Kewalilu 15:8 - Alla la Kitabu Seniman

⁸ Alla, mɛn ka adamadenilu bɛɛ miriya lɔn, a ka a yiraka ko a sɔnni siya gbɛrɛilu rɔ ka a masɔrɔn a ka Alla la Nii Sɛniman di ii ma ikomin a ka wo di andeilu ma ɲa mɛn ma fɔlɔ.

Kewalilu 15:8 ပူးပေါင်းရင်းမြစ်များ

Yuhana 21:17

A ka a fɔ a yɛ a siɲa sawanan dɔ ko: «Yuhana dencɛ Simɔn, n duman i yɛ wa?» Piyɛri niiafinda, baa Isa ra a maɲininka fo siɲa sawa ko: «N duman i yɛ wa?» A ka a jabi: «Maari, i ka ko bɛɛ lɔn. I ka a lɔn ko i duman n yɛ.» Isa ka a fɔ a yɛ ko: «I ye n na saa denninilu balo.

Yuhana 5:37

N Fa mɛn ka n nana, wo fanan ye n na sereya le ri, kɔni ai tolo ma a la kumakan namɛn fɔlɔ fewu. Ai ɲa ma a ɲakɔrɔla yen fɔlɔ fewu.

Kewalilu 1:24

Ii bɛɛ ladɛnnin ka Alla matara ko: «Maari, ile le ka mɔɔilu bɛɛ sɔnɔmɛ lɔn. I ra mɛn suwandi mɔɔ fila ɲin dɔ, i ye wo yiraka an na.

Kewalilu 10:47

«Mɔɔ ɲinilu ra Alla la Nii Sɛniman sɔrɔn ikɔ andeilu ka a sɔrɔn ɲa mɛn ma. Wo rɔ, yon di se ka ii bali sun ji rɔ ma wa?»

Kewalilu 14:3

Pɔli ni Barinabasi mɛnda ye ka Maari la kuma lase mɔɔilu ma jusulatɛɛ rɔ. Maari tɛrɛ ye se dila ii ma ka kabannakoilu ni tɔɔmasereilu kɛ, sa woilu ri a yiraka ko ii ye mɛn fɔla Alla la ɲumaya ko rɔ, ko tuɲa le wo ri.

Kewalilu 15:28

An ni Alla la Nii Sɛniman da bɛn ko an kana donin si sii ai kun ma fo mɛn ka kan. Wo rɔ, ai kana mɛn kɛ, wo le ɲin di.

Kewalilu 2:4

Alla Nii Sɛniman jiira ii kan. Ii bɛɛ kumara ii jɛrɛ yɛ kan gbɛrɛ rɔ ikomin Alla Nii Sɛniman ka ii dɛmɛn kuma la ɲa mɛn ma.

Kewalilu 4:31

Ii ban mɛn kɛni Alla matarala, ii la ladɛn yɔrɔ wo yɛrɛyɛrɛra. Ii bɛɛ jusu fara Alla la Nii Sɛniman na. Wo lon kelen, ii ka Alla la kuma lase damira mɔɔilu ma jusulatɛɛ rɔ.