Kewalilu 19:8 - Alla la Kitabu Seniman

⁸ Pɔli ka karo sawa kɛ, a ye wala salibon na ye ka kuma mɔɔilu yɛ. A tun tɛ silanna muumɛ. A tɛrɛ ye ii karanna Alla la Mansaya ko la, ka ko bɛɛ kɛ ka mɔɔ lali sa ii ri la a la kuma la.

Kewalilu 19:8 ပူးပေါင်းရင်းမြစ်များ

Kewalilu 1:3

A la tɔrɔya kɔrɔ, a bɔra ii ɲakɔrɔ gbɛ rɔ ka ko siyaman kɛ tele binaani kɔrɔ. A ka a yiraka ii la ɲa siyaman ma ko a kɛndɛ le. Wo tuma, a tɛrɛ ye Alla la Mansaya ko fɔla ii yɛ.

Kewalilu 13:14

Ii bɔra Pɛrika ka wa Pisidi Antiyɔki. Yahudiyailu la Ɲɔɲɔ lon sera tuma mɛn na, ii donda salibon kɔndɔ ka ii sii.

Kewalilu 13:46

Pɔli ni Barinabasi ka ii jabi jusulatɛɛ rɔ ko: «A fɛrɛ tun tɛ fo Alla la kuma ye fɔ ai Yahudiyailu le fɔlɔ yɛ. Kɔni ai ra ai ban a rɔ. Ai ra a jate wo rɔ ko ai ma bɛn ɲenemaya banbali sɔrɔn ma. Wo le rɔ, an di wa siya gbɛrɛilu fɛ sisen.

Kewalilu 14:1

Nba, Pɔli ni Barinabasi donda Yahudiyailu la salibon na Ikoniyɔmu ikɔ ii ka a kɛ ɲa mɛn ma Antiyɔki. Ii kumara mɔɔilu yɛ ɲa mɛn ma, Yahudiya siyaman ni siya gbɛrɛilu siyaman lemɛniyara Isa ma.

Kewalilu 17:17

A tɛrɛ ye wala Yahudiyailu la salibon na ka Yahudiyailu ni Alla batobailu kawandi. Lon lon a tɛrɛ ye wala lɔfɛ rɔ fanan. A wa mɔɔ mɛnilu sɔrɔn ye, a ri woilu fanan kawandi.

Kewalilu 18:19

Ii sera Ɛfɛsi tuma mɛn na, Pɔli ka a taamaɲɔɔnilu to a kɔ ye. Ale wara salibon na ka kuma Yahudiyailu yɛ.

Kewalilu 18:26

A wulira jusulatɛɛ rɔ ka kuma damira salibon na. Pirisili ni Akila ka a lamɛn tuma mɛn na, ii wara a ri ii wara ka Alla la sila kɔrɔ fɔ a yɛ ka a gbɛ.

Kewalilu 18:4

Kɔni Pɔli tɛrɛ ye wala salibon na Ɲɔɲɔ lon bɛɛ ka kuma Yahudiyailu ni Kirɛkikailu yɛ. A ka ko bɛɛ kɛ, sa ii ri sɔn Maari Isa rɔ.

Kewalilu 19:10

A ka karan kɛ ten san fila kɔrɔ. Wo rɔ, Asi jamana mɔɔilu bɛɛ ka Maari la ko mɛn: Yahudiyailu wo, Kirɛkilu wo, ii bɛɛ ka wo mɛn.

Kewalilu 19:7

Cɛɛ woilu tun di mɔɔ tan ni fila ɲɔɔn bɔ.

Kewalilu 19:9

Kɔni doilu ma sɔn a la kuma ma. Woilu ka ii ban fewu, ka to Maari Isa la sila tɔɔ tiɲanna kuma juu la mɔɔ bɛɛ ɲana. Wo le kosɔn, Pɔli bɔra ii fɛ, ka karandenilu ta ka wa Tiranusi la karan diya rɔ. A tɛrɛ ye karan kɛla ye lon lon.

Kewalilu 20:31

Wo le rɔ, ai ye a kɛ koɲuma. Ai ye ai hankili to a rɔ ko n ka ai kelen kelenna bɛɛ lali san sawa wo kɔrɔ. N ma wo boloka fewu, fo ka a kɛ su ni tele. N ɲaji bɔra ai kosɔn kosɛbɛ.

Kewalilu 28:23

Nba, ii ka lon kelen fɔ, ii ri na lon mɛn. Wo lon seni, ii siyaman nara Pɔli wara. Pɔli kumara ii yɛ, ka Alla la Mansaya ko ɲafɔ ii yɛ ka bɔ sɔɔma haan wura fɛ. A ka ko bɛɛ kɛ, sa ii ri se Isa la ko lɔnna koɲuma ka bɛn Nabi Musa la sariya kitabu ma, a ni nabi tɔilu la kitabuilu ma.

Judi 1:3

N kanintenilu, a lɔɔ tɛrɛ ye n na kosɛbɛ n ye ɲin sɛbɛ ai ma ka bɛn an kisi ko ma, kɔni n ka a yen de fo n ye a sɛbɛ le ka bɛn ai fanka don ko ma lemɛniya makaran dɔ Alla ra mɛn karifa a la jama sɛniman ma siɲa kelen haan habadan.