Kewalilu 1:15 - Alla la Kitabu Seniman

¹⁵ Nba, lon do rɔ, Piyɛri ka i lɔ a badenmailu tɛma ka kuma. Wo ka mɛnilu tɛrɛn ye, woilu ri mɔɔ kɛmɛ ni mɔɔ muwan bɔ.

Kewalilu 1:15 ပူးပေါင်းရင်းမြစ်များ

Matiyu 13:31

Isa ka kuma kɔrɔlama gbɛrɛ fɔ mɔɔilu yɛ. A ka a fɔ ko: «Harijeene Mansaya ye ikomin bɔrɔn fira kisɛ. Cɛɛ do ka bɔrɔn fira kisɛ lan a la sɛnɛ rɔ.

Luka 22:32

Kɔni n da Alla matara ile yɛ, kosa i la lemɛniya kana ban. I wa i kɔsɛ n ma, i ye i badenmailu sɛɛbɛ don.»

Yuhana 14:12

N ye tuɲa le fɔla ai yɛ ko: mɛn ka a lemɛniya la n dɔ wo ri n na baara kabannako fanan kɛ. A ri kabannako kɛ mɛn ka bon ka tamin n ta la ka a masɔrɔn n watɔ n Fa ma.

Yuhana 21:23

Kuma wo kosɔn, a tɛrɛ ye fɔla fan bɛɛ badenmailu tɛma ko karanden wo ti faala. Kɔni Isa ma a fɔ ko ale ti faala, kɔni ko: «Ni a duman n yɛ a ye to dunuɲa rɔ haan n ye na waati mɛn dɔ, wo tɔnɔ ɲuman ɲa la i ma?»

Kewalilu 10:23

Wo rɔ, Piyɛri ka a fɔ ii yɛ ko ii ye don. A ka jiyabon di ii ma. Duusa gbɛni, a ka a rabɛn ka wa ii kɔfɛ. Jopeka lemɛniya mɔɔ doilu wara a malɔ diya.

Kewalilu 11:1

Talibidenbailu ni lemɛniya mɔɔ mɛnilu ye Jude, woilu ka a mɛn ko siya gbɛrɛ mɔɔilu fanan da sɔn Alla la kuma ma.

Kewalilu 11:12

Alla la Nii Sɛniman ka a fɔ n yɛ ko n ye wa ii tɔrɔfɛ, ko n kana sika. Badenma wɔɔrɔ ɲinilu wara n malɔ diya. An seni ye, an donda Kɔrinɛli la bon na.

Kewalilu 11:26

A ka Sawuli tɛrɛn ye ka na a ri Antiyɔki. Ii ka san kelen kɛ ladɛnna lemɛniya jama kɔfɛ ye. Ii ka mɔɔ siyaman karan wo rɔ. Mɔɔilu ka Isa la karandenilu tɔɔ la Antiyɔki le fɔlɔ ko Isa la mɔɔilu.

Kewalilu 11:29

Isa la karanden ka a fɔ ko ii ri Jude lemɛniya mɔɔilu dɛmɛn. Ko ii kelen kelenna bɛɛ ri ii se ko kɛ ka do bila a rɔ.

Kewalilu 12:17

Piyɛri ka a bolo lawuli ko ii ye ii sabari. Maari ka a labɔ kaso la ɲa mɛn ma, a ka wo lase ii ma. Ko ii ye wo bɛɛ fɔ Yakuba ni ii badenmailu yɛ. Wo kɔ rɔ, a bɔra ye ka wa yɔrɔ gbɛrɛ rɔ.

Kewalilu 14:2

Kɔni Yahudiya mɛnilu ma lemɛniya Isa ma, woilu ka siya gbɛrɛilu kɔndasu ka ii lawuli lemɛniya mɔɔilu kanma.

Kewalilu 15:1

Nba, mɔɔ doilu nara Antiyɔki ka bɔ Jude. Ii tɛrɛ ye lemɛniya mɔɔilu karanna ko: «Ai ti se kisila ni ai ma faaninta kɛ ikomin Nabi Musa la landa ye ɲa mɛn ma.»

Kewalilu 15:3

Nba, lemɛniya jamailu ka ii bilasila ka ii lawa. Ii ka Fenisi jamana ni Samari mara rasan. Ii tamintɔla, siya gbɛrɛilu tun lemɛniyara ka na Alla ma ɲa mɛn ma, ii ka wo lase ye lemɛniya mɔɔilu ma. Wo ko diyara woilu yɛ a ɲa jɛrɛ jɛrɛ ma.

