Kalatikailu 6:12 - Alla la Kitabu Seniman

¹² Mɔɔ mɛnilu ye a fɛ ka ai diyagboya ko ai ye faaninta kɛ, ii bɛɛ ye a ɲininna ka diya mɔɔilu yɛ tuun, baa ii tɛ a fɛ mɔɔilu ye ii tɔrɔ Ɲenematɔmɔnin faa gbɔngbɔn jiri kan wo kosɔn.

Kalatikailu 6:12 ပူးပေါင်းရင်းမြစ်များ

Matiyu 23:27

«Gbalo ye ai sariya karanmɔɔilu ni Farisilu yɛ! Ai jɛrɛmayuwailu! Ai ye ikomin kaburu mɛn kɔkanna ra bɔrangbɛ ka kenɲiya, ka a tɛrɛn a kɔnɔ fani mɔɔ koloilu ni nɔɔ su bɛɛ la.

Matiyu 23:28

Nba, ai fanan ye ten de. Ai wa kɛ mɔɔilu ɲakɔrɔ, ai kɛni ikomin mɔɔ telenniilu. Kɔni ai kɔndɔ fani jɛrɛmayuwaya ni kojuu la.

Matiyu 23:5

Wo rɔ, ii ye ko bɛɛ kɛla kosa mɔɔilu ye ii yen. Ka a masɔrɔn, ii ye Kitabu kumailu sɛbɛla, ii ye ii sidila ii tindailu la a ni ii boloilu la haan a bonyara ka dan natamin, ka ii la durukiilu masidini julu denni janilu la.

Matiyu 5:10

Mɔɔ mɛnilu ye tɔrɔla mɔɔilu bolo ka a masɔrɔn ii ye Alla diyana koilu kɛla, woilu ye barakadenilu le ri, baa Harijeene Mansaya ye ii ta le ri.

Matiyu 6:16

«Ai wa kɛ sun donna lon mɛn na, ai kana ai ɲakɔrɔ sidi ikomin jɛrɛmayuwailu ye a kɛla ɲa mɛn ma. Woilu ye ii ɲakɔrɔ sidila sa mɔɔilu ri a lɔn ko ii ye sun dɔ. N di tuɲa fɔ ai yɛ: ii la barayi dan de mɔɔilu la tandoli ri.

Matiyu 6:2

«Wo rɔ, i wa kɛ dɛsɛbatɔ sɔla, i kana buru fɛ i mayira kanma ikomin jɛrɛmayuwailu ye a kɛla ɲa mɛn ma. Ii ye wo kɛla salibonilu kɔndɔ, a ni sila dailu la, sa mɔɔilu ri ii tando. N di tuɲa fɔ ai yɛ: ii la barayi dan de mɔɔilu la tandoli wo ri.

Matiyu 6:5

«Ai wa kɛ Alla tarala, ai kana wo kɛ ikomin jɛrɛmayuwailu ye a kɛla ɲa mɛn ma. Baa a duman ii yɛ ka ii lɔ salibonilu kɔndɔ, a ni sila dailu la, ka Alla tara, sa mɔɔilu ri ii yen. N di tuɲa fɔ ai yɛ: ii la barayi dan de mɔɔilu la tandoli wo ri.

Luka 16:15

Isa ka ii jabi: «Ka ai jɛrɛ kɛ mɔɔilu ɲana ikomin telenbailu, wo duman ai yɛ. Kɔni mɛn ye ai jusu rɔ, Alla ka wo bɛɛ lɔn. Adamadenilu ye mɛn jatela, wo gboman kojuuya Alla yɛ.

Luka 20:47

Ii ri cɛsamusoilu bolofenilu bɛɛ dɔɔn, ka ban ka waati jan kɛ Alla matarala ka ii jɛrɛ kɛ ikomin Alla kaninbailu. Jahadi juu ba ye woilu makɔnɔla.»

Yuhana 7:18

Mɔɔ mɛn ye kumala a jɛrɛ tɔɔ rɔ, wo ye a fɛ mɔɔilu ye a bonya, kɔni mɔɔ mɛn ye a fɛ mɔɔilu ye a kelayaba bonya, wo ye tuɲatii le ri. Wuya si tɛ a la ko rɔ.

Kewalilu 15:1

Nba, mɔɔ doilu nara Antiyɔki ka bɔ Jude. Ii tɛrɛ ye lemɛniya mɔɔilu karanna ko: «Ai ti se kisila ni ai ma faaninta kɛ ikomin Nabi Musa la landa ye ɲa mɛn ma.»

Kewalilu 15:5

Kɔni lemɛniya mɔɔ doilu tɛrɛ ye, mɛnilu tɛrɛ ye Farisilu la dɛkuru rɔ. Woilu ka ii lɔ ka a fɔ ko: «Siya gbɛrɛ mɔɔilu mɛnilu lemɛniyani Isa ma, a fɛrɛ tɛ fo woilu ye faaninta kɛ ka jamari ko ii ye Nabi Musa la sariya latelen.»

Kalatikailu 2:14

N ka a yen tuma mɛn na ko ii tɛ taamala ka telen kibaro ɲuma sila kan, mɛn ye tuɲa ri, n ka a fɔ Sefasi yɛ ai bɛɛ ɲana ko: «A ye di? Ile mɛn ye Yahudiya ri, ni ile ka Yahudiyailu la landailu bila ka i kɛ ikomin siya gbɛrɛilu, nfen de kosɔn i ye siya gbɛrɛilu diyagboyala ko ii ye Yahudiyailu la landa latelen?»

Kalatikailu 2:3

Ni wo tɛ, hali n taamaɲɔɔ Tite mɛn ye Kirɛkika ri, ii ma a diyagboya ko a ye faaninta kɛ.

Kalatikailu 5:11

N badenmailu, ni n ye mɔɔilu kawandila fɔlɔ ko ii ye faaninta kɛ, nfenna mɔɔilu ye n tɔrɔla? Ni n ye mɔɔilu kawandila ten, Ɲenematɔmɔnin faa ko gbɔngbɔn jiri kan, wo tun tɛna gbala mɔɔ si la.

Kalatikailu 6:13

Baa mɔɔ mɛnilu faaninta kɛ la, woilu jɛrɛ tɛ Nabi Musa la sariya labatola. Kɔni ii ye a fɛ ai ye faaninta kɛ sa ii ri se ii jɛrɛbonyala ko ii ka a kɛ faaninta kɛ nɔ ra kɛ ai fari ma.

Filipikailu 1:15

Tuɲa le wo ri, ii le doilu ye Ɲenematɔmɔnin na ko kawandili bɔla minlɛ ni bɛnbaliya le rɔ, kɔni doilu ye a kɛla wɔnike ɲumaya le rɔ.

Filipikailu 2:4

Ai kana ai miri ai makoilu gbansan ma fo doilu fanan ta.

Filipikailu 3:18

N tɛrɛ ra ɲin fɔ ai yɛ siɲa siyaman, n kasitɔla ye a fɔla ai yɛ sisen fanan. Mɔɔ siyaman taamaɲa ka ii kɛ juuilu ri Ɲenematɔmɔnin na gbɔngbɔn jiri kan.

Kɔlɔsikailu 2:23

Wo jamariliilu munuɲani ko kɔrɔlɔn de ri, ka fara ii diyagboya bato ɲa ma, a ni ii la jɛrɛ majii, a ni ii faribanku mira ɲa gbɛlɛn, kɔni fanka tɛ woilu la, ka faribanku natailu kolo.