Kewalilu 2:27 - Alla la Kitabu Seniman

²⁷ Baa, i ti sɔn n nii ye to saya dibi rɔ. I ti sɔn i la Mɔɔ sɛniman su ye mɛn kaburu rɔ ka toli.

Kewalilu 2:27 ပူးပေါင်းရင်းမြစ်များ

Yunusa 2:6

Kɔɔji ka n natunun ka n na ɲenemaya masilan. N jiira fɔɔ kɔɔji dun ba kɔrɔ. Kɔɔjikɔrɔ binilu mɔrɔnmɔrɔnni tɛrɛ n kun ma.

Matiyu 11:23

Kapɛrinahumukailu, ai don? Ai ri bonya haan ka se sankolo rɔ wa? Wo kuma tɛ! Ai ri jii fɔɔ ka se jahanama kɔndɔ! Baa kabannako mɛnilu kɛra ai tɛma, ni woilu tun kɛra Sɔdɔmu so kɔndɔ, Sɔdɔmu so tun di tɛrɛn ye haan bi.

Luka 1:35

Mɛlɛka ka a jabi: «Alla la Nii Sɛniman di jii i ma. Alla Kɔrɔtaninba sebaya ri birin i kun na. Wo bolo ma, i ye dencɛ mɛn sɔrɔnna a ye den sɛniman de ri, a ri kili ko Alla Dencɛ.

Luka 16:23

Ka nanfulutii jakankatani to lakira, a ka a ɲa lɔ ka Iburahima yen yɔrɔ jan. Lasari siini tɛrɛ Iburahima dafɛ.

Luka 24:44

Wo kɔ, a ka a fɔ ii yɛ ko: «Waati taminni, n tɛrɛ ye a fɔla ai yɛ ko fen fen sɛbɛni n na ko rɔ, wo bɛɛ ri dafa. Mɛnilu sɛbɛni Nabi Musa la sariya rɔ, a ni mɛnilu sɛbɛni nabi tɔilu la kuma rɔ, a ni mɛnilu sɛbɛni Jaburi kitabu rɔ, woilu bɛɛ ri dafa fewu.»

Luka 4:34

«Ɛɛ, Isa Nasarɛtika! I ye nfen kɛla andeilu tɛma yan? I nani an halaki kanma wa? I ye mɔɔ su mɛn di, n ka wo lɔn. Alla la Mɔɔ sɛniman de i ri.»

Yuhana 11:39

Isa ka a fɔ ko: «Kaba bɔ da la.» Sayabatɔ nakelenɲɔɔ muso, Marita ka a fɔ a yɛ ko: «Maari, a suma ye a bɔla. A ra tele naanin bɔ a ye yan.»

Kewalilu 2:26

Wo le kosɔn, n jusu sɛwani kosɛbɛ! N kan ye sɛwakan de ri. N faribanku, a tɔni kɛndɛya rɔ ka a la jiiya la a rɔ.

Kewalilu 2:28

Sila mɛnilu ye bɛnna ɲenemaya jɛrɛ jɛrɛ ma, i ra woilu yiraka n na. I ri n nawasa sɛwala i ɲakɔrɔ.›»

Kewalilu 2:31

Alla tun di mɛn kɛ sini natɔ, Dawuda ka wo yen. Wo rɔ, a kumara Mɔɔ Ɲenematɔmɔnin lawuli ka bɔ saya rɔ ko kan. A ka a fɔ ko a ma to saya dibi rɔ; a su ma mɛn kaburu rɔ ka toli.

Kewalilu 3:14

Isa tɛrɛ Mɔɔ sɛniman ni mɔɔ telenni de ri. Kɔni ai ka ai ban a rɔ. Ai ka Pilate madiya ko a ye mɔɔ gbɛrɛ bila ai yɛ, mɛn tɛrɛ ye mɔɔfaala ri.

Kewalilu 4:27

«Nba tuɲa le wo ri fewu, mansa Herodi ni Ponse Pilate ka ii ladɛn so kɔndɔ yan, a ni siya tɔilu, a ni Isirayɛlikailu. Ii ka ii ladɛn ka wuli i la baaraden sɛniman Isa kanma, i ka mɛn suwandi.

Yuhana Fɔlɔ 2:20

Kɔni Mɛn Sɛninman wo ra a Nii Sɛninman najii ai kan, ai bɛɛ a ko lɔn.