Kewalilu 2:4 - Alla la Kitabu Seniman

⁴ Alla Nii Sɛniman jiira ii kan. Ii bɛɛ kumara ii jɛrɛ yɛ kan gbɛrɛ rɔ ikomin Alla Nii Sɛniman ka ii dɛmɛn kuma la ɲa mɛn ma.

Kewalilu 2:4 ပူးပေါင်းရင်းမြစ်များ

Matiyu 10:19

Ii wa ai mira ka wa ai ri kiti diya, ai ka kan ka kuma mɛnilu fɔ ye, a ni ai ka kan ka woilu fɔ ɲa mɛn ma, ai kana hamin woilu la, baa ai ka kan ka mɛn fɔ, Alla jɛrɛ ri wo don ai da rɔ wo waati kelen na.

Luka 1:15

baa den wo kɛtɔ mɔɔ ba le ri Maari ɲakɔrɔ. A tɛ rɛsɛnji wala dɔlɔ su su min habadan. Kɛbi a na kɔnɔ ma ye a la Alla la Nii Sɛniman ye a fɛ.

Luka 1:41

Elisabɛti ka Mariyamu tuwali kan mɛn tuma mɛn na, a den ka a lamaa bakɛ a kɔnɔ rɔ. Wo tuma, Alla la Nii Sɛniman jiira Elisabɛti rɔ.

Luka 1:67

Alla la Nii Sɛniman jiira Sakariya rɔ, ka kelaya ko:

Luka 12:12

Ka a masɔrɔn ai ka kan ka mɛn fɔ, Alla la Nii Sɛniman di wo kuma bila ai kɔndɔ wo waati kelen na.»

Luka 21:15

A waati wa se, nde jɛrɛ ri lafasali kuma hankili di ai ma, ai ri mɛn fɔ. Ai juu si ti se kuma wo sɔsɔla.

Luka 4:1

Nii Sɛniman tora Isa fɛ. Awa, Isa tɛrɛ ye bɔla Juridɛn Ba da la tuma mɛn na Alla la Nii Sɛniman lɔra a ɲɔrɔ ka wa a ri wula kɔndɔ.

Yuhana 14:26

Kɔni, Lalilila, Nii Sɛniman, N Fa ye mɛn lanala n tɔɔ rɔ, wo ye ai karanna ko bɛɛ la, aile fanan hankili ri bila a rɔ n ka mɛn fɔ ai yɛ.

Yuhana 20:22

A banni kuma wo fɔla a ka fɔɲɔ fɛ ai ma ka a fɔ ko: «Ai ye Nii Sɛniman sɔrɔn.

Kewalilu 1:5

Yaya ka mɔɔilu sun ji rɔ, kɔni a tɛ mɛn bakɛ butun, ai ri sun Alla la Nii Sɛniman na.»

Kewalilu 1:8

Kɔni Alla la Nii Sɛniman wa jii ai kan, ai ri sebaya sɔrɔn. Ai ri kɛ n sereilu ri Jerusalɛmu, a ni Jude fan bɛɛ a ni Samari mara fan bɛɛ a ni dunuɲa duukolo fan bɛɛ rɔ.»

Kewalilu 10:46

ka a masɔrɔn ii ka wo mɔɔilu kumakanilu mɛn ii ye Alla matɔɔla kan gbɛrɛilu la. Wo rɔ, Piyɛri ka a fɔ,

Kewalilu 10:47

«Mɔɔ ɲinilu ra Alla la Nii Sɛniman sɔrɔn ikɔ andeilu ka a sɔrɔn ɲa mɛn ma. Wo rɔ, yon di se ka ii bali sun ji rɔ ma wa?»

Kewalilu 11:15

Nba, n ka kuma damira tuma mɛn na, Alla la Nii Sɛniman jiira mɔɔ woilu kan ikomin a jiira andeilu kan ɲa mɛn ma fɔlɔfɔlɔ.

Kewalilu 11:24

Barinabasi tɛrɛ ye mɔɔ ɲuma le ri. A jusu fani Alla la Nii Sɛniman na. A lemɛniyara kosɛbɛ. Jama siyaman fanan sɔnda Maari rɔ.

Kewalilu 13:52

Kɔni karandenilu jusu fani tɛrɛ ye sɛwani Alla la Nii Sɛniman na.

Kewalilu 13:9

Kɔni Sawuli, mɛn ye kilila ko Pɔli, wo jusu fani Alla la Nii Sɛniman na. A ka a ɲa lɔ Elimasi rɔ kosɛbɛ.

Kewalilu 15:8

Alla, mɛn ka adamadenilu bɛɛ miriya lɔn, a ka a yiraka ko a sɔnni siya gbɛrɛilu rɔ ka a masɔrɔn a ka Alla la Nii Sɛniman di ii ma ikomin a ka wo di andeilu ma ɲa mɛn ma fɔlɔ.

Kewalilu 19:6

Pɔli ka a bolo la ii kan tuma mɛn na, Alla la Nii Sɛniman nara ii ma. Ii kumara kan gbɛrɛilu rɔ. Alla ka kuma mɛnilu di ii ma, ii ka woilu lase mɔɔilu ma.

