Filipikailu 3:9 - Alla la Kitabu Seniman

⁹ ka yen ale rɔ. N tɛ n jɛrɛ kɛla mɔɔ telenni ri n na sariya mira fɛ, kɔni fo lemɛniya baraka rɔ Ɲenematɔmɔnin ma. Telenbaya le wo ri mɛn bɔni Alla rɔ ka a sɔrɔn lemɛniya baraka rɔ.

Filipikailu 3:9 ပူးပေါင်းရင်းမြစ်များ

A Damira 7:23

Allabatala ka duukolo niimafen bɛɛ halaki wo ɲa le ma. Mɔɔilu wo, soboilu wo, kɔnɔilu wo, ni niimafen mɛsɛn mɛnilu ye taamala duu ma, ii bɛɛ halakira ka bɔ duukolo kan. A tora Nuhan dɔrɔn de ma, a ni mɛnilu tɛrɛ a kun kulunba kɔndɔ.

Matiyu 9:13

Kuma mɛn sɛbɛni Alla la kitabu kɔndɔ ɲin, ai ye wa ai miri wo kɔrɔ ma. A sɛbɛni ko: ‹N ye a fɛ mɔɔ ye hina mɔɔ la. Wo duman n yɛ ka tamin saraka bɔli kan.› Nba, n ma na ka mɔɔ telenbailu kili fɔɔ kojuukɛlailu.»

Kalatikailu 2:16

Kɔni an ka a lɔn ko mɔɔ si ti se kɛla mɔɔ telenni ri ka fara Nabi Musa la sariya labatoli la. Ɛɛn, telenbaya ye kɛla ka a fara lemɛniya ma Isa Ɲenematɔmɔnin ma gbansan. Wo le kosɔn, an fanan lemɛniyani Isa Ɲenematɔmɔnin ma. Mɔɔ ri kɛ mɔɔ teleni ri ka fara lemɛniya ma Isa Ɲenematɔmɔnin ma, Nabi Musa la sariya labatoli tɛ. Baa mɔɔ si tɛ kɛla mɔɔ telenni ri ka fara Nabi Musa la sariya labato ɲa ma.

Filipikailu 3:6

Yahudiya dina komɛ le tɛrɛ n di haan n tɛrɛ ye lemɛniya jama ɲakankatanna. Fɛɛ si tɛrɛ tɛ n na telenna sariya fan fɛ.

Yakuba 3:2

An bɛɛ ye filila ɲa siyaman de ma. Ni mɔɔ mɛn tɛ filila a kuma rɔ fewu, wo tii ye mɔɔ dafanin de ri. A ye senjɛrɛla mɔɔ le ri.

Piyɛri Filana 1:1

Nde Simɔn Piyɛri Isa Ɲenematɔmɔnin na baaraden ni a la talibidenba, nde le ka ɲin sɛbɛ, ka a lawa ai ma, ai le mɛnilu fanan da lemɛniya sɔrɔn mɛn ni an na gbiliya ka kan ai ka mɛn sɔrɔn an na Alla ni an na kisila la telenbaya fɛ, Isa Ɲenematɔmɔnin.

Yuhana Fɔlɔ 3:4

Mɔɔ mɛnilu bɛɛ ye julumun kɛla, woilu ye Alla la sariya tiɲanna, baa julumun ye Alla la sariya tiɲan de ri.