Kalatikailu 2:8 - Alla la Kitabu Seniman

⁸ Baa Alla ka Piyɛri kɛ faanintakɛlailu la talibidenba di ɲa mɛn ma, a ka nde fanan kɛ siya gbɛrɛilu la talibidenba di wo ɲa le ma.

Kalatikailu 2:8 ပူးပေါင်းရင်းမြစ်များ

Kewalilu 1:25

Wo ye bila Judasi nɔ rɔ ka kɛ talibidenba di ka baara an ɲɔɔn fɛ, baa Judasi ka baara wo bila, ka wa a sara sɔrɔn mɛn ni a la baara juu sara ka kan.»

Kewalilu 1:8

Kɔni Alla la Nii Sɛniman wa jii ai kan, ai ri sebaya sɔrɔn. Ai ri kɛ n sereilu ri Jerusalɛmu, a ni Jude fan bɛɛ a ni Samari mara fan bɛɛ a ni dunuɲa duukolo fan bɛɛ rɔ.»

Kewalilu 15:12

Jama bɛɛ ka ii sabari ka ii tolo malɔ Barinabasi ni Pɔli fanan na. Ii tun ka kabannako ni tɔɔmasere mɛnilu kɛ ka fara Alla la siya gbɛrɛilu tɛma, ii ka wo bɛɛ lase jama ma.

Kewalilu 19:26

Kɔni Pɔli tɔɔ ɲin ye mɛn kɛla sisen, ai jɛrɛ ɲayen wo la, ai tolo ye a la. A ye a fɔla mɔɔilu yɛ ko batofen mɛnilu ladanni mɔɔ bolo, ko woilu tɔnɔ tɛ foyi ri. Kuma wo ra mɔɔ siyaman kun yɛlɛman ka ban. Ɛfɛsi kelen tɛ. Dɔɔni wo ri se Asi jamana fan bɛɛ rɔ sisen.

Kewalilu 21:19

Pɔli banda folila tuma mɛn na, a kumara ii yɛ. Alla tun ka ko mɛnilu kɛ siya gbɛrɛilu tɛma ka fara Pɔli la baara la, a ka wo bɛɛ lase ii ma kelen kelen.

Kewalilu 22:21

Kɔni Maari ka a fɔ n yɛ ko: ‹Wa! N kɛtɔ i lawala siya gbɛrɛilu ma, mɛnilu siini yɔrɔ jan.›»

Kewalilu 4:4

Kɔni mɛnilu tun ka ii tolo malɔ Piyɛri ni Yuhana kan na, woilu siyaman lara Isa la, ka kafu lemɛniya jamailu ma. Wo rɔ, lemɛniya jamailu kɛra mɔɔ waa loolu ɲɔɔn di.

Kewalilu 8:17

Piyɛri ni Yuhana banda Alla matarala ka ii bolo la ii kan. Wo rɔ, ii ka Alla la Nii Sɛniman sɔrɔn.

Kewalilu 9:15

Kɔni Maari ka a jabi: «Wa! N da cɛɛ ɲin suwandi, sa a ri baara kɛ n yɛ. A ri n na ko lase siya gbɛrɛilu mɔɔilu ma, a ni mansailu ni Isirayɛlikailu.

Kalatikailu 3:5

Alla mɛn ye Nii Sɛniman dila ai ma ka kabannakoilu kɛ ai tɛma, a ye wo kɛla ka a masɔrɔn ai ye Nabi Musa la sariya labatola wa, wala ka a masɔrɔn ai lemɛniya kibaro ɲuma ma, ai ka mɛn namɛn wa?

Kɔlɔsikailu 1:29

N ye baarala gbɛlɛya rɔ wo ko le ma, ka n sebaya don a fanka ba rɔ mɛn ye baarala n dɔ fanka la.