Kewalilu 1:11 - Alla la Kitabu Seniman

¹¹ Woilu ka a fɔ ko: «Kalilekailu, nfenna ai lɔni yan ka sankolo ragbɛ? Isa mɛn bɔni ii tɛma yan, ka wa sankolo rɔ, a ri na ikɔ. A wani ɲa mɛn ma ai ɲana, a ri na ikɔ wo ɲa kelen ma.»

Kewalilu 1:11 ပူးပေါင်းရင်းမြစ်များ

Matiyu 16:27

Nde Mɔɔ Dencɛ ri na n Fa nɔɔrɔ rɔ, n ni a la mɛlɛkailu. Wo lon, n di bɛɛ sara ka a bɛn a tii kɛwaliilu ma.

Matiyu 16:28

N di tuɲa fɔ ii yɛ. Doilu ye ai tɛma yan, mɛnilu tɛ sa ni ai ma Mɔɔ Dencɛ natɔla yen ka kɛ mansa ri.»

Matiyu 24:30

Wo tuma, mɔɔ Dencɛ la tɔɔmasere ri bɔ gbɛ rɔ sankolo rɔ. Duukolo kan siyailu bɛɛ ri jusumakasa. Ii ri Mɔɔ Dencɛ natɔla yen duru kan ka bɔ sankolo rɔ sebaya ni nɔɔrɔ ba rɔ.

Matiyu 25:31

«Mɔɔ Dencɛ wa na a la gbiliya rɔ lon mɛn, a la mɛlɛkailu bɛɛ ri na a malɔ. A ri a sii a la mansaya siifen gbiliyani rɔ.

Luka 21:27

Wo tuma, ii ri Mɔɔ Dencɛ natɔla yen banda sisi rɔ, sebaya ba ni nɔɔrɔ ba rɔ.

Luka 24:5

Musoilu silanda kojuuya, ka ii ɲakɔrɔ bɛn duu ma. Cɛɛ fila wo ka a fɔ ii yɛ ko: «Nfenna ai ye mɔɔ ɲenema ɲininna suilu tɛma?

Yuhana 14:3

N wa sii diya rabɛn ai ma, n di na ka ai ta ka wa an ɲɔɔn fɛ, sani ai ri wa nde ye wala yɔrɔ mɛn dɔ.

Kewalilu 1:2

Sani a ye kɔrɔta ka wa harijeene rɔ, a ka a la talibidenbailu karan, a ka mɛnilu suwandi. A ka ii karan Alla la Nii Sɛniman baraka rɔ, ka ii la baara yiraka ii la.

Kewalilu 1:22

kɛbi Isa sun waati ji rɔ Yaya bolo haan a kɔrɔtara waati mɛn na ka yɛlɛ harijeene rɔ, a bɔra an tɛma lon mɛn na. Mɔɔ wo ye kɛ mɔɔ ri an tɛma mɛn di a sereya ko Maari Isa ra wuli ka bɔ saya rɔ.»

Kewalilu 1:9

Isa banda wo fɔla tuma mɛn na, a kɔrɔtara ii ɲakɔrɔ ka yɛlɛ harijeene rɔ. Banda ka a latunun ii ma.

Kewalilu 13:31

A wuli kɔ, a ka a jɛrɛ yiraka a duɲɔɔnilu la, mɛnilu tun nara a fɛ Jerusalɛmu ka bɔ Kalile. Ii ka a yen tele siyaman kɔrɔ. Mɔɔ woilu le a sere ri Isirayɛli mɔɔilu rɔ sisen.

Kewalilu 2:7

Ii kabannakoyara kosɛbɛ ka a fɔ i ɲɔɔn yɛ ko: «Mɛnilu ye kumala ɲin, ii bɛɛ tɛ Kalilekailu le ri wa?

Kewalilu 3:12

Piyɛri ka mɔɔilu ladɛnnin yen tuma mɛn na, a ka a fɔ ii yɛ ko: «Isirayɛlikailu, nfenna ai kabannakoyani ko ɲin ma? Ai ɲa lɔni andeilu rɔ nfenna? A ye di? Ai ye ai mirila ko cɛɛ ɲin ye a taamala an jɛrɛ sebaya le bolo wa, wala an na Alla ɲɛsilanɲɛ baraka le rɔ wa?

Kewalilu 3:21

Kɔni Isa ri to harijeene rɔ fɔlɔ, fo fen bɛɛ wa yɛlɛman ka kuraya tuma mɛn. Nabiɲuma sɛnimanilu ka kuraya ko wo fɔ ka fara Alla la kɛbi waati jan.