Kewalilu 14:3 - Alla la Kitabu Seniman

³ Pɔli ni Barinabasi mɛnda ye ka Maari la kuma lase mɔɔilu ma jusulatɛɛ rɔ. Maari tɛrɛ ye se dila ii ma ka kabannakoilu ni tɔɔmasereilu kɛ, sa woilu ri a yiraka ko ii ye mɛn fɔla Alla la ɲumaya ko rɔ, ko tuɲa le wo ri.

Kewalilu 14:3 ပူးပေါင်းရင်းမြစ်များ

Yuhana 4:48

Isa ka a fɔ ko: «Ai ye a fɛ ka tɔɔmasere yen, fen mɛn ye kabannako ri. Ni wo tɛ, ai ti lala n na.»

Kewalilu 13:46

Pɔli ni Barinabasi ka ii jabi jusulatɛɛ rɔ ko: «A fɛrɛ tun tɛ fo Alla la kuma ye fɔ ai Yahudiyailu le fɔlɔ yɛ. Kɔni ai ra ai ban a rɔ. Ai ra a jate wo rɔ ko ai ma bɛn ɲenemaya banbali sɔrɔn ma. Wo le rɔ, an di wa siya gbɛrɛilu fɛ sisen.

Kewalilu 2:22

«Isirayɛli cɛɛilu, ai tolo malɔ kuma ɲin di. Alla le ka Isa Nasarɛtika kelaya. Alla ra wo yiraka ai ri kabannakoilu ni ko masilannilu ni tɔɔmasereilu kɛ a ka mɛnilu kɛ ai tɛma ikomin ai jɛrɛ ka lɔn ɲa mɛn ma.

Kewalilu 20:24

Ni n balora, wo tɛ foyi ri n ɲakɔrɔ. Mɛn tɔnɔ ye n ma, wo le n na baara ri, Maari Isa ka mɛn karifa n na. Fo n ye baara wo le ban ka Alla la kibaro ɲuma lase mɔɔilu ma, kibaro mɛn ye Alla la ɲumaya ko fɔla.

Kewalilu 20:32

«Nba, n ye ai karifala Alla la sisen, a ni a la kuma la, mɛn kɔnin ye a la ɲumaya ko fɔla. Ale le ri se ai la lemɛniya sabatila kuma wo la. A ni a ri cɛ wo di ai ma, a ni mɛn bɛɛ bilani a dan na.

Kewalilu 4:31

Ii ban mɛn kɛni Alla matarala, ii la ladɛn yɔrɔ wo yɛrɛyɛrɛra. Ii bɛɛ jusu fara Alla la Nii Sɛniman na. Wo lon kelen, ii ka Alla la kuma lase damira mɔɔilu ma jusulatɛɛ rɔ.

Kewalilu 5:32

Andeilu le kɛra ko woilu bɛɛ sereilu ri. Alla ka a la Nii Sɛniman mɛn di a kan mirabailu ma, wo fanan ye wo sere le ri.»