Kalatikailu 6:10 - Alla la Kitabu Seniman

¹⁰ Wo le kosɔn, an wa fɛrɛ sɔrɔn tuma mɛn na, an ka kan ka koɲuma kɛ mɔɔilu bɛɛ yɛ, ka tɛrɛ tɛ an badenma lemɛniya mɔɔilu ma.

Kalatikailu 6:10 ပူးပေါင်းရင်းမြစ်များ

Matiyu 10:25

Ni karanden kɛra a la karanmɔɔ ɲɔɔn di, a dan de wo ri. Ni jɔn kɛra a jɔntii ɲɔɔn di, a dan de wo ri. A ye di? Ni mɔɔilu ka kuma juu fɔ lutii jɛrɛ ma ko Ibulusa le ye a ri, ii tɛ do fɔ lu kɔndɔ mɔɔilu ma ka tamin wo kan wa?

Matiyu 12:50

baa mɔɔ mɛnilu ye n Fa sawo kɛla, n Fa mɛn ye sankolo rɔ kɔnin, woilu le ye n dɔɔcɛilu ri, a ni n dɔɔmusoilu ni n nailu.»

Matiyu 25:40

Mansa ri ii jabi: ‹N di tuɲa fɔ ai yɛ: ni ai ka koɲuma kɛ n badenma do yɛ mɛn dɔɔman ii bɛɛ tɛma, ai ka wo kɛ n jɛrɛ le yɛ.›

Matiyu 5:43

«Ai ka a mɛn ko a fɔra ko: ‹I ye i mɔɔɲɔɔilu kanin, ka i juuilu kɔn.›

Luka 6:35

Ai kɔni ye ai juuilu kanin, ka koɲuma kɛ ai yɛ. Ai ye julu don ii la, ka ban ka a sara ko to ye. Ni ai ka a kɛ ten, ai barayi ri wara; ai ri kɛ Alla Kɔrɔtaninba denilu jɛrɛ jɛrɛ ri. Ka a masɔrɔn ale ka ɲi mɔɔ bɛɛ ma, hali fisiriwali ni mɔɔ juuilu.

Yuhana 12:35

Wo rɔ Isa ka a fɔ ko: «Dunuɲa kɛnɛbɔlan ye a tola ai tɔrɔfɛ waatini. Ai ye taama ai ni dunuɲa kɛnɛbɔlan yen waati mɛn, sani dibi ye don ai ma waati mɛn. Baa mɛn ye taamala dibi rɔ wo ma a lɔn a ye wala yɔrɔ mɛn na.

Yuhana 9:4

Ni a kɛla tele ri, an ka kan ka baara kɛ a yɛ mɛn ka n kelaya. Su ra sudunya. A wa ko: mɔɔ si ti se baarala.

Kewalilu 6:7

Alla la kuma tɛrɛ ye jɛnsɛnna fan bɛɛ rɔ. Karanden tɛrɛ ye siyayala bɛrɛbɛrɛ kɛ Jerusalɛmu. Alla la sarakalasela siyaman fanan donda ka lemɛniya sila ta.

Kalatikailu 1:23

Ii ka a mɛn ten de dɔrɔn ko: «Mɛn tɛrɛ ye an tɔrɔla fɔlɔfɔlɔ, wo ye lemɛniya ko lasela mɔɔilu ma sisen, a tɛrɛ ye a ɲininna ka lemɛniya ko mɛn tiɲan fɔlɔfɔlɔ.»

Efɛsikailu 2:19

Wo le rɔ, aile mɛnilu tɛrɛ tɛ Alla la jama rɔ, londan tɛ ai ri butun. Ai ra kɛ duurenilu ri jama sɛniman dɔ. Ai ra don Alla la denbaya rɔ.

Efɛsikailu 3:15

denbaya bɛɛ tɔɔ farani mɛn na mɛnilu ye sankolo ni duukolo kan.

Efɛsikailu 4:28

Ni mɛn dorinnin suɲali kɛla, a ye a to. A ye baara bɛrɛ do kɛ a jɛrɛ bolo la, kosa a ye fen sɔrɔn ka a di mɔɔ ma mɛn mako ye a la.

Efɛsikailu 5:16

Ai ye fɛrɛ ɲinin waatiilu ma, ka a masɔrɔn waati ɲinilu juuman de.

Filipikailu 4:10

N sɛwani Maari la ko rɔ kosɛbɛ baa ai ra ai janto n dɔ ikɔ tuun. Ai hamini tɛrɛ ye n yɛ yati kɔni ai ma fɛrɛ sɔrɔn ai ye a yiraka n na.

Kɔlɔsikailu 4:5

Ai ye taama hankilimaya rɔ lemɛniyabaliilu fan fɛ, ai ye fɛrɛ ɲinin waatiilu ma.

Piyɛri Fɔlɔ 2:5

Aile fanan da kɛ Alla la bon lɔ fenilu ri ikomin siimaya kabakurunilu, ka kɛ sarakalasela jama sɛniman di, ka siimaya sarakailu bɔ Alla sɔnni mɛnilu rɔ ka fara Isa Ɲenematɔmɔnin na.

Piyɛri Fɔlɔ 4:17

Ka a masɔrɔn kiti la waati ra se, a ye damirala Alla la jama le ma. Adon, ni a ye damirala ande le ma, mɛnilu banna Alla la kuma Kibaro Ɲuma mirala woilu le laban mɔɔilu di?

Yuhana Fɔlɔ 5:1

Ni mɔɔ mɛnilu bɛɛ lara a la ko Isa le Ɲenematɔmɔnin di, woilu bɛɛ ye Alla denilu le ri. Ni mɔɔ mɛnilu ka Fa Alla kanin, woilu ri a denilu fanan kanin.

Yuhana Sabana 1:10

Wo le kosɔn, ni n sera ye, a ye kojuu mɛnilu kɛla, n di wo bɛɛ labɔ gbɛ rɔ, baa a ye an mafɔla kuma juuilu la. Kɔni Diyotɛrɛfu ma dan wo ma de. An badenma ɲenematɔmɔnin mɛnilu kelayani, a ti sɔn woilu jiya ko ma a wara. Lemɛniya mɔɔ mɛnilu fanan ka a fɔ ko ii ri karanden woilu lajiya, a ri woilu laban wo ma, ka ban ka ii gbɛn ka bɔ lemɛniya mɔɔilu la dɛkuru rɔ.

Yuhana Sabana 1:11

N kaninba, i kana mɔɔ la kojuu ladɛn. Ɛɛn de, i ye mɔɔ la koɲuma ladɛn. Mɔɔ mɛnilu ye koɲuma kɛla, woilu ye Alla la mɔɔilu le ri. Kɔni mɔɔ mɛnilu ye kojuu kɛla, woilu ma Alla yen.

Yuhana Sabana 1:3

An badenma ɲenematɔmɔnin doilu seni yan, ii ka i la ko fɔ. Ii ka a fɔ ko i fasani Alla ma, ko i ye taamala ka bɛn a la tuɲa ma. N sɛwara wo rɔ kosɛbɛ,