Kewalilu 16:2

Lisitiri ni Ikoniyɔmu lemɛniya mɔɔ bɛɛ tɛrɛ ye Timote tɔɔɲuma fɔla.

Kewalilu 16:40

Pɔli ni Silasi bɔra kaso bon na wo le rɔ ka wa Lidi wara rɔ. Ii ka lemɛniya mɔɔilu tɛrɛn ye. Ii ka woilu lali ka ii sɛɛbɛ don ka ban ka wa.

Kewalilu 17:10

Dibi donda tuma mɛn na su wo rɔ, lemɛniya mɔɔilu ka Pɔli ni Silasi lawa so gbɛrɛ la, mɛn tɔɔ ko Bere. Ii seni ye, ii wara Yahudiyailu la salibon na.

Kewalilu 17:14

Lemɛniya mɔɔilu ka wo yen tuma mɛn na, ii wulira i kɔrɔ ka Pɔli lawa kɔɔji da la. Kɔni Silasi ni Timote tora a kɔ Bere.

Kewalilu 17:6

Kɔni ii ma Pɔli ni Silasi tɛrɛn ye. Wo rɔ, ii ka Jasɔn ni lemɛniya mɔɔ doilu mira, ka ii masɔmɔn fɔɔ so ɲɛmɔɔilu wara. Ii jamanda ko: «Mɔɔ mɛnilu ye mankan nawulila dunuɲa bɛɛ rɔ, woilu ra se yan.

Kewalilu 18:18

Pɔli mɛnda Korɛnti kosɛbɛ tuma mɛn na, a ka sila ɲinin lemɛniya mɔɔilu fɛ ka wa. A seni Sankere, a ka a kun li ka a masɔrɔn a tun ka dakan ta Alla yɛ. Wo rɔ, a donda kulunba kɔndɔ ka wa Siri jamana rɔ. Pirisili ni Akila wara a kɔfɛ.

Kewalilu 18:27

Lon do rɔ, Apɔlɔsi ka a fɔ ko a ye a fɛ ka wa Akaya jamana rɔ. Lemɛniya mɔɔilu ka a sɛɛbɛ don ko a ye wa. Ii ka sɛbɛ rabɛn ka a fɔ Akaya lemɛniya mɔɔilu yɛ ko ni Apɔlɔsi sera ye, ko ii ye a ramira koɲuma. A se mɛn kɛni ye, a ka mɔɔilu dɛmɛn kosɛbɛ, mɛnilu kɛra lemɛniya mɔɔilu ri Alla la ɲumaya baraka rɔ kɔnin.

Kewalilu 21:17

An se mɛn kɛni Jerusalɛmu, ye lemɛniya mɔɔilu ka an damira koɲuma.

Kewalilu 21:20

Ii ka ii tolo malɔ ko woilu la, ka Alla tando kosɛbɛ. Ii ka a fɔ Pɔli yɛ ko: «An badenma, i ma a yen Yahudiya waa siyaman de lani Isa la yan. Wo bɛɛ tɛsidini Nabi Musa la sariya ko le la.

Kewalilu 21:7

An bɔra Tiri ka wa Pitolemayisi kulunba kɔndɔ. An se mɛn kɛni ye, an bɔra kulunba kɔndɔ ka wa ye lemɛniya mɔɔilu fo. An ka tele kelen kɛ woilu fɛ.

Kewalilu 22:5

Alla la sarakalasela kuntiiba ni mɔɔbakɔrɔilu bɛɛ ye n sereilu ri wo ko rɔ. N ka sɛbɛ sɔrɔn ii la, sa n di wa wo ri ii badenmailu ma Damasi. Wo bolo ma, n wara Isa la mɔɔilu ɲinin Damasi. N wa mɛnilu sɔrɔn ye, n tun ye a fɛ ka woilu mira ka ii sidi, ka na ii ri Jerusalɛmu yan sa ko ri latɔn ii la.»

Kewalilu 28:14

An ka lemɛniya mɔɔ doilu sɔrɔn Pɔtɔli ye. Woilu ka an madiya ko an ye lɔɔkun kelen kɛ ii fɛ. Nba, an nara ɲa mɛn ma Rɔmu, wo le wo ri.