Kewalilu 21:24 - Alla la Kitabu Seniman

²⁴ I ye la woilu kan ka sɛninya landa kɛ ii fɛ. I jɛrɛ ye wodi bɔ, sa ii ri ii kun li. Wo wa kɛ, bɛɛ ri a lɔn ko i la ko mɛn fɔni ii ɲana, ko tuɲa tɛ wo ri. Ii ri a lɔn fanan ko i jɛrɛ ye i taamala sariya sila kan.

Kewalilu 21:24 ပူးပေါင်းရင်းမြစ်များ

Hɔrɔya 19:10

Allabatala ka a fɔ Musa yɛ ko: «I ye jii ka i kɔsɛ mɔɔilu ma, ka a fɔ ii yɛ ko bi a ni sini ii ye ii jɛrɛ sɛninya. I ye a fɔ ii yɛ ko ii ye ii la faanin fanan ko.

Hɔrɔya 19:14

Musa jiira ka bɔ koyinkɛ kan ka wa a fɔ mɔɔilu yɛ ko ii ye ii jɛrɛ sɛninya. Ii ka ii la faaninilu fanan ko.

Yuhana 11:55

Taminkunna Sali wa sudunya tuma mɛn na, jamana siyaman mɔɔilu ye nala Jerusalɛmu sani sali ye se ii ri ii jɛrɛ sɛninya ka a bɛn ii la namun ma.

Yuhana 3:25

Awa, lon do rɔ, sɔsɔli do wulira Yaya la karanden doilu ni Yahudiya do tɛma. Sɔsɔli wo tɛrɛ ye dina sɛniyali landa le kan.

Kewalilu 18:18

Pɔli mɛnda Korɛnti kosɛbɛ tuma mɛn na, a ka sila ɲinin lemɛniya mɔɔilu fɛ ka wa. A seni Sankere, a ka a kun li ka a masɔrɔn a tun ka dakan ta Alla yɛ. Wo rɔ, a donda kulunba kɔndɔ ka wa Siri jamana rɔ. Pirisili ni Akila wara a kɔfɛ.

Kewalilu 21:26

Nba, wo duusa gbɛ, Pɔli ka mɔɔ naanin woilu ta ka wa sɛninya landa kɛ ii fɛ. Wo kɔ rɔ, a wara Allabatobonba la ka sɛniyali dafa lon fɔ. Wo lon wa se, saraka ri bɔ ii kelen kelenna bɛɛ yɛ.

Kewalilu 24:18

N tɛrɛ ye wo kan tuma mɛn na, Yahudiya doilu nara n tɛrɛn Allabatobonba kɔndɔ. N da wo namunilu bɛɛ kɛ ka n jɛrɛ lasɛninya. Jama tun tɛ ye; mankan tun tɛ ye.

Kalatikailu 2:12

Ka a masɔrɔn sani Yakuba la keladenilu ye na, Sefasi ni ye mɔɔilu tɛrɛ ye dɔɔnnin kɛla kelen di, badenma mɛnilu ye siya gbɛrɛilu ri. Kɔni Yakuba la keladenilu nara tuma mɛn na, a ka a jɛrɛ mabɔ siya gbɛrɛ woilu la. A ma sɔn a ni woilu ye dɔɔnnin kɛ kelen di wo kɔ, baa a silanda mɔɔilu yɛ, mɛnilu ka a fɔ ko siya gbɛrɛilu ka kan ka faaninta kɛ.