Kewalilu 20:28 - Alla la Kitabu Seniman

²⁸ Nba, ai ye ai janto ai jɛrɛ rɔ. Alla la Nii Sɛniman da mɔɔ mɛnilu karifa ai la, ai ye ai janto woilu fanan dɔ. Ai ye ai lɔ Alla la lemɛniya jamailu ɲɔrɔ ka ii latanka, baa a ra woilu kɛ a jɛrɛ ta ri a dencɛ la saya rɔ.

Kewalilu 20:28 ပူးပေါင်းရင်းမြစ်များ

Matiyu 16:18

N di a fɔ i yɛ fanan ko ile le Piyɛri ri, mɛn kɔrɔ ye ko farakolo. N di n na lemɛniya jama lalɔ farakolo wo kan. Saya ni a fanka tɛna nɔ sɔrɔnna dɛkuru wo ma.

Matiyu 2:6

‹Ile Bɛtilɛhɛmu, ile mɛn ye Jude mara rɔ, i tɛ Jude mara soilu rɔ dɔɔmanni ri de! Baa kuntii do ri bɔ i kɔndɔ, mɛn di a janto n na jama Isirayɛlikailu rɔ.›»

Luka 12:32

Isa ka a fɔ a la karandenilu yɛ ko: «N na dɛkuru ɲin, ai kana silan. A diyara ai Fa Alla yɛ ka a la mansaya di ai ma.

Luka 21:34

«Ai ye ai jɛrɛ la ko lakɔrɔsi. Ai kana to ai diyani koilu kɛla, ka dɔlɔ min ka ai ɲa laminin, ka hamin dunuɲa sii ɲa la. Lon wo kana ai mira a bolo ma ikomin miralifen ye sobo mirala ɲa mɛn ma.

Kewalilu 13:2

Lon do rɔ, lemɛniya mɔɔilu tɛrɛ ye Maari batola ka sun don tuma mɛn na, Alla la Nii Sɛniman kumara ii yɛ. A ka a fɔ ko: «N ye Barinabasi ni Sawuli lɔla baara mɛn na, ai ye ii bila a dan na n yɛ ka baara wo kɛ.»

Kewalilu 14:23

Pɔli ni Barinabasi ka ɲɛmɔɔilu lasii lemɛniya jamailu kelen kelenna bɛɛ kun na. Ii ka sun don ka Alla matara woilu yɛ, ka ii karifa Maari la, ii lani wo mɛn na.

Kewalilu 20:17

Wo le rɔ, a tora Milɛti ka kela lawa Ɛfɛsi ka lemɛniya jamailu la ɲɛmɔɔilu kili, ko ii ye na a tɛrɛn ye.

Kewalilu 20:29

N ka a lɔn ko n wa wa, mɔɔjuuilu ri don ai tɛma ka tiɲanni kɛ. Woilu ye ikomin wara juuilu, mɛnilu ye donna saailu tɛma ka ii madimin.

Kalatikailu 1:13

N tɛrɛ ye taamala Yahudiyailu la dina sila kan ɲa mɛn ma fɔlɔfɔlɔ, ai ra wo mɛn. N tɛrɛ ye Alla la lemɛniya jama tɔrɔla fɔɔ ka a dan natamin kojuuya. N tɛrɛ ye a ɲininna ka a ratiɲan fewu.

Efɛsikailu 1:14

Nii Sɛniman kɛnin de ikomin Alla ka fen fɔlɔ mɛn don an bolo tɔɔmasere ri kosa an ye a lɔn ko an di wa cɛ sɔrɔn Alla la jama wa kunka waati mɛn na, ka Alla tando a la gbiliya rɔ.

Efɛsikailu 1:7

Ka a masɔrɔn an da kunka Isa jeli fɛ, ka an julumunilu kafari, ka fara a la hina ba la,

Efɛsikailu 4:11

Ale le ka sɔlifenilu ratala, ka mɔɔ doilu kɛ talibidenbailu ri, a ka doilu kɛ nabiilu ri, ka doilu kɛ dawakɛlailu ri, ka doilu kɛ ɲɛmɔɔilu ri, ka doilu kɛ karanmɔɔilu ri.

Filipikailu 1:1

Nde Pɔli ni Timote, Ɲenematɔmɔnin Isa la baarakɛlailu, an ka ɲin de sɛbɛ ka a lawa aile Ɲenematɔmɔnin na jama sɛniman na mɛnilu ye Filipi so kɔndɔ a ni dina kuntiilu ni dɛmɛnninnailu.

Kɔlɔsikailu 1:14

mɛn ka an kunka, ka an julumunilu kafari.

Kɔlɔsikailu 4:17

Ai ye a fɔ Arikipe yɛ ko: «I ka baara mɛn sɔrɔn Maari la, a kɛ i hankili la, ka a lakanbali.»

Piyɛri Fɔlɔ 2:25

Ai tɛrɛ kɛni le ikomin saa mɛnilu tununni, kɔni sisen ai ra kɔsɛ fanan kolofen gbɛngbɛnna a ni nii kandanna tɔrɔfɛ.

Piyɛri Fɔlɔ 2:9

Kɔni aile ra kɛ siya suwandini ri. Mansailu la sarakalaselailu le aile ri, siya sɛniman, Alla ta ye jama mɛn di, kosa ai ye a la baara ɲuma bailu la ko lase, ale mɛn ka ai kili, ka ai bɔ dibi rɔ, ka wa a la kabannako kɛnɛya rɔ.

Yuhana Fɔlɔ 1:7

Kɔni ni an ye taamala kɛnɛ rɔ, ikomin Alla jɛrɛ ye kɛnɛ rɔ ɲa mɛn ma, duɲɔɔnya ri kɛ an ni ɲɔɔn tɛma. Ka a la wo kan, a dencɛ Isa la jeli ri hakɛ bɛɛ bɔ an dɔ ka an sɛniya.