Kewalilu 20:17 - Alla la Kitabu Seniman

¹⁷ Wo le rɔ, a tora Milɛti ka kela lawa Ɛfɛsi ka lemɛniya jamailu la ɲɛmɔɔilu kili, ko ii ye na a tɛrɛn ye.

Kewalilu 20:17 ပူးပေါင်းရင်းမြစ်များ

Kewalilu 11:30

Ii ka wo bɛɛ ladɛn ka a don Barinabasi ni Sawuli bolo, ko ii ye wa a ri Jude lemɛniya mɔɔ mɔɔbakɔrɔilu ma.

Kewalilu 14:23

Pɔli ni Barinabasi ka ɲɛmɔɔilu lasii lemɛniya jamailu kelen kelenna bɛɛ kun na. Ii ka sun don ka Alla matara woilu yɛ, ka ii karifa Maari la, ii lani wo mɛn na.

Kewalilu 15:23

Nba, ii ka bataki don woilu bolo ko ka wa a ri. A sɛbɛni ko: «An badenmailu, mɛnilu ye siya gbɛrɛ mɔɔilu ri Antiyɔki so kɔndɔ a ni Siri jamana rɔ ni Silisi jamana rɔ, an ye ai fola. Ai badenmailu talibidenbailu ni ɲɛmɔɔilu kan de. An da bataki ɲin nawa ai ma.

Kewalilu 15:4

Nba, ii se mɛn kɛni Jerusalɛmu, lemɛniya jamailu ni talibidenbailu ni ɲɛmɔɔilu ka ii ramira koɲuma. Alla tun ka ko mɛnilu kɛ ka fara ii la, ii ka woilu bɛɛ ɲafɔ ye lemɛniya mɔɔilu yɛ.

Kewalilu 15:6

Nba, talibidenbailu ni ɲɛmɔɔilu ka i ɲɔɔn yen ka ko wo fɛsɛfɛsɛ.

Kewalilu 16:4

Wo rɔ, ii bɔra ye ka wa. Talibidenbailu ni ɲɛmɔɔilu bɛnda ko mɛnilu ma Jerusalɛmu, Pɔli ni Silasi tɛrɛ ye taminna woilu lasela lemɛniya mɔɔilu ma so bɛɛ la, ka a fɔ ii yɛ ko ii ye woilu mira.

Kewalilu 18:19

Ii sera Ɛfɛsi tuma mɛn na, Pɔli ka a taamaɲɔɔnilu to a kɔ ye. Ale wara salibon na ka kuma Yahudiyailu yɛ.

Kewalilu 20:15

An bɔra ye lon mɛn na, wo duusa gbɛ an sera Kiyɔsi da fɛ. Wo duusa gbɛ filana an sera Samɔsi. Wo duusa gbɛ sawana an sera Milɛti.

Kewalilu 20:28

Nba, ai ye ai janto ai jɛrɛ rɔ. Alla la Nii Sɛniman da mɔɔ mɛnilu karifa ai la, ai ye ai janto woilu fanan dɔ. Ai ye ai lɔ Alla la lemɛniya jamailu ɲɔrɔ ka ii latanka, baa a ra woilu kɛ a jɛrɛ ta ri a dencɛ la saya rɔ.

Yakuba 5:14

Ni jankarɔto ye ii rɔ, wo ye lemɛniya mɔɔilu la dɛkuru ɲɛmɔɔilu kili. Ii ye tulu mun a kun na Maari tɔɔ rɔ, ka Alla tara a yɛ.

Piyɛri Fɔlɔ 5:1

N ye lemɛniya jama mɔɔbailu fanan madiyala ai tɛma ka a masɔrɔn n fanan kɛni jama mɔɔba do le ri ikomin iile, a ni Ɲenematɔmɔnin na tɔrɔya sereya do. Gbiliya mɛn natɔ bɔla kɛnɛma, n fanan di wo do sɔrɔn.

Yuhana Filana 1:1

Sɛbɛ ɲin farani lemɛniya mɔɔilu la dɛkuru mɔɔbakɔrɔ le la. N ye a lawala n badenmuso ma, Alla ka mɛn suwandi, a ni a denilu. Ai bɛɛ duman n yɛ, baa an bɛɛ ye taamala ka bɛn Alla la tuɲa ma. Kɔni n kelen tɛ. Mɛnilu ka tuɲa wo lɔn, ai duman woilu bɛɛ yɛ.

Yuhana Sabana 1:1

Sɛbɛ ɲin farani lemɛniya mɔɔilu la dɛkuru mɔɔbakɔrɔ le la. N ye a lawala n kaninba Kayusi ma. I duman n yɛ, baa an bɛɛ ye taamala ka bɛn Alla la tuɲa ma.