Kewalilu 16:19 - Alla la Kitabu Seniman

¹⁹ Jɔnmuso tiilu ka a yen tuma mɛn na ko ii tɛ wodi sɔrɔnna a fɛ butun, ii ka Pɔli ni Silasi mira. Ii ka ii sɔmɔn fɔɔ lɔfɛ rɔ, ka wa ii ri kuntiilu ma.

Kewalilu 16:19 ပူးပေါင်းရင်းမြစ်များ

Matiyu 24:9

«Mɔɔilu ri ai don mɔɔilu bolo, sa woilu ri ai tɔrɔ, ka ai faa. Ai ri gboya dunuɲa mɔɔilu bɛɛ yɛ n tɔɔ kosɔn.

Kewalilu 14:19

Wo tuma, Yahudiya doilu nara ka bɔ Antiyɔki ni Ikoniyɔmu. Woilu ka jama manɛɛn ka ii kɔndasu. Wo rɔ, mɔɔilu wulira ka Pɔli bon kabakurun na ko ii ye a faala. Ii ka a sɔmɔn fɔɔ so kɔkan ka a lafili, ka a masɔrɔn ii ka ii miri ko a ra sa.

Kewalilu 14:5

Yahudiyailu ni ii la kuntiilu ni siya gbɛrɛilu bɛnda a ma ko ii ye ko kɛla Pɔli ni Barinabasi la, ka ii bon kabakurun na ka ii faa.

Kewalilu 15:22

Talibidenbailu ni ɲɛmɔɔilu ni lemɛniya jamailu bɛɛ ka a latɛɛ ko ii ye mɔɔ doilu suwandi ka woilu lɔ Pɔli ni Barinabasi malɔla Antiyɔki. Ii ka Judasi, mɛn fanan tɔɔ ko Barisabasi, a ni Silasi suwandi. Mɔɔ fila woilu tɛrɛ ɲɛmɔɔilu le ri lemɛniya mɔɔilu tɛma.

Kewalilu 15:26

Wo fila le ka ii jɛrɛ di Maari Isa Ɲenematɔmɔnin na baara kanma fo dɔɔni ii ma faa mɔɔilu bolo.

Kewalilu 15:40

Pɔli ka Silasi suwandi. Lemɛniya mɔɔilu ka ii karifa Maari la, sa a ri a janto ii rɔ. Ii bɔra ye ɲa wo le ma.

Kewalilu 16:16

Lon do rɔ, an watɔla tora Alla matara diya, an ni jɔnmuso do ka an ɲɔɔn bɛn. Fɛlɛli jina tɛrɛ ye a fɛ. A tɛrɛ ye fɛlɛli kɛla wo baraka rɔ, ka wodi siyaman sɔrɔn a tiilu yɛ.

Kewalilu 16:20

Ii se mɛn kɛni ye, ii ka a fɔ Rɔmu kititɛɛ faamailu yɛ ko: «Mɔɔ ɲinilu ye Yahudiyailu le ri. Ii ra an na so bɛɛ ɲakɛ.

Kewalilu 16:25

Nba, duu talama, Pɔli ni Silasi tɛrɛ ye Alla matarala ka kalaman bɔ. Kasoden tɔilu tɛrɛ ye ii tolo malɔla ii la.

Kewalilu 16:29

Kasobon kɔnɔgbɛnna ka a kan nabɔ ko ii ye fitinna di a ma. A ka a bori ka wa Pɔli ni Silasi ma. A yɛrɛyɛrɛtɔ ka a be ii sen kɔrɔ.

Kewalilu 17:6

Kɔni ii ma Pɔli ni Silasi tɛrɛn ye. Wo rɔ, ii ka Jasɔn ni lemɛniya mɔɔ doilu mira, ka ii masɔmɔn fɔɔ so ɲɛmɔɔilu wara. Ii jamanda ko: «Mɔɔ mɛnilu ye mankan nawulila dunuɲa bɛɛ rɔ, woilu ra se yan.

Kewalilu 21:30

Mankan bonyara ka so bɛɛ lamaa. Mɔɔilu borimantɔ nara ka bɔ fan bɛɛ rɔ. Ii ka Pɔli mira ka a sɔmɔn ka a labɔ Allabatobonba jin kɔndɔ. Mɔɔilu ka bon dailu tuun i kɔrɔ.

Kewalilu 8:3

Kɔni Sawuli tɛrɛ ye lemɛniya jama tɔrɔla kojuuya. A tɛrɛ ye donna ii la bonilu la ka ii mira, cɛɛ ni musoilu. A tɛrɛ ye woilu bɛɛ mirala fanka la ka ii bila kaso la.

Kewalilu 9:16

A ri tɔrɔ ɲa mɛn ma n na ko rɔ, n jɛrɛ ri wo bɛɛ yiraka a la.»

Filipikailu 1:30

ai ye to wo kɛlɛ kelen donna, ai ka n yen mɛn donna, ikomin ai ra a mɛn ɲa mɛn ma, haan sisen n ye wo kan.

Yakuba 2:6

Kɔni ai ye fantanilu dooyala! Nanfulutiilu le tɛ ai mirala karagbɛlɛya la wa? Iile tɛ ai mirala ka wa ai ri kititɛɛ diya rɔ wa?