Kewalilu 2:40 - Alla la Kitabu Seniman

⁴⁰ Piyɛri ka kuma siyaman la wo kan, ka ii kawandi. A ka ii lali kosɛbɛ ko: «Bi mɔɔilu juuman. Ai ye ai jɛrɛ kisi ii ma!»

Kewalilu 2:40 ပူးပေါင်းရင်းမြစ်များ

Matiyu 12:34

Ai fɔnfɔnni munuɲailu! Ai ma ɲi. Ai ri se kuma ɲuma fɔla wo rɔ di? Mɔɔ jusukun fani mɛn na, a da ye wo le fɔla.

Matiyu 16:4

Mɔɔ juuilu ni lemɛniyabaliilu ye a fɛ ka tɔɔmasere kabannakoma yen, kɔni tɔɔmasere si tɛ yiraka ai la ni Nabi Junusa ta ɲɔɔn tɛ.» Wo kɔ rɔ, a ka ii to ye ka wa.

Matiyu 17:17

Isa ka a fɔ ko: «Ai bi mɔɔilu ye lemɛniyabali ni kun gbɛdɛnilu le ri. N di to ai tɛma haan waati ɲuman? N di ai la ko muɲunnin fɔɔ waati ɲuman? Nba, ai ye na den di n ma yan.»

Matiyu 23:33

Ai duuma sailu! Ai, fɔnfɔnni la munuɲailu! Alla ri kiti labe ai kan ka ai lafili jahanama kɔndɔ! Ai ri bɔ kiti wo kɔrɔ di?

Luka 16:28

N badenma mɔɔ loolu ye ye. I ye diɲɛ Lasari ye wa ii lali. Kosa ii kana na jakankata diya yan.›

Luka 21:36

Wo rɔ, ai ye to iɲɛna, ka Alla matara tuma bɛɛ; sa ai ri fanka sɔrɔn kojuu ɲin kan, mɛn kɛtɔ kɔnin; sa ai ri bɔ wo bolo; sa ai ri se ka i lɔ Mɔɔ Dencɛ ɲana.»

Yuhana 21:25

Isa ka ko gbɛrɛ siyaman kɛ, mɛnilu ma sɛbɛ yan. Ni wo kelen kelenna bɛɛ tun sɛbɛra, kitabu mɛnilu tun di sɛbɛ wo rɔ, woilu tun tɛ kun dunuɲa rɔ.

Kewalilu 10:42

A ka an jamari ko an ye mɔɔilu bɛɛ kawandi, ka sereya bɔ ko Alla ra ale lasii ka a kɛ fureilu ni kɛndɛmailu bɛɛ la kititɛɛla ri.

Kewalilu 15:32

Judasi ni Silasi fanan tɛrɛ ye Alla la nabiilu le ri. Wo rɔ, ii kumara lemɛniya mɔɔilu yɛ kosɛbɛ ka ii lali ka ii sɛɛbɛ don.

Kewalilu 20:11

Wo rɔ, Pɔli yɛlɛra sankaso bon na ikɔ. A ka buru rafara ka dɔɔnnin kɛ lemɛniya mɔɔilu fɛ. A kumara ii yɛ haan kɛnɛ bɔra, ka ban ka wa.

Kewalilu 20:2

A ka jamana wo rataama ka ye lemɛniya mɔɔilu lali ka ii sɛɛbɛ don kuma siyaman ma. Wo rɔ, a nara se Kirɛki jamana rɔ.

Kewalilu 20:21

N da a fɔ Yahudiyailu ni siya gbɛrɛ tɔilu yɛ ka a magbɛlɛya ko ii ye kojuu kɛ boloka ka na Alla ma, ka lemɛniya an na Maari Isa ma.

Kewalilu 20:24

Ni n balora, wo tɛ foyi ri n ɲakɔrɔ. Mɛn tɔnɔ ye n ma, wo le n na baara ri, Maari Isa ka mɛn karifa n na. Fo n ye baara wo le ban ka Alla la kibaro ɲuma lase mɔɔilu ma, kibaro mɛn ye Alla la ɲumaya ko fɔla.

Kewalilu 20:9

Kanberen do, mɛn tɔɔ ko Yutikusi, siini tɛrɛ bon fɔɲɔda dakun kan bon na ye. Pɔli mɛnda kumala, sunɔɔ lɔɔ ka kanberen wo mira kosɛbɛ. A sunɔɔra ka be fɔɲɔda la. A bɔra fɔɔ sankaso bon sawana fɔɲɔda wo la ka be duu ma. Ii wara a ta ka a tɛrɛn a ra sa.

Kewalilu 28:23

Nba, ii ka lon kelen fɔ, ii ri na lon mɛn. Wo lon seni, ii siyaman nara Pɔli wara. Pɔli kumara ii yɛ, ka Alla la Mansaya ko ɲafɔ ii yɛ ka bɔ sɔɔma haan wura fɛ. A ka ko bɛɛ kɛ, sa ii ri se Isa la ko lɔnna koɲuma ka bɛn Nabi Musa la sariya kitabu ma, a ni nabi tɔilu la kitabuilu ma.

Kewalilu 4:36

Nba, cɛɛ do tɛrɛ ye, mɛn tɔɔ ko Yusufu. Lebi bɔnsɔn do le tɛrɛ a ri ka bɔ Sipere. Talibidenbailu ka a tɔɔ la ko Barinabasi, mɛn kɔrɔ ye ko dencɛ mɛn ye mɔɔ sɛɛbɛ donna.

Kalatikailu 5:3

N ye a fɔla ikɔ ko mɔɔ mɔɔ wa sɔn mɔɔilu ye a faaninta kɛ ten, fo wo tii ye Nabi Musa la sariya bɛɛ labato; diyagboya le wo ri.

Efɛsikailu 4:17

Nba, n ye lalili kuma ɲin fɔ ai yɛ Maari tɔɔ rɔ: Ai kana taama butun ikomin lemɛniyabaliilu. Ii miriyailu bilani fufafu koilu le kɔfɛ.

Filipikailu 2:15

kosa ai ye kɛ sɔn tɛ mɛnilu la, ka sɛninya. Ai ye kɛ Alla denilu ri, fɛɛ tɛ mɛnilu la, mɛnilu ye mɛlɛnna ikomin loloilu sankolo ma farɔkɛ telenbali ni sɛninyabaliilu tɛma,

Piyɛri Fɔlɔ 5:12

Silasi, n ye mɛn jatela nakelenɲɔɔ kɔnɔrɔdi ri, wo le ka n dɛmɛn bataki kundunyanin ɲin sɛbɛla ai ma, kosa n ye ai lalemɛniya, ka sereya bɔ ai yɛ, ko Alla la sɔlini tuɲa le ɲin di, ai ye mɛn dɔ gben!