Hɔrɔya 5:3 - Alla la Kitabu Seniman

³ Musa ni Haruna ka a jabi: «Heburuilu Maari Alla a ra a jɛrɛ yiraka an na. An ye i madiyala, i ye an bila. An ye tele sawa kɛ taamala wula kɔndɔ, ka wa saraka doilu bɔ an Maari Allabatala yɛ, sa Allabatala kana an gbasi jankarɔ la, wala fanmuru la.»

Hɔrɔya 5:3 ပူးပေါင်းရင်းမြစ်များ

Hɔrɔya 3:18

«Isirayɛlika di la i la kuma la ka wo mira. I ni Isirayɛlika la mɔɔbakɔrɔilu ri wa Misiran mansa tɛrɛn ye, ka a fɔ a yɛ ko: ‹Heburuilu Maari Allabatala ra an nabɛn. Ko wo rɔ, ko an ye Misiran mansa madiyala ko i ye an bila, kosa an di tele sawa kɛ taamana wula kɔndɔ ka wa ka saraka bɔ an Maari Allabatala ma.›

Hɔrɔya 7:16

I ye a fɔ a yɛ ko: ‹Allabatala mɛn ye Heburuilu Maari Alla ri, a ka n lawa i ma. Ko a ka a fɔ i yɛ ko: «N na mɔɔilu bila sa ii ri wa n bato kanma wula kɔndɔ.» Ko kɔni haan bi, i ma sɔn kuma wo ma fɔlɔ.

Hɔrɔya 8:1

Allabatala ka a fɔ Musa yɛ ko: «I ye a fɔ Haruna yɛ ko a ye a la gbeleke ta ka wo rasɔmɔn bailu ni kɔilu ni denka jiman yɔrɔilu kun na ka todilu lana Misiran jamana rɔ.»

Hɔrɔya 8:20

Nba, Allabatala tun ka a fɔ ɲa mɛn ma, a ka a kɛ wo ɲa. Sitenilu siyaman siyaman ba nara don Ferawuna la bon na, a ni a la ɲɛmɔɔilu la bonilu la. Jamana yɔrɔ bɛɛ tiɲanda sitenilu bolo.

Hɔrɔya 8:27

Allabatala ka a kɛ ikomin Musa ka a madiya ɲa mɛn ma. A ka sitenilu bɔ Ferawuna ni a la ɲɛmɔɔilu ni a la jamana mɔɔilu kan. Hali siten kelen ma to ye.