Kewalilu 2:33 - Alla la Kitabu Seniman

³³ Alla ka a kɔrɔta ka wa a sii a bolokininma. A ka Alla la Nii Sɛniman sɔrɔn a fa Alla bolo, mɛn lahidi tani tɛrɛ. Isa ka wo lana an ma. Ai ka mɛn yen bi, a ni ai ka mɛn mɛn, Alla la Nii Sɛniman de ka wo kɛ.

Kewalilu 2:33 ပူးပေါင်းရင်းမြစ်များ

Matiyu 28:18

Isa ka a madon ii la, ka a fɔ ii yɛ ko: «Se ra di n ma fen bɛɛ kan Harijeene rɔ, a ni duukolo kan.

Luka 24:49

N Fa ka lahidi mɛn sidi ai yɛ, n di wo dafa lana ai ma. Wo rɔ, ai kana bɔ Jerusalɛmu so kɔndɔ fo sebaya wo wa bɔ sanfɛ ka jii ai kan.»

Yuhana 14:16

Wo rɔ nde ri n Fa madiya, a ni a ri Lalilila gbɛrɛ di ai ma mɛn di to ai fɛ habadan.

Yuhana 14:26

Kɔni, Lalilila, Nii Sɛniman, N Fa ye mɛn lanala n tɔɔ rɔ, wo ye ai karanna ko bɛɛ la, aile fanan hankili ri bila a rɔ n ka mɛn fɔ ai yɛ.

Yuhana 15:26

Awa Lalilila le wa na waati mɛn na n Fa ta fan dɔ, Nii Sɛniman, tuɲa tii, mɛn ye bɔ n Fa rɔ, a ri n na sereya bɔ.

Yuhana 17:5

N Fa, gbiliya mɛn tɛrɛ ye n na i dafɛ sani dunuɲa ye dan, i ye wo di n ma sisen i dafɛ.

Kewalilu 1:4

Lon do rɔ, ka a tɛrɛn a ye dɔɔnninna ii ɲɔɔn fɛ, a ka a fɔ ii yɛ ko: «Ai kana bɔ Jerusalɛmu yan haan n Fa la lahidi ye dafa, n ka mɛn na ko fɔ ai yɛ kɔrɔman. Ai ye wo dafa makɔnɔ so kɔndɔ yan.

Kewalilu 10:45

Wo ka Yahudiya lemɛniya mɔɔ mɛnilu tɛrɛn ye, mɛnilu nani Piyɛri malɔ diya kɔnin, woilu kabannakoyara ka a masɔrɔn Alla ka a la Nii Sɛniman di siya gbɛrɛilu fanan ma,

Kewalilu 2:17

‹Alla ka a fɔ ko: laban tuma na, n di n Nii Sɛniman lajii adamadenilu bɛɛ kan. Ai dencɛilu ni ai denmusoilu ri Alla la kuma lase mɔɔilu ma. Ai la kanbarenilu ri koyenna ikomin sibo. N di sibo la ai la mɔɔbakɔrɔilu ɲa ma.

Kewalilu 5:31

Alla ka a gbiliya ka a kɔrɔta fo a bolokinin na, ka a kɛ Mansa ni Kisiba ri, sani Alla ye fɛrɛ di Isirayɛlikailu ma waati mɛnna ka a kɔsɛ ka tubi a ni ii ri makotoli sɔrɔn ii julumun na.

Kalatikailu 3:14

Isa Ɲenematɔmɔnin ka wo kɛ sa Iburahima la duwawu ri se siya gbɛrɛilu ma, a ni an bɛɛ ri Nii Sɛniman sɔrɔn landaɲa le rɔ.

Efɛsikailu 1:13

Aile fanan da to Ɲenematɔmɔnin dɔ, baa ai ra tuɲa kuma lamɛn, ai lakisi ko Kibaro Ɲuma, ai lara Ɲenematɔmɔnin na tuma mɛn na, Alla ka a la tɔɔmasere la ai kan, tɔɔmasere wo ye Nii Sɛniman de ri a ka ai lahidi mɛn na.

Efɛsikailu 4:8

Wo le rɔ, Kitabu ka a fɔ ko, «A yɛlɛra san ma waati mɛn na, a wara mɔɔ miraniilu ri a bolo. A ka sɔlifenilu di adamadenilu ma.»

Piyɛri Fɔlɔ 1:21

Ai lemɛniyani Alla ma ale le baraka rɔ, Alla mɛn ka a lawuli saya rɔ, a ka gbiliya di wo ma, kosa ai la lemɛniya ni jii ye to Alla rɔ.

Piyɛri Fɔlɔ 3:22

mɛn wani harijeene, ka a sii Alla bolokininma mɛlɛkailu ni setiilu ni fankamailu bɛɛ kun na.