Kewalilu 2:11

Kɛrɛtikailu ni Arabuilu fanan tɛrɛ ye jama rɔ ye. Ii bɛɛ ka a fɔ ko: «Alla ra kabannako mɛnilu kɛ, ii ye woilu fɔla an fa wara kanilu rɔ. Nfen kɛni wo rɔ?»

Kewalilu 2:3

Ii ka fen do yen, mɛn kɛni ikɔ ta mɛlɛn. A bɔni nɛnkun na, a ka a rafara ka a maa lemɛniya mɔɔ kelen kelenna bɛɛ la.

Kewalilu 4:31

Ii ban mɛn kɛni Alla matarala, ii la ladɛn yɔrɔ wo yɛrɛyɛrɛra. Ii bɛɛ jusu fara Alla la Nii Sɛniman na. Wo lon kelen, ii ka Alla la kuma lase damira mɔɔilu ma jusulatɛɛ rɔ.

Kewalilu 4:8

Piyɛri jusu fani tɛrɛ Alla la Nii Sɛniman na, ka ii jabi: «Yahudiya kuntii ni mɔɔbakɔrɔilu,

Kewalilu 6:3

An badenmailu, ai ye cɛɛ mɔɔ wɔrɔnwula suwandi ai rɔ, mɛnilu ye mɔɔ hankilimailu ri. Woilu ye kɛ mɔɔ famunninilu ri, mɛnilu jusu fani Alla la Nii Sɛniman na. An di suman datalan baara karifa woilu la.

Kewalilu 6:5

Wo kuma diyara jama bɛɛ yɛ. Wo rɔ, ii ka Etiyɛn suwandi, wo mɛn lemɛniyani kosɛbɛ. A jusu fani Alla la Nii Sɛniman na fanan. Ii ka Filipe fanan suwandi, a ni Porokori ni Nikanɔri ni Timon ni Parimɛnasi ni Nikolasi, mɛn tɛrɛ ye Antiyɔkika ri. Yahudiya tun tɛ a ri, kɔni a tun da don Yahudiyailu la dina rɔ.

Kewalilu 6:8

Alla la ɲumaya tɛrɛ ye Etiyɛn ka a fɔ kosɛbɛ. Alla la sebaya fanan tɛrɛ ye a fɛ. A ka kabannako ba ni tɔɔmasereilu kɛ mɔɔilu tɛma.

Kewalilu 7:55

Kɔni Etiyɛn jusu fani tɛrɛ Alla la Nii Sɛniman na. A ka a ɲa lɔ sankolo rɔ ka Alla la nɔɔrɔ yen, ka Isa lɔni yen Alla bolokininma.

Kewalilu 8:17

Piyɛri ni Yuhana banda Alla matarala ka ii bolo la ii kan. Wo rɔ, ii ka Alla la Nii Sɛniman sɔrɔn.

Kewalilu 9:17

Wo rɔ, Ananiyasi bɔra ka wa Sawuli tɛrɛn. A donda bon na, ka a bolo la a kan, ka a fɔ a yɛ ko: «N badenma Sawuli, Maari Isa ra n nana ka i tɛrɛn yan. Ale le ka a jɛrɛ yiraka i la sila la ka a tɛrɛn i ye nala yan. Ale le ka n nana yan sa i ɲa ri laka ikɔ, sa i jusu ri fa Alla la Nii Sɛniman na.»

Efɛsikailu 3:19

ka a la kaninteya lɔn mɛn taminni lɔnnin bɛɛ la, kosa ai ye dafa Alla la ko dafanin bɛɛ rɔ.

Efɛsikailu 5:18

Ai kana ai fa rɛsɛnji rɔ ka ai ɲa laminin, ko haramunin de wo ri, kɔni ai ye ai fa Nii Sɛniman na.

Efɛsikailu 6:18

Ai ye Alla matara waati bɛɛ Nii Sɛniman baraka rɔ Alla matara su bɛɛ rɔ. Ai to ai ɲana wo rɔ, ka ai tunadiya waati bɛɛ Alla matara ma jama sɛniman bɛɛ la ko rɔ.

Piyɛri Fɔlɔ 1:12

Alla ka a yiraka le nabiilu la, ko ii tɛrɛ tɛ baarala ii jɛrɛ yɛ kɔni ai le, ii tɛrɛ ye koilu fɔla ai ka mɛnilu la ko lamɛn wo mɔɔilu la mɛnilu ka Kibaro Ɲuma lase ai ma Nii Sɛniman baraka rɔ mɛn bɔni harijeene. Hali mɛlɛkailu fanan kunfani wo ko fɛsɛfɛsɛ kɔrɔ.

Piyɛri Filana 1:21

Ka a masɔrɔn nabiya kuma si tɛrɛ tɛ bɔla adamadenilu sawo rɔ, kɔni Alla la Nii Sɛniman de tɛrɛ ye adamadenilu dɛmɛnna, ka kuma ka fara Alla la.