Kewalilu 12:17 - Alla la Kitabu Seniman

¹⁷ Piyɛri ka a bolo lawuli ko ii ye ii sabari. Maari ka a labɔ kaso la ɲa mɛn ma, a ka wo lase ii ma. Ko ii ye wo bɛɛ fɔ Yakuba ni ii badenmailu yɛ. Wo kɔ rɔ, a bɔra ye ka wa yɔrɔ gbɛrɛ rɔ.

Kewalilu 12:17 ပူးပေါင်းရင်းမြစ်များ

Matiyu 10:23

Ni ii ka ai tɔrɔ so do la, ai ye ai bori ka wa so gbɛrɛ la. N di tuɲa fɔ ai yɛ: sani ai ye ban Isirayɛlikailu la jamana so bɛɛ taamala, Mɔɔ Dencɛ ri na.

Luka 1:22

Sakariya bɔ mɛn kɛni kɛnɛ ma, a ma se kumala ii yɛ. Ii ka a yen ko Sakariya ra fen do yen yɔrɔ sɛniman kɔndɔ, baa a tɛrɛ ye kuma tɔɔmasereyala a bolo le la jama ɲana, kɔni a mɛnda boboya rɔ.

Yuhana 10:40

Isa ka a kɔsɛ Juridɛn Ba fan kelen dɔ, yɔrɔ mɛn ye, Yaya tɛrɛ ye mɔɔ sunna ji rɔ kɔrɔman. A tora ye.

Yuhana 11:54

Wo rɔ Isa ka jɛrɛ yiraka lalɔ jama yɛ. A bɔra mara wo rɔ ka wa wula ba kɔndɔ, ka a se so mɛn tɔɔ ko Efirayimu. A ni a la karandenilu tora ye dɔɔni.

Yuhana 13:24

Simɔn Piyɛri ka a ɲa kadɛn a yɛ ko a ni Isa maɲininka a ye kumala mɛn na ko rɔ.

Yuhana 7:1

Wo taminnin kɔ, Isa tɛrɛ ye mataamala Kalile yɔrɔ bɛɛ rɔ. A tɛrɛ sa a fɛ ka wa Jude ka a masɔrɔn Yahudiya ɲɛmɔɔilu tɛrɛ ye a fɛ ka a faa.

Yuhana 8:59

Ii ka kaba matɔmɔ ko ii ye a mabon kaba la. Kɔni Isa tununda jama ma ka bɔ Allabatobonba kɔndɔ.

Kewalilu 1:15

Nba, lon do rɔ, Piyɛri ka i lɔ a badenmailu tɛma ka kuma. Wo ka mɛnilu tɛrɛn ye, woilu ri mɔɔ kɛmɛ ni mɔɔ muwan bɔ.

Kewalilu 12:16

Kɔni Piyɛri tɛrɛ ye da makɔnkɔnna kosɛbɛ. Ii wara da laka tuma mɛn na, ii ka Piyɛri yen ka kabannakoya kojuuya.

Kewalilu 12:18

Nba, wo duusa gbɛ, Piyɛri tunun ko ka kɛlɛdenilu kɔndafili kosɛbɛ.

Kewalilu 13:16

Pɔli ka i lɔ wo rɔ. A ka a bolo kɔrɔta ka a fɔ ko: «Isirayɛlikailu cɛɛilu ni Alla ɲɛsilanɲɛbailu bɛɛ, ai ye ai tolo malɔ.

Kewalilu 15:13

Pɔli ni Barinabasi banni kumala, Yakuba ka a fɔ ko: «N badenmailu, ai ye ai tolo malɔ n kan na.

Kewalilu 16:40

Pɔli ni Silasi bɔra kaso bon na wo le rɔ ka wa Lidi wara rɔ. Ii ka lemɛniya mɔɔilu tɛrɛn ye. Ii ka woilu lali ka ii sɛɛbɛ don ka ban ka wa.

Kewalilu 19:33

Yahudiyailu ka mɔɔ do lalɔ jama ɲana. Cɛɛ wo tɔɔ ko Alesandire. Doilu ka ii kan nabɔ a ma ko a ye kuma. A ka tɔɔmasere kɛ a bolo la jama ɲana ko ii ye sabari. A tɛrɛ ye a fɛ ka kuma lase ii ma.

Kewalilu 21:18

Wo duusa gbɛ, Pɔli ni an tɔilu wara Yakuba wara. An ka lemɛniya mɔɔilu la ɲɛmɔɔilu bɛɛ tɛrɛn ye.

Kewalilu 21:40

Kɛlɛden kuntiiba sɔnda wo ma. Wo rɔ, Pɔli ka i lɔ bon yɛlɛyɛlɛnanilu kan ka tɔɔmasere kɛ a bolo la mɔɔilu ɲana ko a ye a fɛ ka kuma ii yɛ. Ii ka ii sabari tuma mɛn na, Pɔli kumara ii yɛ Heburukan dɔ.

Kewalilu 28:15

Nba, an na ko fɔra Rɔmu lemɛniya mɔɔilu yɛ tuma mɛn na, doilu wulira ka na an nabɛn Apiyusi Lɔfɛ rɔ. Dogbɛrɛilu nara an nabɛn yɔrɔ mɛn tɔɔ ko Lɔndan Jiyabon Sawa. Pɔli ka woilu yen tuma mɛn na, a ka baraka bila Alla yɛ. A sɛɛbɛ donda.

Kalatikailu 1:19

Kɔni n ɲa ma la talibidenba tɔilu si kan, fo Maari Isa dɔɔcɛ Yakuba.

Kalatikailu 2:12

Ka a masɔrɔn sani Yakuba la keladenilu ye na, Sefasi ni ye mɔɔilu tɛrɛ ye dɔɔnnin kɛla kelen di, badenma mɛnilu ye siya gbɛrɛilu ri. Kɔni Yakuba la keladenilu nara tuma mɛn na, a ka a jɛrɛ mabɔ siya gbɛrɛ woilu la. A ma sɔn a ni woilu ye dɔɔnnin kɛ kelen di wo kɔ, baa a silanda mɔɔilu yɛ, mɛnilu ka a fɔ ko siya gbɛrɛilu ka kan ka faaninta kɛ.

Kalatikailu 2:9

Yakuba ni Sefasi ni Yuhana mɛnilu tɛrɛ ye jatela ɲɛmɔɔbailu ri, woilu jɛrɛ ka a ɲayen ko Alla le ka ɲumaya kɛ n yɛ ka n kelaya. Wo le rɔ, ii ka ii bolo don Barinabasi ni nde bolo, ka a yiraka an na ko an bɛɛ ye baarakɛɲɔɔnilu le ri. An bɛnda a ma ko andeilu ye wa kibaro ɲuma lase siya gbɛrɛilu ma, woilu fanan ye wa wo lase faanintakɛlailu ma.

Yakuba 1:1

Sɛbɛ ɲin farani Yakuba le la, mɛn ye Alla la jɔn de a ni Maari Isa mɛn Ɲenematɔmɔnin na jɔn de ri. N ye a lawala Isirayɛli la kabila tan ni fila ma, mɛnilu jɛnsɛnni dunuɲa fan bɛɛ rɔ. N ye ai tuwala.