Filipikailu 2:3 - Alla la Kitabu Seniman

³ Ai kana foyi kɛ kɔrɔndiya rɔ wala jɛrɛdabaya rɔ, kɔni ai ye ai jɛrɛ majii, ka doilu jate ka tamin ai jɛrɛ la.

Filipikailu 2:3 ပူးပေါင်းရင်းမြစ်များ

Luka 18:14

Isa ka a fɔ ko: «N ye a fɔla ai yɛ ko niisankɔmirala ka jo sɔrɔn, kɔni Farisi cɛɛ wo ma jo sɔrɔn. Baa mɔɔ mɔɔ wa a jɛrɛ bonya, wo ri majii, kɔni mɔɔ mɔɔ wa a jɛrɛ fanmajii, wo ri bonya.»

Kalatikailu 5:15

Ni ai ka ai ɲɔɔn cin ka ai ɲɔɔn rafarafara, ai ri ai jɛrɛ tiɲan.

Kalatikailu 5:26

An kana jɛrɛdabaya kɛ, an kana sɔsɔli lawuli an ni an ɲɔɔn tɛma, an kana an ɲɔɔn kɛlɛya.

Efɛsikailu 4:2

Ai ye ai jɛrɛ fanmajii, ka to jusu ɲumaya rɔ ko bɛɛ rɔ, ka sabari. Ai ye diɲa ai ɲɔɔn yɛ kaninteya rɔ,

Efɛsikailu 5:21

Ai ye kolo ai ɲɔɔn ma Ɲenematɔmɔnin ɲakɔrɔsilan dɔ.

Filipikailu 2:14

Ai ye ko bɛɛ kɛ hali ai kana a kɛ dalakasili ni ko masɔsɔli rɔ,

Kɔlɔsikailu 3:12

Wo le rɔ, baa Alla ra ai ɲenematɔmɔn, ka ai kɛ a diyana jama sɛniman di, ai ye kininkinin ni juumaya ni fanmajii ni jusu ɲumaya ni sabari ta.

Kɔlɔsikailu 3:8

Kɔni sisen, ai ye wo koilu bɛɛ boloka: mɔnɛ, jusumaya, juuya, mɔɔ tɔɔtiɲanni, a ni kuma juu mɛn ye bɔla ai da rɔ.

Piyɛri Fɔlɔ 3:8

Nba, aile bɛɛ ye to hankili kelen dɔ, ka kininkinin, ka ai ɲɔɔn kanin nakelenɲɔɔya la, ka ɲumaya ai ɲɔɔn na, ka ai jɛrɛ majii.

Piyɛri Fɔlɔ 5:5

Kanberenilu, ai fanan ye kolo mɔɔbailu ma. Ai bɛɛ ye ai fanmajii ii yɛ ikomin faanin wa kɛ ai ɲɔɔn kan. Ka a masɔrɔn, «Alla ye a jɛrɛ wulila wasolailu kanma, kɔni a ye sɔli donna jɛrɛ majiilailu la.»