu.

Efɛsikailu 1:1

Nde Pɔli mɛn kɛni Isa Ɲenematɔmɔnin na talibidenba ri Alla sawo rɔ, nde le ɲin sɛbɛla jama sɛniman ma Ɛfɛsi so kɔndɔ, lemɛniya mɔɔ mɛnilu ye Isa Ɲenematɔmɔnin dɔ.